Wana ni mbaktumba hi Oze-d’a 2:4 - Bible azumeina

⁴ Ma didina mi de kua ala: Agi kagi sariyad’a yam asugiya, agi tchugugizi zlad’a kad’u, kayam ndat nga namanda d’i, an nga ni ndjuvut tuo mi. Ar ti ar gaulang matna woyo, ar ti ar mizeu mat ma led’a woi mi.

Wana ni mbaktumba hi Oze-d’a 2:4 Kruisverwysings

2 Amuleina 9:22

Kid’a Joram mi mba go avok Jehu-d’a, mi djobom ala: Jehu, ang mba ni hawa ko zi ge? Jehu mi hulong dum ala: Ni kayam me ba, ang djobon hina ge? Ang we tetet ala nasung Jezabel ba, nga d’i i avogovok á kud’or alo ma teteng ma hawa ya’â ki kuma matna mi d’uo zu?

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Isai 50:1

Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

Isai 57:3

Agi atcha d’a djop fileina grotna, andjaf fa mizeu d’a gaulangâ, agi hud’ugi ka hî.

Jeremi 13:14

An mba ni tchuguzi ata tazi huneîd’a, abuyod’a ki grod’a abo tazi tu. An mba ni wazi hohowozi d’i, an mba ni keng sa woi tu d’i, an mba ni hat hurun kazi d’i, vama mba mi d’elen á dabazi woina nga d’uo mi. An Ma didina ni de na!

Jeremi 16:5

Ma didina mi dan kua ala: Ar ang kal kur azì ma a tchi matna kuana d’i, ar ang i tchi matna d’i, ar ang tchi horâ ki sed’ezi d’uo mi. Kayam an hle wa b’leng man nda halasa woi yam sum ndazina. Djivi manda ki we hohou manda pî, an yozi wa woi kaziya. An Ma didina ni de na.

Ezekiyel 23:25

An nga ni zal hurun kagu. An mba ni arazi a mba le ki sed’ek ki hur ma zala, a mba ngad’ak atchinak ki humak keyo, mak suma a mba arâ, a mba tchazi avun ayîna, a mba yo grok suma andjofâ ki suma aropma. Mak suma a arâ, akud’a mba d’i ngalazi woi mi.

Ezekiyel 8:18

An mi, an mba ni lazi ki hur man ma zala na mi, an mba ni wazi hohowozi d’i, an mba ni djib’er kazi d’uo mi. Fata azi mba tchi ki delezi d’a ngola akulo humanda, an mba ni humuzi d’uo mi.

Ezekiyel 9:10

An mi, an mba ni we sa hohowom mbi, an mba ni djib’er yam sa d’uo mi, wani an mba ni hulongôzi tcho mazid’a kaziya.

Wana ni mbaktumba hi Oze-d’a 1:2

Wana ni zla d’a Ma didina mi dat avok mi Oze-d’a: Mi dum ala: Ang i veï atcha d’a nga d’i le gaulangîd’a. Gro suma ang mba vud’uzi ki sed’etna a mba le ni gaulangâ hina mi. Kayam suma kur ambasina a he tazi á le gaulangâ, a hazigazi mi an Ma didina.

Wana ni mbaktumba hi Oze-d’a 1:6

Gomer ti hulong ve wirâ, ti vut gor atchad’a. Ma didina mi de mi Oze ala: Ang yat ala Lo-Ruhama (nala, Bei we hohoud’a), kayam an mba ni we hohowa Israel-lâ á vat hurun ndei kazi gagak kuo d’a.

Wana ni mbaktumba hi Oze-d’a 5:7

Azi mbud’un iranu, a vut ni gro suma nga ata yazi d’uo na. Ki tchetchemba, ar tilâ tu a mba b’lagazi ahle mazina woyo.

Zakari 1:12

Ata yi máma malaika máma mi dala: Ma didin ma ad’engêng kal petna, ni mindja ba, ang mba we hohowa suma Jerusalem-ma ki suma kur azì ma nglo ma Juda suma ang hurung zal kazi gak bizad’a dok kid’iziyana ge?

Jean 8:41

Agi nga lagi ni sunda habugid’a. Kayam ndata, azi dum ala: Vud’umi nga kur mizeuna d’i, Abumi ni tu, nAlona.

Romê-na 11:22

Ang we nana ba, Alona mi tak djivi mamba kad’eng mamba woi ge. Mam nga kad’enga yam suma a puk kä na, djivi mamba nga kang ang mi. Wani ar ang kak kur djivi mamba. Le hina d’uo ni, mba mi kang ngei d’igi abo aguna na mi.

Romê-na 9:18

Ni hina ba, Alona mi we hohowa sama mam min wum hohowoma, mi b’al hur sama mam min b’alam huruma mi.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.