Wana ni mbaktumba hi Oze-d’a 13:8 - Bible azumeina

⁸ An nga ni lad’agi d’igi ambur urs sa a yot grotnid’a na, an nga ni zagagi hurugi woyo, an nga ni kizagagi woi d’igi azlo d’a ti kizak ahlena woi d’a na, amburei suma abageina a mba kizagagi woi kikizek mi.

Wana ni mbaktumba hi Oze-d’a 13:8 Kruisverwysings

2 Samuel 17:8

Ang wabung ki sum mama; azi ni suma gangrangâ. Azi nayîna d’igi ambur urs sa a yot grotna abageid’a na. Abungî sama dur ayîna; mba mi bur kä ki suma tu d’i.

Sawal la giled’a 50:22

Agi suma maragi kana, agi wagi djiviya, le d’uo ni, an mba ni kizagagi woi kikizak bei sa mi prud’ugi woi abon ba.

Sawal la giled’a 80:13

Ni kayam me ba, ang hulut kang matna kayambala suma a kalâ pet a hurumud’u d’a ge?

Zla d’a d’ogolâ 17:12

Hotei ang ngaf kambur ma a yum ala urs ma a yom gromina, kal la ang ngaf ki sama lilid’a kur sun mam mba lilid’id’a.

Isai 5:29

A tchi ni d’igi azlod’a na, a oî ni d’igi azlo ma azungeîna na, a nga to beîd’a a nga vik ahlena, a nga i ki sed’eziya, wani sama mi mba á prud’uzi abozina nga d’i.

Isai 56:9

Agi amburei suma abageina kamburei suma aduk agud’ina pet, agi mbeyegï á tagi tena.

Jeremi 12:9

Sumala ni mana na, a mbut ni d’igi alei ma te hliu ma ndala ki buzuna ma aluwei suma te hliuna a nguyuma na kan ndju? Agi i togogï amburei suma abageina pet, agi mbeyezï ata yima tena!

Jeremi 25:38

Ma didina mi ar yam ma kaka woi d’igi azlona mi ar domi mama woi na, ambasa ti mbut djona, ti b’lak kei abo ayî ma durâ, abo ayî mam ma bibiliuna.

Wana ni mbaktumba hi Oze-d’a 2:12

Ki tchetchemba, an nga ni fogot baruna woi atat ir buniyôtna, sama mba mi sud’ut abona nga d’i.

Wana ni mbaktumba hi Oze-d’a 5:14

Kayam an mba ni mbut ni d’igi azlona na yam suma Efraim-ma, d’igi azlo ma azongâ na yam suma Juda-na, an mba ni kizaga, ni ge tan ni iya, an mba ni ve va, sama mba mi prud’um abona nga d’i.