Wana ni mbaktumba hi Oze-d’a 3:1 - Bible azumeina

¹ Ma didina mi dan kua ala: Ang i veï atcha d’a banatna nga mi le kat heî d’a nga d’i le mizeunid’a, ang le kat d’igi an Ma didina nga ni le yam Israel-lâ na. Azi nga mbut irazi yam alo ma dingâ, a nga le d’od’oka yam woî guguzlu ma a hum mi fileinina, wan pî an nga ni le kaziya.

Wana ni mbaktumba hi Oze-d’a 3:1 Kruisverwysings

2 Samuel 6:19

Bugola, David mi b’rau tena mablaud’a hi Israel-lâ pet; andjofâ karopma nge nge pî David mi hum avungô ma gureina ki hliu ma sora kades guguzlu d’a sod’a. Suma pet a b’rawa, nge nge pî mi i avo hatamu.

2 Amuleina 13:23

Wani Ma didina mi wazi hohowoziya, mi vat hurum mbei kaziya, kayam vun ma djin ma mam djinim ki Abraham ki Isak ki Jakob-ma. Mi min b’lagazi woi d’i gak ini mi arazi nga woi d’uo mi.

1 Sunda Hamuleinid’a 16:3

Mi b’rau tena mablaud’a hi Israel-lîd’a pet, andjofâ karopma, nge nge pî mi hum avungô ma gureina ki hliu ma sora kades guguzlu d’a sod’a mi.

Nehemi 9:31

Wani yam we hohou mang nga ngola, ang dabazi nga woi tchid’a d’i, ang arazi nga woi d’uo mi, kayam angî Alo ma sumad’a, ni ma we hohou sumina mi.

Sawal la giled’a 123:2

Gola! Ami irami nga ni tinda yam ang Ma didina Alo mamina d’igi azungeîna a nga tin irazi yam suliyozina na, d’igi yuguneina a nga tin irazi yam suliyozi suma aropma na mi, tala ang wami hohowomiya d’a.

Buzuk ka Abud’a 32:6

Tcha ndjivin yorogo tcholol, azi tchol a hahle suma ngat buzu suma ngala kahle suma ngat buzu suma zlap darigïd’a, a kak kä á ted’a, á tched’a. Bugola, a tchol akulo á luna.

Sawal la kal teglesa 2:5

Agi ndjunun ki weî vud’a guguzlud’a, agi b’lengên hurun ki vud’agu poma, kayam an amangeîd’a kur od’a.

Isai 45:22

Agi suma sä avun dabid’a handagad’ina, agi hulongôgï gevenu. Hina agi mba fagi suta, kayam an nAlona. Alo ma ding nga woi kengên ndi.

Jeremi 3:20

Wani an Ma didina ni dagi ala: Agi Israel-lâ, agi mbud’un iran d’igi atchad’a ti mbut ir ndjuvut na.

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Wana ni mbaktumba hi Oze-d’a 2:5

Le d’uo ni, an mba ni fogot baruna atat tei pet, an mba ni arat gandilad’a d’igi ndat ti vud’ï kä adjeu na, an mba ni mbud’ut andaga mata hur ful ma so ma gangrasâ, an mba ni tchat tei ki vun ma sod’a mi.

Wana ni mbaktumba hi Oze-d’a 4:11

Gaulangâ ki süm guguzlu d’a adjeud’a ki d’a awilid’a a b’lak sum mana woyo.

Wana ni mbaktumba hi Oze-d’a 7:5

Kur bur ma vun tilâ hamul mazinina, suma nglo suma avok suma a nga mbut tugud’eid’a abo süm guguzlud’a, amulâ nga mi ve suma las suma abozi akulo mi.

Amos 2:8

A nga bur kä gen yima ngal ahle suma ngat buzu ma lara ge yam baru d’a suma houd’a a nga dengêzizid’a, a nga tche süm guguzlud’a kur gonga halo mazinid’a ki bege d’a a kat yam suma ata lovod’ot tuo d’a.

Amos 6:6

Agi nga tchagi süm guguzlud’a ki kop ma nglona, agi nga lagi mbul ma d’igil ma hirwilingâ atagiya, wani agi nga had’agi hurugi yam b’lak ka ti mba yam andjafâ hi Josef-fîd’a d’i!

Mise 7:7

An nga ni tin iran yam Ma didina, an nga ni tin hurun yam Alo ma sud’una, Alo mana mba mi humunu.

Zakari 1:16

Kayam ndata, an Ma didin ma ad’engên kal petna nga ni dagiya: An mba ni hulongî Jerusalem á tak djivi manda woyo, a mba hulong min gong man nda kud’ora akulo, a mba min azì ma ngolâ akulo mi.

Matiye 26:50

Jesus mi dum ala: Bäna, vama ang mba á luma, ang lumu. Ata yi máma, a gabozi woi yam Jesus, a vumu.

1 Korente-na 10:21

Agi ndak á tchagi kopma hi Salad’ina ki kopma hi muzuk ma teteng ma tcho ma fileina zlapa tu d’i. Agi ndak á kagagi avun tabulâ hi Salad’ina ki tabulâ hi muzuk ma teteng ma tcho ma fileina zlapa tu d’uo mi.

1 Korente-na 10:7

Ar ei tuwalei fileina d’igi suma dingâ adigazi a le na d’i, d’igi mbaktumba hAlonid’a ti de na ala: Azi kak kä á ted’a, á tched’a. Bugola, a tchol akulo á luna.

1 Pierre 4:3

Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi.

Suma ka sariyad’a 10:16

Israel-lâ a tchuk alo ma teteng ma hi suma ding ma nga adigazina woyo, a hulong a nga le sunda mi Ma didina. Ma didina nga mi hat hurum yam ndak mazid’a.

Suma ka sariyad’a 9:27

A buzuk a i abagei a dut vut guguzlu mazid’a, a mired’ed’u, a lü vun tilâ, a tchuk kur gonga halo mazinid’a, a nga te, a nga tche, a nga de zla d’a tchod’a yam Abimelek.