Wana ni mbaktumba hi Oze-d’a 14:4 - Bible azumeina

⁴ Ma didina mi dala: An mba ni sut Israel-lâ woi kur sun mazi d’a ata yat tuo d’a, an mba ni tagazi o man nda gagazi d’a kazid’a, kayam ayî mana mi vat tei kazi da’.

Wana ni mbaktumba hi Oze-d’a 14:4 Kruisverwysings

Sawal la giled’a 10:14

Wani ang tang nga we suma ndaka ki suma a nga kid’eyêzi irazina, ang nga tin irang kazi á ndjunuziya. Sama hohoud’a mi deng tamî atangû; angî ma ndjun sama hokuyod’ina.

Sawal la giled’a 20:8

Suma dingâ a tin huruzi ni yam pus mazi ma dur ayîna, suma dingâ a tin huruzi ni yam akulumei mazina, wani ei tini huri ni yam Ma didina Alo meina.

Sawal la giled’a 78:38

Wani mi wazi hohowoziya, mi vat hurum mbei yam tcho mazid’a, mi dabazi nga woi d’i, nga mi d’el tam kur ayî mam ma bibiliuna teteu.

Buzuk ka Abud’a 15:26

Mi dazi ala: Le agi humugi del an Ma didina Alo magina djivid’a, le agi lagi ahle suma d’ingêrâ avoronu, le agi tinigi humagi yam vun man ma hed’a, le agi ngomogi gat manda pet mi ni, an mba ni tumugi ki tugud’ei d’a an tum ki Ezipte-nid’a tu d’i. Kayam an ni Ma didin ma sud’ugi woina.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 55:1

Ma didina mi dala: Êhê, agi suma vunagi sona, agi pet mbeyegi ata mbina. Le sa nga ki va abom mbuo pî, agi mbeyegiya, agi guzugiya, agi tagiya. Agi mbeyegi ata süm guguzlud’a kambira bei beged’a bei gusa ba.

Isai 57:18

An we sun mazi d’a led’a da’, wani an mba ni sud’uziya, an mba ni ndjunuziya, an mba ni b’lengêzi huruzi zlapa ki suma a nga yor tazi ki sed’ezina mi.

Jeremi 14:7

Suma Juda-na a dala: Ma didina, le tchila mamid’a nga d’i tchugumi zlad’a kami pî, ang le va yam simiyêngû, kayam tcha tata mamid’a ti zul heî, ami lami tchod’a avorong mi.

Jeremi 17:14

Jeremi mi dala: Ma didina, le ang tchilinu ni, an mba ni tchila. Le ang sud’unu ni, an mba ni sud’a, kayam angî ma an suburuma.

Jeremi 3:22

Agi suma bei hum vuna, agi hulongôgïya, an mba ni sud’ugi woi kur tcha tata magid’a. Israel-lâ a hulong dum ala: Ami nga imiza gevengû, kayam angî Ma didina Alo mamina.

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Jeremi 33:6

Wani an mba ni hum lafiyad’a, an mba ni tchilim mbilim d’igi sana mi tchil mbilâ hi sanina na, an mba ni ar suma kuruma a kak ki b’leng nga halasa ki d’engzenga ngola.

Jeremi 5:6

Ni kayam ndata ba, azlo ma aduk agud’ina mba mi vigiziya, ngû ma hur fulîna mba mi kizagaziya, sindilâ mba mi kud’uguzi avun azì mazi ma nglona. Suma pet suma a mba buzugï woina, mba mi kizagazi woyo, kayam so vun mazina mi kal ngola, tcha tata mazid’a ti zul heî mi.

Jeremi 8:22

Na ni kuma ma mbilâ mi nga Galät tuo zu? D’oze dokdorâ mi nga kua d’uo mi zu? Ni kayam me ba, mbilâ hi sum manina nga mi tchil luo ge?

Ezekiyel 33:14

Le an de mi sama asa’atna ala: Ang mba mid’a, wani le mi ar tit mam mba tchod’a woyo, le mi tit yam d’ingêra ki gagazid’a ni, mba mi mit ti.

Ezekiyel 36:36

Andjaf suma ding suma a mba nguyugina a mba wala an ni Ma didina, ni an ba ni min vama a tom kä woina akulo, ni pe vama a b’lagam mbeina mi. An Ma didina ni de zlad’a, an mba ni le sunda kat mi.

Wana ni mbaktumba hi Oze-d’a 11:7

Sum mana a so tazi á wal tazi woi ki sed’enu, a nga yazi ala a mbut irazi yam an ma sä akulo ma kal teglesâ pî, sama adigazi ma hle tam hina b’ene’â nga d’i.

Wana ni mbaktumba hi Oze-d’a 2:19

An mba ni tchi simiyê Bäl lei avunat tala ti djib’er yam simiyê alo ma teteng máma d’uo d’angû d’a.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Ndumba 25:11

Fines Elazar gorom ma Aron ma ngat buzuna gorom ngolona, mi b’lengên hurun yam Israel-lâ, kayam mam nga ki yungôrâ d’igi an na adigaziya. Kayam ndata, an nga kur hur ma zala á ngalazi woi d’uo d’a.

Ndumba 25:4

Ma didina mi de mi Moise ala: Ang yo suma nglo suma avok sumina pet, ang tchuguzi ziyona kelezi ang gabazi akulo ir afata avogon an Ma didina tala hurun b’leng yam Israel-lâ d’a.

Romê-na 3:24

Alona mi mbud’uzi suma d’ingêrâ ni hawana yam suma mamba, yam wurak ka Jesus Christ mi wurak kazid’a.

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

2 Timote 1:9

Ni mam ma sud’ina, mi yï mbud’i sum mama ni yam sun meid’a d’i, wani nata nga hur mama ki suma mam mba mi veizi yam Jesus Christ avok dei bei ad’u tinda hi duniyad’id’a.

Wana ni mbaktum mba Paul mi b’irit mi Tit-ta 3:4

Wani kid’a djivid’a hAlo ma sud’inid’a ki o mam mba yam sumid’a a nde woid’a,