Wana ni mbaktumba hi Oze-d’a 3:2 - Bible azumeina

² An gus amanda ni ki bege d’a hapa dogo yam vahl ki suwal awu orsâ karagaya mi.

Wana ni mbaktumba hi Oze-d’a 3:2 Kruisverwysings

Ad’u Tinda 31:41

An le bizad’a avo hatangî dok mbà, an lang sunda bizad’a dogo yam fid’i yam grong suma mbàna, bizad’a karagaya yam d’uwar mangâ, wani ang mbud’un wurak manda yang dodogo.

Ad’u Tinda 34:12

Le agi ngan begena ngola ki he d’a hawad’a ngola heî pî, an mba ni hagizi d’igi agi dagi na; agi han gor ndata, an vad’u.

Buzuk ka Abud’a 22:17

Wani le abut mi min nga d’ala sa máma mi vat tuo d’a ni, sama mi lobot vunatna, mbeî mi wurak begena ir gor atchad’a sop.

Isai 5:10

A mba zum palum guguzlud’a hindi, wani vud’ut mba d’i em lidirâ dok vahl hluo ko; a mba zar gemena kä kilona kis, wani mba mi dut ni kilona dogo wü d’a.

Ezekiyel 45:11

Vama nga awuna ma a yum ala Efa-na mi nga, vama a nga ahle suma mbina ma a yum ala Bat-na mi nga mi. Azi djak nabo tazi tu. Ngad’a hi Efa-nid’a dogo d’oze d’a hi Bat-nid’a dogo ni ir vama nga ahlena ma a yum ala Homer-râ na tu. Homer-râ ni vama nga ahlena ma a tinim á nga kaneka hahlenid’ina.

Wana ni mbaktumba hi Oze-d’a 3:3

An dat ala: Ndak mba d’i kak avo hatan tatâ, ar ndak le gaulangâ d’i, ndak ar tak mi sama ding nguo mi. An pî mba ni ar tan kak hina mi.

Sunda hi suma hi Levi-nid’a 27:16

Le sana mi tin asine mam ma dingâ iram vam á hum mi an Ma didina ni, a lum guzumî ki ngola handjaf awu ma mam zaram kä kur asine mámina. Mi he bege d’a hapa dok vahl ngad’a yam awu orsâ ir kilona kikis hindi.

Wana ni mbaktum mba a b’irit yam Rut-ta 4:10

An nga ni ve Rut ta Mowap pa atchad’a hi Malon-nda kayam blangâm sil lei d’i, kayam andjavam mi i avogovok aduk sum mama, ata yima a min zlad’a kua na mi. Agi ni glangâs mana mi.

1 Samuel 18:25

Saul mi dazi ala: Agi i dagi mi David ala: Amulâ nga mi min ni begena d’i, wani mi min ni babak d’iu Filistê-na kis á sä atchugulum ki mam suma djangûna. Saul mi le hina ná zut David abo Filistê-na.