Wana ni mbaktumba hi Oze-d’a 4:15 - Bible azumeina

¹⁵ Agi Israel-lâ, le agi hagi tagi á le mizeuna pî, ar suma Juda-na zlad’a vazi d’i, ar agi igi Gilgal li, ar agi igi Bet-Aven ndi, ar agi gunugi tagi ala: Ma didina ni ma bei matna d’uo mi!

Wana ni mbaktumba hi Oze-d’a 4:15 Kruisverwysings

2 Sunda Hamuleinid’a 17:4

Wani mi halî Alona habum ngolona, mi tit ni yam vun mam ma hed’a, mi le nga sun nda Israel suma abo ma norâ a lata d’i.

2 Sunda Hamuleinid’a 21:11

Joram mi min yima kud’or fileina yam ahina d’a Juda-d’a, mi zut suma avo Jerusalem-ma ki suma Juda-na á le gaulangâ mi.

Isai 48:1

Agi suma hi Jakob suma nga yagi tagi ki simiyê Israel-lîna, agi suma buzugugi ad’u andjafâ hi Juda-nina, agi suma nga gunugi tagi ki simiyê Ma didinina, agi suma nga tchenegi Alona hi Israel-lâ bei gagazid’a bei d’ingêra ba na, agi humugiya.

Jeremi 44:26

Kayam ndata, agi suma Juda suma nga kaka yam ambas sa Ezipte-d’ina, agi humugi zlad’a hi Ma didinid’a. Ma didina mi dala: An nga ni gun tan ki simiyên ma ngolâ, sama Juda-na mba mi yan simiyên ki vunam kur ambas sa Ezipte-d’a ala: An gun tan ki simiyê Salad’a Ma didin ma bei matnina na d’uo d’a.

Jeremi 5:2

Jeremi mi dala: Le a nga dala: Ami gunumi tami ki simiyê Ma didin ma bei matna ba na pî, ni gun ta d’a ir gurzulid’a hawa na.

Ezekiyel 20:39

Agi Israel-lâ, Salad’a Ma didina mi dala: Agi igiya, ar nge nge pî mi i tuwal filei mama! Wani bugola, agi mba humunu, agi mba mbud’un simiyên ma bei tchod’a ndjendjed’a ki he d’a hawa d’a agi nga hat mi filei maginid’a d’uo d’a.

Wana ni mbaktumba hi Oze-d’a 10:5

Suma Samari-na a mba le mandarâ abo gor amuhl ma yor ma Bet-Aven-na. Suma a mba yor tazi kamu, suma ngat buzuna a mba tchi kam kayam subur mamba dap pei da’.

Wana ni mbaktumba hi Oze-d’a 10:8

Yima nding ma teteng ma a tinim iram vam ma Bet-Aven ma Israel-lâ a le tchod’a kuana, a mba b’lagam mbeyo. Kekerezeuna kaweid’a a mba deî ata yi mazi ma ngal ahle suma ngat buzu ma tetengâ. A mba de mahuniyôna ala: Agi ngeyemiya, a mba de mi yima nding ma tetengâ ala: Ang dris kä kamiya.

Wana ni mbaktumba hi Oze-d’a 12:1

Suma Efraim-ma a nguyun kä ki zla d’a kad’a, andjaf suma Israel-lâ a nguyun kä ki mbut ira. Suma Juda-na a nga zlapa ki an Alona tua, a ni suma d’engzengâ avogon an Alo ma bei tchod’a ba na mi.

Wana ni mbaktumba hi Oze-d’a 12:11

An de zla manda mi suma djok vuna, an ar ahlena a nde tazi woi irazi teteng, an de zlad’a woi ki d’ogolâ mi suma djok vuna mi.

Wana ni mbaktumba hi Oze-d’a 12:12

Suma Galät-na ni suma tchona. Gagazi, azi tazi a mba mbut ni vama hawana. A nga ngat amuzleina buzuna avo Gilgal burâ ki burâ, wani yi mazi ma ngal ahle suma ngat buzu ma tetengâ mi mbut ni d’igi ahina d’a nga mola hur asinenid’a na.

Wana ni mbaktumba hi Oze-d’a 4:12

Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.

Wana ni mbaktumba hi Oze-d’a 5:8

Agi bugi adifa avo Gibeya, agi bugi adif fa ngola avo Rama, agi eregi ad’ugi akulo avo Bet-Aven. Agi suma Benjamin-na, agi gologi blogogiya!

Wana ni mbaktumba hi Oze-d’a 9:15

Asa’at mazid’a ti nde woi navo Gilgal. Ni kua ba, an noyôzi woyo. An mba ni digizi woi avo hatan yam tcho mazi d’a azi lata, an mba ni le kazi baba d’uo d’a, kayam mazi suma nglo suma avorozina pet a ni suma bei hum vuna ba na.

Amos 4:4

Agi igi Betel, lagi tchod’a! Agi igi Gilgal, lagi tcho d’a kala! Agi hagi ahle magi suma ngat buzuna ki yorogo d’a lara ge pet! Burâ hindi agi mbagi ki dim magina, agi mbagi ki dim magina!

Amos 5:5

Agi halandi Betel li, agi igi Gilgal luo mi. Agi igi Berseba d’uo mi, kayam a mba yo suma Gilgal-lâ magomba ki zla tazi pet, Betel mba d’i mbut ni vama hawana mi.

Amos 6:10

Ata yi máma sama suma ma mi kal avo á yozi mad’a suma woi kur azinina, le mi fe sama ar nga krovo kur gongina ni, sa máma mba mi djobom ala: Sama ding nga ki sed’eng zu? Mba mi hulong dum ala: Hawa! Sa nga d’i. Sama dingâ mba mi hulong humba ala: Ba! Nga ni yima a yi simiyê Ma didinina d’i!

Amos 8:14

Suma a nga gun tazi kalo ma ka zla ma Samari suma a nga dala: Dan! Ar alo mangâ va mi lum mbuo, d’oze, Ar alo ma Berseba-na va mi lum mbuo mi na, a mba puk kä, a mba tchol akulo bugol luo d’a.

Efes-sâ 5:11

Agi lagi darigïd’a ki suma a nga le sun nda hawa yak ka kur nduvundina d’i, wani vama kalâ, agi ngobozi ni ngoba,

Josue 5:9

Ma didina mi de mi Josue ala: Ini an pad’agi wa zulo ma ei Ezipte-na woi kagiya. Ni kayam ndata ba, a nga yi yi máma gak ini ala Gilgal.

Josue 7:2

Navo Jeriko ba, Josue mi sun suma Aï d’a nga go ki Betel-Aven-nda abo ma yorogona hi Betel-la. Mi dazi ala: Agi i d’ugi ambasa. Sum ndazina a i a d’u Aï,