Wana ni mbaktumba hi Oze-d’a 2:22 - Bible azumeina

²² An mba ni d’umu’î d’um mba d’engzenga, ndak mba d’i wan an Ma didina.

Wana ni mbaktumba hi Oze-d’a 2:22 Kruisverwysings

Isai 62:4

A mba yak ala Ta a digit teid’a d’uo d’a, a mba yandaga maka ala Ta a arat teid’a d’uo mi, wani a mba yak ala Ta an hurun vat heîd’a, a mba yandaga maka ala Ta a teleta, kayam Ma didina tam lum djivid’a kagu, andaga maka mba d’i ve ndjufâ.

Jeremi 24:7

An mba ni malazi djib’er ra kuruzid’a woyo, azi mba wala an ni Ma didina, azi mba mbut sum mana, an tan mba ni arî Alo mazina, azi mba hulongî geven ki hur ma tuna.

Jeremi 31:12

Azi mba mba yam yima nding ma Siyon-na ki sawal la furîd’a, tazi mba d’i lazi djivid’a yam ahle suma a mba fazi abo Ma didinina, nala, gemena, süm guguzlu d’a awilid’a, mbulâ, tumiyôna, b’ogeina kamuzleina mi. Azi mba mbut ni d’igi asine ma a nga rabam mbinina na. Va mba mi mbud’uzi mandar bugol luo d’a.

Wana ni mbaktumba hi Oze-d’a 1:4

Ma didina mi dum ala: Ang yum ala Jisreyel, kayam ar ndjö an nga ni mba á ngop andjafâ hi Jehu-na yam mat ma mi tchum avo Jisreyel-lâ. An mba ni d’el leu d’a ted’a aduk andjafâ hi Israel-lâ.

Wana ni mbaktumba hi Oze-d’a 14:7

Sum mana a mba hulongî a mba kak ad’u anguzunu, a mba zum gemena, a mba tchuk grona d’igi guguzlud’a na, simiyêzi mba mi nde yina d’igi süm guguzlu d’a Liban-nda na.

Joel 2:19

Ma didina mi hulongôzi humba, mi de mi sum mama ala: Gola! An nga ni sunugi gemena, süm guguzlu d’a awilid’a ki mbulâ. Agi mba hobogiya. An mba ni aragi á mbut zulona aduk andjaf suma dingâ d’uo d’a.

Zakari 8:8

An mba ni hulongôziya, a mba kak kur Jerusalem, a mba mbut sum mana, an mba ni arî Alo mazina, an mba ni te kazi ki d’engzenga ki gagazid’a mi.