Wana ni mbaktumba hi Oze-d’a 13:15 - Bible azumeina

¹⁵ Le andjafâ hi Efraim-ma nga mi i avogovok aduk b’oziyoma pî, simetna mba mi tcholï abo ma yorogona, ni simet ma tcholï hur fulâ ata Ma didinina. Mba mi som mbiyo mam ma laud’a woyo, mba mi sid’amam golong mamba woi mi. A mba hurumum ahle mam suma guzuzi kal teglesâ mi.

Wana ni mbaktumba hi Oze-d’a 13:15 Kruisverwysings

Ad’u Tinda 41:23

Bugola, awu ma ding ma mogo ma bei irâ kid’iziya mi tchuk kei ata akei d’a tud’a mi. Mi so woi abo simet ma abo ma yorogonina.

Ad’u Tinda 41:52

Mi yi wiyem ma kama ala Efraim, kayam mi dala: Alona mi han grona yam ambas sa an nga kaka kurut ki hohoud’id’a.

Ad’u Tinda 41:6

Bugola, awu ma dingâ kid’iziya, mi tchuk yam mogod’a, mi so woi abo simet ma tcholï abo ma yorogonina.

Ad’u Tinda 48:19

Wani abum mi noyâ, mi dum ala: An we, gorona, an we. Manase andjavam mba mi zul mi, mba mi mbut ngola mi. Wani wiyem ma gorâ mba mi mbut ngola kalamu, andjavam mba mi zul andjaf suma ablaud’a.

Ad’u Tinda 49:22

Josef ni d’igi agu ma vut ma nga tchola avun mbiyo ma laud’ina na; abom nga mi ruî gak mi tchila woi yam gulumuna.

Wana ni mbaktumba hi Job-pa 18:16

Mam mba mi soï woi ki sideyem ad’u kä dei, abom ma akulona a mba kam mbei mi.

Sawal la giled’a 1:4

Wani suma asa’atna a nga hina d’i. Azi ni d’igi bra d’a simetna mi felet teid’a na.

Sawal la giled’a 109:13

Ar andjavam mi dap peyo, ar simiyêm mi sil lei kur atchogoi d’a nga d’i mbad’a!

Isai 14:21

Ar agi minigi tagi á tchi grod’a yam tchod’a habuyozid’a. Ar azi tchol hlandagad’a hle ba á oî suma djangûna yam andagad’a d’i.

Isai 17:13

Andjaf suma vunazi nga mi tchi wü d’igi mbiyo alum ma ngolâ vunam nga mi tchi wü na, wani Ma didina mi ngoboziya, a ring ngei dei d’igi brad’a ti fel lei abo simet ma tcholï akulo yam ahuniyônina na, d’igi ir mau d’a simetna mi sirit akulo aduk mbirlimba na mi.

Isai 27:8

Hawa, wani ni ki lalamba ba, mi ngobozi mi izi magomba ki fo d’a ad’eng nga avunamba d’igi simet ma abo ma yorogona na.

Isai 41:16

Agi mba sirizi woyo. Simetna mba mi siraziya, mbirlimba mba d’i ndjoyôzi woi mi. Wani agi mba lagi furîd’a kan an Ma didina, agi mba suburugi tagi kan an Ma tin tan irat vat kagi Israel-lîna mi.

Jeremi 20:5

An mba ni he ndjondjoî d’a kur azì mámid’a pet kahle suma azi fazina pet kahle mazi suma guzuzi kal teglesâ zlapa ki ndjondjoîd’a hamuleinid’a pet abo mazi suma djangûna. A mba hurumuziya, a mba yozi a i ki sed’ezi Babilon.

Jeremi 4:11

Kur bur máma Ma didina mba mi de mi sum ndazina ki suma avo Jerusalem-ma ala: Simet ma d’igi akud’a na na, mi tcholï akulo yam ahuniyô suma fuyogeina abo ma hur fulîna, nga mi djï yam sum mana, wani nga ná sir va d’oze á tor ir awu woi d’uo mi.

Jeremi 4:12

Ni simet ma ngol ma tcholï sä hî ata ana. Ki tchetchemba, an nga ni de sariyad’a ki sed’eziya.

Jeremi 51:1

Ma didina mi dala: Gola! An nga ni tchol ki simet ma b’lak yina yam azì ma Babilon-na, yam suma a nga kaka kuruma mi.

Jeremi 51:36

Ni kayam ndata ba, Ma didina mi dala: Gola! An nga ni ndjun kagu, an mba ni sak atchugulugu, an mba ni so alum ma ngol ma Babilon-na woyo, an mba ni so mbiyo mat ma laud’a woi mi.

Ezekiyel 17:10

Guguzlu ndata a pat wa kä da’, na ni mba d’i ruî avogovok su? Le simet ma abo ma yorogona mi sir kad’u ni, mba mi sot tei d’uo zu? Mba d’i so woi ata yima ti wul kuana.

Ezekiyel 19:12

Wani a pad’at tei ki hur ma zala, a gat kä woi andaga. Simet ma abo ma yorogona mi sot vud’ut teyo, abot ma ad’engâ mi kus mi so woyo, akud’a ti ngalam mbei mi.

Daniel 11:8

Mba mi yo alo ma tchet ma kur ambasina zlapa kahle suma sun suma lor suma kal teglesâ ki kawei mazi ma hapma suma a tinizi irazi vazi malo mazinina hurumba, mba mi i ki sed’ezi Ezipte. A mba ar bei dur ayîna bizad’a tcha.

Wana ni mbaktumba hi Oze-d’a 10:1

Adjeu Israel-lâ a ni guguzlu d’a djivid’a vut heîd’a. Le d’i vut ngola kala ni, a min yima ngal ahle suma ngat buzuna ablaud’a kal mi. Le ambas mazid’a ti mbut ambas sa djif fa heî d’a kala ni, azi tin ahle suma ge humba teteng kal mi.

Wana ni mbaktumba hi Oze-d’a 2:3

Agi dagi mi b’oziyogi suma andjofâ ala: Ammi (nala, Ni sum mana!) Agi dagi mi b’oziyogi suma aropma ala: Ruhama (nala, We hohoud’a!)

Wana ni mbaktumba hi Oze-d’a 4:19

Simetna mba mi yozi mi i ki sed’eziya. A mba mbut zulona kahle mazi suma ngat buzu suma azi nga ngad’azina mi.

Wana ni mbaktumba hi Oze-d’a 9:11

Suma Efraim-ma, subur mazid’a mba d’i pir d’igi aleina na, a mba vut tuo, a mba vut gor ruo, atcha mba d’i ve wir ruo mi.

Jonas 4:8

Kid’a afata deîd’a, Alona mi mba ki simet ma hluruk d’igi d’üguna na na. Afata ti nde yam Jonas, mi seyâ, mi tchen Alona ala mi tchumu. Mi dala: An mit pî ni hotei, kal la an kak ki iranda!

Nahum 2:9

Ninif adjeu ni d’igi apo d’a ve mbina heî d’a nga d’i wet teid’a na, a nga dala: Agi tchologiya! Agi tchologiya! Wani sama mi mbut iram blogoma nga d’i.

Gat ta a hat á mbàd’id’a 33:17

A he ngola mi Josef! Mam mi ma ad’enga d’igi gor amuhlâ na na, ma d’igi avün ma avok dedeina na na. Mi nga kadif ma ad’engâ kam mbà, nadif ma mam mba mi tchok kandjaf suma, mba mi digizi gak mi izi avun dabid’a handagad’id’a. Adif ma tuna nablaud’a hi Efraim-mba, adif ma dingâ ni branga hi suma dudubuna hi Manase-nina mi.