Wana ni mbaktumba hi Oze-d’a 14:5 - Bible azumeina

⁵ An mba ni mbut kazi ni d’igi mbad’ïd’a na, azi mba b’o d’igi tamasa na, sideyezi mba mi sir kä d’igi agu ma Liban-na na mi.

Wana ni mbaktumba hi Oze-d’a 14:5 Kruisverwysings

2 Samuel 23:4

mi ni d’igi b’od’a hafat ta deî yorogod’a na, mi ni d’igi yorogo d’a bei d’ugula ka kua bad’a na, mi ni d’igi b’od’a hafat ta ti nde balum alo ma se d’a ar asu ma awilina mi deîd’a na.

2 Amuleina 19:30

Suma a sut tei aduk suma Juda suma a mba ar kakina, sideyezi mba mi sir kä aduk andagad’a d’igi aguna na, a mba vut ngola.

Wana ni mbaktumba hi Job-pa 29:19

An mbut ni d’igi agu ma sideyem nga tchola aduk mbinina na, mbad’ïd’a mba d’i gan abon andjege mi.

Sawal la giled’a 133:3

Ni d’igi mbad’ï d’a nga d’i ge yam ahina d’a Hermon nda nga d’i sor kä yam ahina d’a Siyon-ndid’a na mi. Kayam ni kur Siyon ba, Ma didina nga mi b’e vunam yam suma, nga mi hazi ari d’a didinda mi.

Sawal la giled’a 72:16

Ambas mamba mba d’i wul awuna heî, agu ma yam ahuniyôna mba mi hô kä ki vuta d’igi agu ma Liban-na na. Suma a mba zul kur azina d’igi asuna nga mi zul na mi.

Sawal la giled’a 72:6

Ar amulâ mi mbut ni d’igi alo ma mi se yam asu ma a tchawam mbeina na, mi mbut ni d’igi mbiyo alo ma mi d’idje andagad’ina na mi.

Sawal la giled’a 80:9

Ang pad’ï guguzlud’a ei Ezipte, ang dik andjaf suma woi avorod’u, ang hulong pat kä mi.

Sawal la giled’a 92:12

Iran ndi mal lei yam suma a nga kud’uguna, human nga d’i hum zlad’a hi suma a tok tazi kan á tchana mi.

Sawal la giled’a 92:13

Suma d’ingêrâ a mba wulî d’igi amilaûna na, a wulî d’igi agu sedre ma Liban-na na mi.

Zla d’a d’ogolâ 19:12

Ayîna hamulîna mi ni d’igi tchina hazlonina na, wani djivi mamba ni d’igi mbad’ï d’a ata asunid’a na.

Sawal la kal teglesa 2:16

Atchad’a ti dala: Ma an le kam heîna ni mana, an ni mamba mi, nga mi pol d’uwar mama aduk tamasa.

Sawal la kal teglesa 4:5

Apok dja’î d’igi gro duguyo suma a tchuguzi ngoneîd’a suma a nga te hatna aduk tamasina na.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 18:4

Kayam Ma didina mi dan ala: An nga ni mbut tan ndoze hle tan á gola b’enek ki, d’igi huwaka hafat ta b’o yinid’a na, d’igi d’ugul la ti ge mbad’ïd’a ata yima fet awunid’a na.

Isai 26:19

Magi suma matna a mba hulong zlit akulo, mad’a sum mana a mba tchol akulo. Suma a nga kaka kä aduk andaga d’a gugud’upina, a mba hulong zlit akulo, a mba er ad’uzi akulo ki furîd’a. D’igi mbad’ï magid’a ti d’idje andagad’a ahlena a gra na, andagad’a mba d’i hulong tchol ki suma a bona akulo hina mi.

Isai 27:6

Kur atchogoi d’a nga d’i mbad’a, suma hi Jakob-ma sideyezi mba mi sir kä, Israel-lâ a mba tchuk grona a mba b’o, a mba oî yam andagad’a ki vud’uziya.

Isai 35:2

B’od’a mba d’i nguyum kä, mba mi le furîd’a, mba mi hle sawal la bangâna ki hur ma hapma. Ma didina mba mi hum subura hi Liban-nda, mba mi hum djifâ hi Karmel-lâ ki ma hi Saron-na. Suma a mba we subura hi Ma didinid’a ki wiled’a hAlo meinid’a mi.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 45:8

Ar akulod’a ti lau d’engzenga d’igi mbina mi lau woi na, ar d’ugula ti se d’ingêra d’igi alona mi se na, ar andagad’a ti mal vunat á mba ki suta, ti deî d’ingêra d’igi ahlena a deî na mi. Gola! Wana nahle suma an Ma didina ni lazina.

Isai 57:18

An we sun mazi d’a led’a da’, wani an mba ni sud’uziya, an mba ni ndjunuziya, an mba ni b’lengêzi huruzi zlapa ki suma a nga yor tazi ki sed’ezina mi.

Isai 57:19

Ma didina mi de kua ala: An mba ni tin giled’a avun suma a mba dala: Halasa, halasa yam sama sä deina, yam sama gona mi. An mba ni sud’uziya.

Jeremi 3:22

Agi suma bei hum vuna, agi hulongôgïya, an mba ni sud’ugi woi kur tcha tata magid’a. Israel-lâ a hulong dum ala: Ami nga imiza gevengû, kayam angî Ma didina Alo mamina.

Jeremi 32:41

Tan mba d’i lan djivid’a á lazi djivid’a, an mba ni kagazi kur ambas sa wanda ki hurun tu ki muzugan tu mi.

Wana ni mbaktumba hi Oze-d’a 6:3

Ei weya, ei halei lovota á we Ma didina, ei wei ala nga mi mba gagazi d’igi yima fod’a na, nga mi mba kei d’igi mbiyo ma hle yinina na, d’igi alo ma hod’ogei ma mi rap yam andagad’ina na.

Mise 5:7

Andjafâ hi Jakob ma arâ mba mi kak aduk andjaf ma ablauna d’igi azlona aduk amburei suma aduk agud’ina na, d’igi azlo ma azongâ aduk kangâna haho’îna na. Ata yima mi kalâ, mi ve, mi kizak keyo, sama mi prut va woi aboma nga d’i.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Matiye 6:28

Ni kayam me ba, agi djib’eregi yam baruna ge? Agi djib’eregi yam tamas sa abageid’a ki wul mata. Ndat nga d’i le sun ndi, nga d’i tchil baru d’uo mi.

Wana ni Zla d’a Djivi d’a Luc mi b’irita 12:27

Agi djib’eregi yam tamas sa abageid’a ki wul mata. Ndat nga d’i le sun ndi, nga d’i tchil baru d’uo mi. Wani an nga ni dagiya, Salomon kur subur mamba pet pî, mi tchuk nga baru ma djif ma d’igi b’o mata na na d’i.

Efes-sâ 3:17

Ar Christ mi kak kurugi yam he gagazi magid’a. Ar sideyegi mi sir kä, ad’ugi ti pe kä kur od’a

Gat ta a hat á mbàd’id’a 32:2

Ar d’al ma an duma mi b’rau woi d’igi alo ma sed’a na. Ar hat manda ti b’rau woi d’igi mbad’ïd’a na, d’igi mbiyo ma kus sei yam asu ma mi deî awilina na, d’igi mbiyo ma yak yam asu ma mi deî awilina na mi.