Wana ni mbaktumba hi Oze-d’a 2:10 - Bible azumeina

¹⁰ Ti wan nga d’ala ni an Alona ba, ni hat gemena, ni hat süm guguzlud’a ki mbulâ, ni an ba ni hat ndjondjoîd’a, nala bege d’a hapa ki lora suma ndat ti hazi malo ma a yum ala Bäl-lâ ni anu d’i.

Wana ni mbaktumba hi Oze-d’a 2:10 Kruisverwysings

2 Sunda Hamuleinid’a 24:7

Kayam Atali atcha d’a tchod’a ki grotna a b’lak ahle suma a tinizi irazi vazi suma kur gonga hi Ma didinid’ina, a le sunda ki sed’ezi malo ma a yum ala Bäl-lâ.

Sawal la giled’a 50:22

Agi suma maragi kana, agi wagi djiviya, le d’uo ni, an mba ni kizagagi woi kikizak bei sa mi prud’ugi woi abon ba.

Zla d’a d’ogolâ 11:21

Gagazi, sama asa’atna zlad’a mba d’i ba bei vum mbi, wani andjafâ hi suma d’ingêrîna mba mi sut teyo.

Isai 3:17

Kayam ndata, Ma didina mba mi yozi yazi woyo, mba mi arazi gandilad’a mi.

Jeremi 13:22

Le ndak mba d’i de kuruk ala: Ni kayam me ba, ahle ndazina a mba kan hina ge ni, djivid’a ndak wala ni kayam tcho mak ka ablaud’a ba, a yok vun baru maka akulo, a lak ki murud’umba wana.

Jeremi 13:26

An mba ni yok baru mak ka ad’uka gak ni iksi kak akulo, suma a mba wak gandila maka.

Ezekiyel 16:16

Ndak yo baru mak ma nga kandjaf d’udjod’a teteng atama, ndak minim akulo yam yima ndingâ ndak le gaulangâ kamu. Wani vama hina mi le nga avok yam tu d’i, vama hina mba mi mba bugol luo mi.

Ezekiyel 16:19

Avungô ma an haksina, afut ta adiged’id’a, mbulâ ki mbul ayuma suma an wuluk ki na, ndak hazizi d’igi ahle suma ngat buzu suma his suma afufuîna na. Wana nahle suma a lena. An Salad’a Ma didina ni de na.

Ezekiyel 23:29

A mba noyôk keyo, a mba yok ndjondjoî maka, a mba arak gandilad’a kezigineû, a mba gak ad’u gaulang ma’â woi ki sun mak ka tchod’a ki batrang maka woi mi.

Wana ni mbaktumba hi Oze-d’a 10:1

Adjeu Israel-lâ a ni guguzlu d’a djivid’a vut heîd’a. Le d’i vut ngola kala ni, a min yima ngal ahle suma ngat buzuna ablaud’a kal mi. Le ambas mazid’a ti mbut ambas sa djif fa heî d’a kala ni, azi tin ahle suma ge humba teteng kal mi.

Wana ni mbaktumba hi Oze-d’a 13:1

Ata yima suma Efraim-ma a de zlad’ina, suma pet a le mandarâ. A hle yazi akulo yam andaga d’a Israel-la, wani a kud’or Bäl, zlad’a vaziya, a bo.

Wana ni mbaktumba hi Oze-d’a 2:3

Agi dagi mi b’oziyogi suma andjofâ ala: Ammi (nala, Ni sum mana!) Agi dagi mi b’oziyogi suma aropma ala: Ruhama (nala, We hohoud’a!)

Wana ni mbaktumba hi Oze-d’a 6:9

Adesâ hi suma ngat buzunina nga mi tchi suma a i kud’or Alona kur lovot ta Sikem-mbina, d’igi suma tchigeta a nga bur suma kä na. Wana ni vama tcho ma ndjendje ma kalâ!

Mise 5:8

Ang hlabong akulo yam mang suma djangûna, ar ang kizagazi woi pet!

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.