Wana ni mbaktumba hi Oze-d’a 13:11 - Bible azumeina

¹¹ An hagi amuleina ni kayîna; ata yima an hurun zalâ, an yogizi woi mi.

Wana ni mbaktumba hi Oze-d’a 13:11 Kruisverwysings

Zla d’a d’ogolâ 28:2

Le huneîd’a nga kur ambasa ni, suma te katna a nablaud’a, wani le ni ki sama wäd’u ma wed’a tu ni, ti mba d’i i avogovogo.

Wana ni mbaktumba hi Oze-d’a 10:3

Ki tchetchemba, a nga dala: Ei nga kamul li, kayam ei nga lei mandara Ma didina d’i. Na ni amulâ mba mi le ni nana kei ge?

Wana ni mbaktumba hi Oze-d’a 10:7

Samari kamul matna a mba kal lei d’igi agu ma gorâ mi dol akulo yam mbina na.

Wana ni mbaktumba hi Oze-d’a 3:4

Kayam Israel-lâ a mba kak ngola tatâ bei amulâ, bei ma te kazina, bei ma ngat buzuna, bei ahina d’a ge humba, bei filei ma a yum ala efona, bei ma a yum ala terafima mi.

Wana ni mbaktumba hi Oze-d’a 8:4

A nga tin amuleina bei vun man ma hed’a, a nga tin suma nglo suma avok sumina bei an we ba, a nga yo kawei ma hapma ki lor mazid’a á yor fileina. Ni kayam ndata ba, azi mba b’lak tazi woyo.

1 Samuel 10:17

Samuel mi yi Israel-lâ ala a tok avok Ma didina avo Mispa.

1 Samuel 10:19

Samuel mi dazi kua ala: Wani ki tchetchemba, agi noyôgi Alo magi ma sud’ugi woi kur bur ma tchona ki bur ma ndakina. Agi dan ala: Ang tinimi amulâ. Djiviya! Ki tchetchemba, agi mbeyegi avok Ma didina ad’u andjavagiya, ad’u andjavagiya.

1 Samuel 12:1

Samuel mi de mi Israel-lâ pet ala: An lagi wa ahlena pet suma agi dan kazina. An tinigi wa amulâ kagiya.

1 Samuel 12:13

Samuel mi de kua ala: Ki tchetchemba, wana namul ma agi managizina, ni ma agi tchenen kama, Ma didina mi tinigiziya wa!

1 Samuel 15:26

Samuel mi hulong dum ala: An nga ni i ki sed’eng ngi! Kayam ang ge vun ma hed’a hi Ma didinina woyo, Ma didina mi gang wa woi mi, kayam ang kak amula yam Israel-lâ d’uo d’a.

1 Samuel 16:1

Ma didina mi de mi Samuel ala: Ni mindja ba, ang mba ar bei tchi yam Saul ma an pad’am mbei ala mi kak amul ma Israel-lâ d’uo na ge? Ang hle gugur mang nga mbulâ abongû, ang tchola; an nga ni sunung avo hi Jesse ma Betelehem-ma, kayam an fe nga amul ma nde irana aduk groma.