Wana ni mbaktumba hi Oze-d’a 13:14 - Bible azumeina

¹⁴ An mba ni prud’uzi woi ata yima azuleina zu? An mba ni prud’uzi woi abo matna zu? Ang matna, tugud’ei mang nga tcho d’a tchi matna ti nga ni lara ge? Ang yima azuleina, ad’engêng nga ang b’lak ki sumid’a ti nga ni lara ge? We hohoud’a dap vita iranu.

Wana ni mbaktumba hi Oze-d’a 13:14 Kruisverwysings

Wana ni mbaktumba hi Job-pa 33:24

Alona mba mi wum hohowomu, mba mi de mi malaikana ala: Ang prud’um mbeyo, aram mi nde kä kur zula d’i, kayam an fe wa vama wurak kama da’.

Wana ni mbaktumba hi Job-pa 41:22

Nga mi zal mbiyo galilei ma yiyi’â d’igi mbiyo ma zal kur deinina na, nga mi mbut alum ma ngolâ d’igi dei ma a yor mbulâ kurâ na mi.

Sawal la giled’a 16:10

Kayam ang mba aran kä ata yima azuleina d’i, ang mba ar mang ma d’engzengâ kä kur zula á tchimba d’i.

Sawal la giled’a 30:3

Ma didina Alo mana, an tchi kangû, ang tcholon akulo mi.

Sawal la giled’a 49:15

Azi ni d’igi ades tumiyô suma a izi á ngad’azina na; matna mba mi te kaziya, ar go suma d’ingêrâ a mba mired’ezi kä kaseziya. Djif mazina mba mi kal leyo, yima azuleina mba mi mbut ni yi mazi ma kaka.

Sawal la giled’a 49:16

Wani Alona mba mi prud’un ndei ata yima azuleina, kayam mam mba mi pad’an ndei abomu. Tchol ndjö

Sawal la giled’a 71:20

Ni ang ba, mbami ndak ka ngola kami ki hohoud’a, wani ang mba hulong hami arid’a, ang mba hlan ndei kur zul la yiyika mi.

Sawal la giled’a 86:13

Kayam o mang nga didin nda ang lat kanda, ti kal ngola heî; kayam ang prud’un ndei ata yima azuleina mi.

Isai 25:8

Mba mi b’lak matna woi ki iram fafat. Salad’a Ma didina mba mi set sumina woi ir suma pet, mba mi b’lak ahle suma zulo suma a nga le sum mamina woi pet. Gagazi, Ma didina mi de na.

Isai 26:19

Magi suma matna a mba hulong zlit akulo, mad’a sum mana a mba tchol akulo. Suma a nga kaka kä aduk andaga d’a gugud’upina, a mba hulong zlit akulo, a mba er ad’uzi akulo ki furîd’a. D’igi mbad’ï magid’a ti d’idje andagad’a ahlena a gra na, andagad’a mba d’i hulong tchol ki suma a bona akulo hina mi.

Jeremi 15:6

Ma didina mi dala: Ni ndak ba, noyôn ndeyo, ndak han huyogogu. Kayam ndata, an mba á b’lagak keyo, kayam an kau wa abo djivi d’a an laksid’a.

Jeremi 20:16

Ar sa máma mi mbut ni d’igi azì ma nglo ma Ma didina mi b’lagam mbei bei mi wum hohowom ba na na, ar mi hum tchina ki yorogod’a, ar mi hum tau d’a ayîna ki falei d’ad’ar mi.

Jeremi 31:35

Wana ni zlad’a hi Ma didin ma hafata á b’o yina faleina, ni ma he gata mi tilâ ki tchitchiud’a á b’o yina andjegena, ni ma nga mi zut alum ma ngolâ nga mi lum abilim á tchina mi na. Simiyêm ala Ma didin ma ad’engêm kal petna.

Ezekiyel 37:9

Bugola, Ma didina mi dan ala: Ang gor sana, ang djok vuna mi Muzu’â, ang dum ala: Salad’a Ma didina mi dang ala: Ang Muzu’â, ang tcholï abo yima fid’ina, ang mbeï fo yam mad’a sum ndazina kayam a zlit akulo.

Wana ni mbaktumba hi Oze-d’a 6:2

Kur bur ma mbàna mba mi tchiliya, kur bur ma hindina mba mi tcholei akulo, ei mba kagei ki irei avoromu.

Wana ni mbaktumba hi Oze-d’a 7:10

Yam mba ad’enga hi Israel-lîd’a nga d’i le glangâsâ kaziya. Hina pet pî, a hulongî nga gen an Ma didina Alo mazina d’i, a halan nga d’uo mi.

Malatchi 3:6

Ma didin ma ad’engêm kal petna mi dala: An ni Ma didina, an nga ni mbut ti, agi Jakob groma, agi dabagi nga woi d’uo mi.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Romê-na 11:15

Le keng nga a kengêzi woid’a zlap suma kur duniyad’a kAlona ni, fata Alona mi hulongôzïd’a ni nana ge? Ni d’igi suma a tchol akulo karid’a aduk suma matnina na.

Romê-na 11:29

Kayam Alona nga mi mbut djib’er mamba kä yam suma mi b’e vunam kazi suma mi yazina d’i.

2 Korente-na 5:4

Ata yima ami nga kur zlub’u ndata tua na, ami nga zamami tami d’igi sama nga mi zi anekina na, nala, ami min fogomi hliwimi ma yam andagad’ina woyo d’i, wani ami min tchugumi hliu ma akulona atamiya, kayam arid’a kal yam matna.

Filip-ma 3:21

Mam mba mi mbud’i hliwi ma amangeî ma ad’u ad’enga hi matnina, mba mi mbud’i hliwi d’igi hliwim ma subura na kad’eng mam mba ndak á hulong ahlena pet yazi kä ad’umba.

1 Tasaloni’â 4:14

Le ei nga hei gagazid’a ala Jesus mi mid’a mi tchol akulo aduk suma matna miyu ni, hina mi, ei hei gagazid’a ala suma a he gagazid’a yam Jesus suma a bona, Alona mba mi hulongôzi arid’a zlapa ki Jesus mi.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

Vama ndum mbeina 20:13

Alum ma ngolâ nga mi buzuk ki suma bo kuruma. Matna ki yina hi suma azuleinina a buzuk ki suma azi ngomozina mi. A kazi sariyad’a kazi pet, ndak yam ahle suma azi lazina.

Vama ndum mbeina 21:4

Mba mi sed’ezi simina irazi woi pet. Matna mba tchazi d’i, azi mba yor tazi d’oze a tchi tchi ma hohoud’a d’i, ta d’a ted’a nga d’uo mi, kayam ahle suma adjeuna pet a kal wa woyo.

Vama ndum mbeina 6:8

An gola, an we akulum ma bolona. Ma nga kama a yum ala Matna. Yima azuleina nga mi tit blogomu. Andagad’a abot ma fid’ina, a hazi ad’enga yam abot ma tuna á tchi suma woi ki mbigeu d’a fiyaka ki baktarad’a ki tugud’eid’a kazurei suma ayî suma yam andagad’ina mi.

1 Samuel 15:29

Ma didin ma subura hi Israel-lîna nga mi ka zlad’a d’i, nga mi djok djib’er mamba d’igi sana na d’uo mi.