Wana ni mbaktumba hi Oze-d’a 2:2 - Bible azumeina

² Suma Juda-na ki Israel-lâ a mba zlap tu, a mba pat amulâ tu, a mba te yam ambasa. Bur máma ni bur ma ngolâ hi Jisreyel-lâ.

Wana ni mbaktumba hi Oze-d’a 2:2 Kruisverwysings

Isai 11:12

Mba mi pe drapo d’a taka mandjaf suma ala mam mba mi tok Israel suma a b’rau woina gevemu, mba mi tok andjafâ hi Juda ma b’rau woi yam andagad’a abot ma fid’inina ata yima tuna mi.

Isai 50:1

Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

Isai 58:1

Agi eregi ad’ugi akulo, agi bagi d’i, agi eregi ad’ugi akulo d’igi sana mi bu adifa na, agi tagagi sum mana tchila mazid’a, agi tagazi tchod’a hi suma hi Jakob-mid’a mi.

Jeremi 19:3

Ang dazi ala: Agi amulei suma Juda-na ki suma a nga kaka avo Jerusalem-ma, agi humugi zlad’a hi Ma didinid’a. Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndaka yam yima wana. Ni ndak ka sama lara ma mi humatna humum mba d’i ngel lei abotna.

Jeremi 2:2

Ang i de mi suma Jerusalem-ma ala: Ma didina mi dala: Humun gan yam o mak ka ndak nga ki sed’et ki weyek ata yima ndak tit blogon kid’a an kaka, ata yima ndak tit blogon kur ful ma gangras ma bei sa mi zumum ba na.

Jeremi 3:1

Ma didina mi dala: Agi danu! Na ni atcha d’a ndjuvut mi digit tei d’a ti ve mandjuf ma dingîd’a, ndjuvut ma avo’â mi hulong vat tei zu? Ambas sa wanda mba d’i mbut ni ndjendjed’a ki irat fafat tuo zu? Wani agi mbud’ugi tagi gaulangâ ki suma ablaud’a. Agi min ala an hulong an vagi d’ei zu?

Jeremi 3:13

Mi de kua ala: Vama djivina ar agi wagi tcho magid’a, ar agi wagi ala agi sogi vunan an Ma didina Alo magina, agi walagi woi ki sed’enu, agi i zlabagi kalo ma dingâ ad’u agu ma angus ma lara, agi humun nga vunan ndi.

Jeremi 3:18

Kur bur máma suma Juda-na ki Israel-lâ a mba zlap tu. Azi djak a mba tcholï yam ambas sa abo ma norîd’a á i yam ambas sa an hat mabuyozi ngolo djonid’a.

Ezekiyel 16:20

Ndak yo grok suma andjofâ ki grok suma arop suma ndak vud’undjina, ndak hazizi ahle suma ngat buzuna á ngalazi woyo. Wana ndagak nga yam gaulang ma’â d’uo tua zu?

Ezekiyel 16:25

Ndak min yima ndingâ avun lovot ta lara ge pet, ndak mbut tak ndjendjed’a ki djif ma’â, ndak he tak mi sama lara ma nga mi kalâ, ndak nga i ki gaulang ma’â avogovogo.

Ezekiyel 20:4

Ang gor sana, ang min á kazi sariyad’a kazi zu? Ang kazi sariyad’a kazi bei gigrita, ang tagazi tchod’a habuyozi ngolod’a woyo.

Ezekiyel 23:43

Ata yi máma an de zlad’a yam mba ti mbut tat mamara ki mizeunid’a ala ki tchetchemba, a mba le gaulangâ ki sed’et avogovok kang zu?

Ezekiyel 23:45

Wani suma d’ingêrâ a mba ka sariyad’a kazi d’igi a ka sariyad’a yam arop suma mizeuna na, d’igi arop suma tchi matna na mi, kayam a le mizeuna, a tchi suma mi.

Wana ni mbaktumba hi Oze-d’a 1:2

Wana ni zla d’a Ma didina mi dat avok mi Oze-d’a: Mi dum ala: Ang i veï atcha d’a nga d’i le gaulangîd’a. Gro suma ang mba vud’uzi ki sed’etna a mba le ni gaulangâ hina mi. Kayam suma kur ambasina a he tazi á le gaulangâ, a hazigazi mi an Ma didina.

Wana ni mbaktumba hi Oze-d’a 2:1

Ma didina mi de kua ala: Hina pet pî, Israel-lâ a mba zul d’igi les ma avun alum ma ngol ma sa ndak á ngam mboze á ndumum mbuo na na. Ata yima a mba dagi ala: agi nga ni sum mana d’uo na, a mba dagi ala: Agi nAlo ma bei matna groma.

Wana ni mbaktumba hi Oze-d’a 2:5

Le d’uo ni, an mba ni fogot baruna atat tei pet, an mba ni arat gandilad’a d’igi ndat ti vud’ï kä adjeu na, an mba ni mbud’ut andaga mata hur ful ma so ma gangrasâ, an mba ni tchat tei ki vun ma sod’a mi.

Wana ni mbaktumba hi Oze-d’a 4:5

Ang mba puk kä falei d’ad’ar, ang ki ndrang ma djok vuna djak, agi mba pugugi kä andjege, an mba ni tchang asung ngei mi.

Mise 2:13

An ma mba ni mal lovotina mba ni tit avorogiya, agi mba malagi lovota á i avun agre’â, agi mba buzugugi woi abua. An Ma didina amul magina mba ni tit avorogiya.

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.