Wana ni mbaktumba hi Oze-d’a 14:9 - Bible azumeina

⁹ Ar sama ned’a mi hum ad’u zlad’a hi Oze-d’a, ar sama wad’ud’a mi wäd’u zla ndata, kayam lovota hi Ma didinid’a ni d’ingêr. Suma d’ingêrâ a mba tit kua, wani suma bei hum vuna a mba puk kä.

Wana ni mbaktumba hi Oze-d’a 14:9 Kruisverwysings

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Wana ni mbaktumba hi Job-pa 17:9

Gagazi, sama d’ingêrâ mba mi tchol ngingring kur lovot mamba, sama abom nga mi do tchod’a d’uo na mba mi fad’enga kam kua kam kua.

Sawal la giled’a 107:43

Ar sama ned’a mi kak ki ned’a yam ahle ndazina, ar mi wäd’u sun nda o d’a didin nda Ma didina mi lata mi.

Sawal la giled’a 119:128

An gol gat manga pet ni d’ingêr. Ni kayam ndat ba, an nga ni noî zla d’a kad’a woi pet wana.

Sawal la giled’a 119:75

Ma didina, an wala sariya mang nga kad’a ni d’ingêr; ni kur gagazid’a ba, ang hulongôn yan kä.

Sawal la giled’a 84:5

Suma a nga kaka avo hatangâ, a le furîd’a, a mba gileng burâ ki burâ. Tchol ndjö

Sawal la giled’a 84:7

Ata yima azi nga kal kur hor ra Baka-d’ina, ti mbut hor ra djang mbina avoroziya, alo ma hod’ogeid’a mi mbud’ut ni yima a b’e vuna kama.

Zla d’a d’ogolâ 10:29

Ma didina ni gulumun ma ad’eng ma ngunguna hi suma iratnina, wani nga mi b’lak suma batrangâ woyo.

Zla d’a d’ogolâ 16:21

Sama ned’a a nga yum ala sama wad’ud’a, zla d’a djivi d’a nga d’i ndavun sanid’a nga d’i i ki wed’a avogovogo.

Zla d’a d’ogolâ 4:18

Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Isai 1:28

Wani mba mi b’lak suma tchila yam gata ki suma le tchod’a woi abo tazi tu, suma a aram mbeina a mba ba woi mi.

Isai 17:8

Mba mi mbut iram á gol yima ngal ahle suma ngat buzu ma mam minim kaboma tetengâ d’i, mba mi tin iram yam vama mam lum ki tchitchid’ama, d’oze yam alo d’a a yat ala Asera-d’a ki filei afata tetenga d’uo mi.

Isai 26:7

Lovota hi suma d’ingêrîd’a, ti ni d’ingêr. Angî ma d’ingêrâ, ang nga blas lovota hi suma d’ingêrîd’a kä.

Jeremi 29:12

Ata yi máma, le agi yanu, le agi tchenenu ni, an mba ni humugiya.

Jeremi 9:12

Sama ne ma mi wäd’u ahle ndazina ni nge ge? Sama Ma didina mi dum zlad’ina, ar mi de woi mi vad’ud’a kayam me ambasa ti b’lak keyo, kayam me ti ngal lei d’igi hur ful ma sa nga mi kal kua d’uo na na!

Ezekiyel 11:18

Fata agi hulongôgi kuruta, agi mba yogi sun nda tchod’a ki sun nda ndjendje d’a lara ge pet tei kurud’u.

Ezekiyel 18:25

Agi nga dagi ala: Lovota hi Ma didinid’a nga d’ingêr ri. Agi Israel-lâ, agi humagiya. Ni lovot manda ba, ti nga d’ingêr ruo zu? Ni lovot magid’a ba, ti nga d’ingêr ruo d’ö gi?

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Daniel 12:10

A mba mbus suma ablaud’a woi yed’et hapa titil bei zozota ba, wani suma asa’atna a mba wad’ud’a d’i, a mba i avogovok kur tcho mazid’a. Wani suma wed’a a mba wad’ud’a.

Sofoni 3:5

Ma didina nga mi le sun nda d’ingêra kurumu, nga mi le vama tcho d’i, yorogo d’a lara ge pî nga mi nde ka sariya mamba woi pid’agi, nga mi hel li. Hina pet pî, suma mbut ira zulona nga mi lazi d’i.

Zakari 10:6

An mba ni had’enga mi suma Juda-na, an mba ni sut suma hi Josef-fâ, an mba ni hulongôzï ata yaziya, kayam an wazi hohowoziya. Azi mba mbut ni d’igi suma an arazi woi d’uo na na, kayam an ni Ma didina Alo mazina, an mba ni hum tchen mazid’a mi.

Matiye 11:19

An Gor Sana ni mba, nga ni te, nga ni tche. Suma a nga dala: Gola! Sa máma ni sama b’oid’a, ni sama tche süm guguzlud’a heîna, ni suma ve lombod’a azi ki suma tchona banazina. Wani ned’a hAlonid’a ti tak kei ala ndat ni d’ingêru ni ki sun mat ta led’a.

Wana ni Zla d’a Djivi d’a Luc mi b’irita 2:34

Simeon mi dazi kua ala: Ar Salad’a mi ndjunugiya. Mi de mi Marie Jesus asum ala: Alona mi man gor máma ni yam puka ki tchola hi suma ablaud’a aduk Israel-lâ. Mam mba mi mbut ni vama simata hAlonina mi suma kak djangûna ki sed’ema,

Wana ni Zla d’a Djivi d’a Luc mi b’irita 7:23

Sama le nga hur ma mbàmbàna kan nduo na mi le furîd’a.

Jean 15:24

Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak.

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.

Jean 8:47

Sama hAlonina nga mi hum zlad’a hAlonid’a, wani agi nga humugizi d’i, kayam agi nga ni suma hAlonina d’i.

Jean 9:39

Jesus mi dala: An mba kur duniyad’a ná ka sariyad’a, kayam suma bei wed’a a we, suma wed’a a duk mi.

Sunda hi suma a sunuzinid’a 13:10

Ang ma tcho ma mbut ira, ang Diable goroma, angî ma djangûna hahle suma djivina pet. Ni mindja ba, ang mba ar bei b’lak lovot ta d’ingêra hi Salad’id’a ge?

Romê-na 7:12

Hina, gata ni vama bei tchod’a ba na, vun ma hed’a ni vama bei tchod’a ba ma d’ingêr ma djivina mi.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.