Wana ni mbaktumba hi Oze-d’a 2:7 - Bible azumeina

⁷ kayam asuzi natcha d’a gaulangâ, ta vud’uzid’a ti le nahle suma zulona. Nga d’i dala: An ringî bugol buniyôn suma a nga han te mana ki mbiyo manina, ni suma a nga han tumus tumiyô mana ki baru man nda luluîd’a ki mbul mana ki süm guguzlu mandina mi.

Wana ni mbaktumba hi Oze-d’a 2:7 Kruisverwysings

2 Sunda Hamuleinid’a 28:23

Mi hahle suma ngat buzuna malona hi suma Damas ma nga mi durum ayînina, mi dala: Nalona hamulei suma Siri-na ba, nga mi ndjunuziya, an i ni hum he d’a hawad’a ngat buzuna, kayam mi ndjununu. Hina wani, mi mba ki b’laka kam ki Israel-lâ pet mi.

Sawal la giled’a 116:7

An min hulong ata yi man ma tuk tad’a, kayam Ma didina, mi lan djivid’a.

Isai 30:16

Agi nga dagi ala: Hawa yak! Ami mba djangâmi kakulumeina! Gagazi, agi mba djangâgi kakulumeina, wani ná ringâ! Agi nga dagi ala: Akulumei mamina a djang heî, wani suma a mba digigina, akulumei mazina a mba djang kal tua d’ei!

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Jeremi 2:2

Ang i de mi suma Jerusalem-ma ala: Ma didina mi dala: Humun gan yam o mak ka ndak nga ki sed’et ki weyek ata yima ndak tit blogon kid’a an kaka, ata yima ndak tit blogon kur ful ma gangras ma bei sa mi zumum ba na.

Jeremi 2:28

An mba ni hulongôgi humba fata ndaka mba kagid’a ala: Alo magi ma agi minima, mi nga ni lara ge? Le mi ndaga ni, ar mi tchol akulo mi sud’ugiya, kayam agi suma Juda-na, agi nga kalona ngad’a yam azì magi ma nglona gagang.

Jeremi 2:36

Ni kayam me ba, agi mbud’ugi djib’er magid’a atogo hina zak á mbud’ugi lovot magid’a ge? Zulona mba mi vagï avo Ezipte, d’igi mi vagï avo Asiri na mi.

Jeremi 3:1

Ma didina mi dala: Agi danu! Na ni atcha d’a ndjuvut mi digit tei d’a ti ve mandjuf ma dingîd’a, ndjuvut ma avo’â mi hulong vat tei zu? Ambas sa wanda mba d’i mbut ni ndjendjed’a ki irat fafat tuo zu? Wani agi mbud’ugi tagi gaulangâ ki suma ablaud’a. Agi min ala an hulong an vagi d’ei zu?

Jeremi 31:18

An hum tchina hi suma Efraim-ma. Gagazi, a nga tchi ala: Ma didina, ang gad’ami ki gat ta ad’enga d’igi a gat amuhl ma azong ma bei hatina na. Wani ang vami atang tala ami hulongômi geveng gagazi d’a, kayam angî Ma didina Alo mamina.

Jeremi 31:32

Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzï woi kur ambas sa Ezipte-nid’ina na d’i. Vun ma djin máma, an ni salazina pî, azi bud’um mbeyo. An Ma didina ni de na.

Jeremi 44:17

Wani ami tid’imi ni yam zla d’a lara d’a ndavunamid’a á ngal dubang ma his djivid’ina ki süm guguzlud’a mi Astarte amul la akulod’a, d’igi ami kabuyomi ngolo kamulei mamina ki mami suma nglona, ami lami adjeu kur azì ma nglo ma Juda-na ki ir palum mba Jerusalem-mba na. Ni kayam ndata ba, ami tamiya, ami hobomiya, ami lami furîd’a, ami wami nga ndak ki.

Ezekiyel 16:18

Ndak yo baru mak ka djif fa d’udjod’a, ndak zlubuzizi kaziya, ndak hle mbul mana ki dubang man ma his djivid’ina, ndak lazizi ataziya.

Ezekiyel 16:8

An kal gevegu, an gologu. Wana ni yi mak ma ndak á ved’ina. An barak baru man nda ngola kagu, an zlubuk gandila maka, an gunuk tanu, an djin vunan ki sed’egu, an Salad’a Ma didina ni dala: Ndak arî manda.

Ezekiyel 20:32

Agi nga djib’eregi ala agi mba mbud’ugi ni d’igi andjaf suma yam andaga d’a dinga suma a nga kud’or aguna kahinad’ina na, wani ahle ndazina a mba le d’i.

Ezekiyel 23:12

E’eû mata ti zud’ut ata suma Asiri suma te yamba ki suma nglo suma ka sariyad’a, azi ni ndrot suma a nga tchuk baru ma djifâ atazina. Azi ni suma djang akulumeina, azi pet nazungeî suma a djif heîna mi.

Ezekiyel 23:22

Ndak Oholiba, ni kayam ndata ba, Salad’a Ma didina mi dala: Gola! An nga ni mba ki buniyôk suma ndak wal tak kei ki sed’ezina á durugu, an nga ni mba ki suma ata yima lara ge pet á duruk mi.

Ezekiyel 23:4

Ta ngola a yat ala Ohola, ta gora a yat ala Oholiba. Azi ni mana, a vut gro andjofâ ki gro aropma. Ohola ni Samari, Oholiba ni Jerusalem mi.

Daniel 4:17

Nga hurâ hi malaika suma ndjola ni vun ma hed’a hi suma a tinizi irazi vazina, tala ar suma a nga ki irazi yam andagad’ina a wala Alo ma sä akulo ma kal teglesâ nga mi te yam leud’a hi suma yam andagad’ina pet, nga mi hat mi sama mam hurum minima, nga mi hle yam suma bugolâ akulo mi d’a.

Daniel 4:25

A mba diging ngei aduk suma, ang mba kak aduk ahle suma abageina. A mba hang asuna á ted’a d’igi amuzleina na. Mbad’ï d’a akulod’a mba d’i gangû. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Daniel 4:32

A mba diging ngei aduk suma, ang mba kak aduk ahle suma abageina, a mba hang asuna á ted’a d’igi amuzleina na. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Daniel 5:21

A digim mbei aduk suma, djib’er mamba ti mbut d’igi djib’era hahle suma abageinid’a na. Mi kak aduk koro ma abageina, mi tasuna d’igi amuzleina na, mbad’ï d’a akulod’a ti gumu, gak mi wala Alo ma kal teglesâ nga mi te yam leu d’a yam andagad’id’a pet, nga mi tin sama mam hurum minima amula.

Wana ni mbaktumba hi Oze-d’a 1:2

Wana ni zla d’a Ma didina mi dat avok mi Oze-d’a: Mi dum ala: Ang i veï atcha d’a nga d’i le gaulangîd’a. Gro suma ang mba vud’uzi ki sed’etna a mba le ni gaulangâ hina mi. Kayam suma kur ambasina a he tazi á le gaulangâ, a hazigazi mi an Ma didina.

Wana ni mbaktumba hi Oze-d’a 13:6

Ata yima an hagi tena ndak yam mei magid’ina, agi hobogiya, agi hlagi yagi akulo. Ni kayam ndata ba, agi maragi kanu.

Wana ni mbaktumba hi Oze-d’a 14:1

Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.

Wana ni mbaktumba hi Oze-d’a 2:16

Kayam ndata, an mba ni lobot ni i ki sed’et abagei hur fulâ, an mba ni b’lengêt hurud’u.

Wana ni mbaktumba hi Oze-d’a 5:13

Suma Efraim-ma a we tugud’ei mazid’a, suma Juda-na a we mbil mazina. Suma Efraim-ma a ge sunda ata amul ma ngol ma Asiri-na. Wani amul máma mi nga kad’enga á sud’uzi d’oze a hazi kumana yam mbil mazina d’uo mi.

Wana ni mbaktumba hi Oze-d’a 5:15

Ma didina mi dala: An mba ni iya, an mba ni hulong ata yan ma kaka gak azi we tcho mazid’a, gak azi mba mba á wan iranu. Fata azi nde kur ndakid’a, a mba halan ki hur ma hata.