Wana ni mbaktumba hi Oze-d’a 3:4 - Bible azumeina

⁴ Kayam Israel-lâ a mba kak ngola tatâ bei amulâ, bei ma te kazina, bei ma ngat buzuna, bei ahina d’a ge humba, bei filei ma a yum ala efona, bei ma a yum ala terafima mi.

Wana ni mbaktumba hi Oze-d’a 3:4 Kruisverwysings

Ad’u Tinda 31:19

Ata yima Laban mi i á tchau tumiyô mamina, Rachel ti kul filei mama.

Ad’u Tinda 31:34

Wani Rachel ti hle filei máma, ti kalam kä ad’u ahle suma huyok djambalina, ti kak kamu. Laban mi hal kur zlub’ud’a pet, mi fe nga va d’i.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

2 Samuel 6:14

David nga mi lü avok Ma didina kad’engêm pet ki baru d’a efo d’a luluîd’a djinda furum mi.

2 Amuleina 23:24

Wani Josiyas mi b’lak suma a nga djop ki suma azuleina ki suma a nga de zlad’a yam vama nga mbana ki filei mazi ma a yum ala terafima ki filei ma tetengâ kahle suma ndjendje suma a nga kur ambas sa Juda-d’a ki suma avo Jerusalem-ma woi pet. Ni hina ba, mi ge yam kä ad’u zlad’a hi Gata d’a a b’irit kur mbaktum mba ma ngol ma ngat buzuna Hilkiya mi fat kur gong nga kud’ora hi Ma didinid’id’a.

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

Buzuk ka Abud’a 28:4

Baru d’a azi mba tchilita ba wana: Baru d’a didi’â tu, baru d’a efod’a tu, baru d’a fiyaka tu, baru d’a krovo d’a d’udjod’a tu, kadamula tu ki talina tu mi, kayam Aron azi ki groma a lan sun nda ngat buzuna.

Buzuk ka Abud’a 28:6

Ma didina mi de kua ala: Sama d’alâ mi tchil baru d’a efod’a ni ki lora gizeîd’a ki baru d’a par ra botlozid’a ki d’a hleu d’a sisila ki d’a hleu d’a kekenga ki d’a luluî d’a lalavata mi.

Hor ma tchina 2:9

Bap mat ma avun agre’îna mi rot kä andaga, mi b’lak keyo. Kawei ma murguli ma atama mi kus seyo. Amul matna ki mat suma nglona a yozi a izi aduk andjaf suma dingâ. Suma a hat gatina nga d’uo d’a. Mat suma djok vuna pî, Ma didina nga mi ndazi va irazi woi d’uo mi.

Ezekiyel 19:14

Akud’a ti foï ata abod’u, ti ngalat abot tei ki vud’ud’u. Abot mi nga ad’enga á ka totogo d’a tamula d’uo d’a. Ti arî sawal la yor tad’a, ti arî á yor tad’a.

Ezekiyel 20:32

Agi nga djib’eregi ala agi mba mbud’ugi ni d’igi andjaf suma yam andaga d’a dinga suma a nga kud’or aguna kahinad’ina na, wani ahle ndazina a mba le d’i.

Ezekiyel 21:21

Ndak mbigeu d’a fiyak ka tena heîd’a, ndak ka irak abo ma ndjufâ, ndak ka irak abo ma gulana, ata yima lara ma ndak nga avogok kuana.

Ezekiyel 21:31

Salad’a Ma didina mi dala: A mba fogong djum manga woyo, a mba fogong kadamul manga woyo. Ahlena pet a mba mbud’a. Sama ge yam kä na a mba hlum yam akulo, sama hle yam akulona a mba hulongôm yam kä mi.

Daniel 11:31

Mba mi sunï azigarâ, a mba hle yina avun azì ma ad’eng ma ngungu ma a tinim iram vama, a mba mbud’um ndjendjed’a, a mba d’el ahle suma ngat buzu suma a hazi mAlona burâ ki burîna, a mba tin vama ndjendje ma tcho ma kal teglesâ yam yima ngal ahle suma ngat buzuna.

Daniel 12:11

A mba tin ad’ud’a kur bur ma a mba d’el ahle suma ngat buzu suma a hazi mAlona burâ ki burîna gak vama tcho ma ndjendje ma kal teglesâ a mba tinim akulo yam yima ngal ahle suma ngat buzuna, a mba le burâ 1290.

Daniel 9:27

Mam mba mi le suma kad’enga ablaud’a á djin vunazi ki sed’em gak bizad’a kid’iziya. Kur biza d’a hindi ki nusid’a, mam mba mi d’elezi á hahle suma ngat buzuna ki he d’a hawad’a. Ma b’lak yina mba mi ndak vun sun mam mba ndjendjed’a atogo zak, gak b’lak ka a ngata ti nde yam ma b’lak yi máma.

Wana ni mbaktumba hi Oze-d’a 13:10

Amul magi ma mi sud’ugina mi nga ni lara ge? Magi suma nglo suma avorogi suma a tagagi lovotina a nga ni lara ge? Ni agi ba, tchenen ala: Ang hami amulâ ki suma nglo suma avoromina d’uo zu?

Wana ni mbaktumba hi Oze-d’a 13:11

An hagi amuleina ni kayîna; ata yima an hurun zalâ, an yogizi woi mi.

Wana ni mbaktumba hi Oze-d’a 2:11

Kayam ndata, an mba ni hulong ni ve geme mana woi abot ata yima zed’a, ni ve süm guguzlu manda woi ata yima duta, an mba ni yo tumus tumiyô mana ki baru man nda luluîd’a suma a zlubut ki gandila matina woi atad’u.

Sunda hi suma hi Levi-nid’a 8:7

Mi tchuk baru d’a ngola ata Aron, mi djinim d’i’â furumu, mi tchugum baru d’a dinga kam kua, mi tchugum baru d’a efod’a kad’u, mi djinim d’ik ma a djina kat mi.

Zakari 10:2

Filei ma agi nga djoboma nga mi dagi ni zla d’a kad’a, suma djopa, ahle suma a nde tazi irazina, nahle suma hawa ya’â. Adï d’a azi vagizi ad’uta, ni zla d’a hawa yaka mi. B’leng hur ma azi nga b’lengêgi ki hurugina, ni mbut ira. Kayam ndata, azi nga kur hohoud’a d’igi d’uwar ma salam ma pola nga d’uo na na.

Zakari 13:2

Ma didin ma ad’engêm kal petna mi dala: An mba ni yo filei ma yam ambasina woi tala ar sa mi djib’er kam mbuo d’a, an mba ni yo suma djok vun suma kur ambasina ki muzuk ma ndjendjed’a woi mi.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Jean 19:15

Kayam ndata, azi de ki delezi akulo ala: Tchum mbeyo, tchum mbeyo, b’alam akulo ata aguna. Pilat mi djobozi ala: An b’alagi amul magina akulo zu? Nglo suma ngat buzuna a hulong dum ala: Ami nga kamul ma ding ngi, ni Sesar tu.

Hebre-na 10:26

Le ei nga ngei huri á i avogovok kur tcho d’a led’a ata yima ei wei ad’u gagazid’a da na ni, ngat buzu ma ding ma yam tcho meid’ina nga d’uo d’a.

Suma ka sariyad’a 17:5

Ni hina ba, Mika mi nga ki gong nga kud’ora avo hatamu. Mi yor filei ma a yum ala efona ki ma a yum ala terafima. Mi tin gorom ma dingâ á lum sun nda ngat buzuna.

Suma ka sariyad’a 18:14

Ata yi máma suma vahl suma a i á d’u ambas sa Layis-sina a de zlad’a mi b’oziyozina ala: Agi wagi nga ala kur azì ma wana filei ma a yum ala efona ki ma a yum ala terafima kagu ma tcheta ki ma a gulud’um ki kaweina mi na a nga kua mi d’uo zu? Ni zla magid’a á wagi vama agi luma.

Suma ka sariyad’a 8:27

Zedeyon mi yo fileina ki ngangam ma lor máma, mi tinim kur aziyam avo Ofra. Israel-lâ pet a nga mba, a kud’or filei máma, mi mbut ni dauna yam Zedeyon ki sum mama mi.

1 Samuel 14:3

Ma ngat buzu ma nga ata yi mámina ni Ahiya Ahitup goroma, mi nga ki baru d’a efod’a atamu. Mam mi Fines gorom ngolona. Ni Eli ma ngat buzu ma nga avo Silo adjeuna gorom ngolo ma mbàna. Ikabot ni Ahiya abum wiyema. Wani aduk azigarâ sa we nga ala Jonatan mi iya d’i.

1 Samuel 15:23

So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.

1 Samuel 2:18

Wani Samuel nga mi le sunda avok Ma didina, mi nga ki baru d’a ngat buzuna atamu.

1 Samuel 21:9

Ma ngat buzuna mi hulong de mi David ala: Gola! Mbigeud’a hi Goliyat ma Filistê ma ang tchum kur hor ra Ela-d’ina ti d’uta ki barud’a bugol baru d’a efod’a wana. Le ang min hlad’u ni, ang hlad’u, kayam d’a ding nga ka hî d’i. David mi dala: D’a dinga d’igi ndat hina d’a nga d’i; ang handjiya!

1 Samuel 22:18

Ata yi máma amulâ mi de mi Dowek ma Edom-ma ala: Ang mbut irang ang tchi suma ngat buzu ndazina woyo. Mi mbut iram mi tchazi mi, mi tchi suma a tchuk baru d’a efod’a atazina kur bur máma ni dok klavandi yam vahl.

1 Samuel 23:6

Kid’a Abiyatar Ahimelek goroma, mi tchol ringâ, mi fe David avo Keila-d’a, mi mba ki baru d’a efod’a abomu.

1 Samuel 23:9

David mi wala Saul mi nga hurum kam á lum tchod’a. Mi de mi Abiyatar ma ngat buzuna ala: Ang i yoï baru d’a efod’a.

1 Samuel 30:7

David mi de mi ma ngat buzuna Abiyatar Ahimelek goroma ala: Ang yonï baru d’a efod’a. Abiyatar mi yomzïya.