Wana ni mbaktumba hi Oze-d’a 14:7 - Bible azumeina

⁷ Sum mana a mba hulongî a mba kak ad’u anguzunu, a mba zum gemena, a mba tchuk grona d’igi guguzlud’a na, simiyêzi mba mi nde yina d’igi süm guguzlu d’a Liban-nda na.

Wana ni mbaktumba hi Oze-d’a 14:7 Kruisverwysings

Sawal la giled’a 138:7

Le an i avok kur ndaka ni, ang nga ndjununu, ang nga ngop man suma djangûna kur ayî mazina, ang nga mad’ï abong ma ndjufâ á sud’unu.

Sawal la giled’a 85:6

Ang nga zalî hurung kami hina gagak su? Hur ma zal mangâ i navok hina gak kur atchogoid’a katchogoid’a zu?

Sawal la giled’a 91:1

Sama mi nga kaka ad’u angus Alo ma sä akulo ma kal teglesîna, mi nga ni kaka ad’u angus Alo ma ad’engêm kal petna.

Sawal la kal teglesa 2:3

Ti dala: Ma an le kam heî ma aduk gro azungeînina mi ni d’igi agu pom ma aduk agunina na. An min kak ad’u anguzamu, vud’um mbi adjib’eta avunanu.

Sawal la kal teglesa 4:11

Amanda, vunak ma dalalâ mi sor kä d’igi mbul ayuma na, sinak ka de zlad’a ti ni d’igi mbul ayuma kambira na, hisâ hi baru ma’îna mi his afufuîd’a d’igi hisâ hagu ma Liban-na na.

Sawal la kal teglesa 6:11

An nga ni i kur asine ma a pe agu nowana kuana á gol agu ma deî awili kur horina, á we na ni guguzlud’a nga d’i gat tchu? D’oze agu grenatna nga mi b’o zu?

Isai 61:11

Salad’a Ma didina mba mi deî suta ki giled’a avok andjaf suma pet d’igi andagad’a nga d’i deî ahlena na, d’igi asinena nga mi deî awu ma a nga zaramzi huruma na mi.

Ezekiyel 17:23

An mba ni pum akulo yam ahina d’a fiyak ka Israel-la, mba mi ruî abom mbeyo, mba mi vud’a, mba mi mbut nagu sedre ma djivina. Andjaf aluweina pet a mba kak kä ad’umu, a mba kak kä ad’u anguzu abomu, a mba tuk taziya.

Wana ni mbaktumba hi Oze-d’a 14:5

An mba ni mbut kazi ni d’igi mbad’ïd’a na, azi mba b’o d’igi tamasa na, sideyezi mba mi sir kä d’igi agu ma Liban-na na mi.

Wana ni mbaktumba hi Oze-d’a 2:21

An mba ni arî ma d’umu’â ki iran fafat, an mba ni arî ma d’umuk ki gagazid’a ki d’ingêra ki sumad’a ki we hohoud’ina mi.

Wana ni mbaktumba hi Oze-d’a 2:22

An mba ni d’umu’î d’um mba d’engzenga, ndak mba d’i wan an Ma didina.

Wana ni mbaktumba hi Oze-d’a 6:2

Kur bur ma mbàna mba mi tchiliya, kur bur ma hindina mba mi tcholei akulo, ei mba kagei ki irei avoromu.

Zakari 8:12

An mba ni mba ki b’leng nga halasa yam andagad’a, guguzlud’a mba d’i vud’a, andagad’a mba d’i wul awuna, akulod’a mba d’i salona ngola, an mba ni le djivi ndata mi man suma a mba arâ.

Jean 11:25

Jesus mi dat ala: An ni Ma tchol suma matna ni Ma hazi arid’a mi na. Sama he gagazid’a kana, le mi mid’u pî, mba mi kaka karid’a.

Jean 12:24

Gagazi, an nga ni dagiya, le ir awuna nde kä, le mi mit tuo ni, mba mi arî ki tumba. Le mi mid’a ni, mba mi le irâ ablaud’a.