Wana ni mbaktumba hi Oze-d’a 13:1 - Bible azumeina

¹ Ata yima suma Efraim-ma a de zlad’ina, suma pet a le mandarâ. A hle yazi akulo yam andaga d’a Israel-la, wani a kud’or Bäl, zlad’a vaziya, a bo.

Wana ni mbaktumba hi Oze-d’a 13:1 Kruisverwysings

Ad’u Tinda 2:17

wani ang te vud’agu ma tak we djivid’a ki tchod’ina d’i. Bur ma ang le tum wa ni, ang mba mid’a.

1 Amuleina 12:25

Jerobowam mi min azina avo Sikem yam ahina d’a Efraim-mba á kak kua. Bugola, mi ar Sikem, mi i min azina avo Penuwel.

Wana ni mbaktumba hi Job-pa 29:21

Azi a humunu, a nga djuba; a golonu, a seng silil á hum d’al ma an duma.

Wana ni mbaktumba hi Job-pa 29:22

Bugol zla manda, sa nga mi tchi tuguyo d’i; zla manda nga d’i yak kazi kä d’igi mbad’ïd’a na.

Zla d’a d’ogolâ 18:12

Subur tad’a avok tua ba, b’laka ti mba bugolo, wani ge yam mba kä d’a avok tua ba, subura ti mba ni bugol mi.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Isai 7:8

kayam Damas nazì ma ngol ma Siri-na, Resin mi te ni kat ndat hol, Samari nazì ma ngol ma Efraim-ma, Peka mi te ni kat ndat hol mi. Ar bizad’a dok karagaya yam vahl, a mba b’lak suma Efraim-ma woyo, a mba ndumuzi andjafâ bugol luo d’a. Le agi tinigi hurugi yam Ma didina d’uo ni, agi ndak á tchologi avorozi d’i.

Wana ni mbaktumba hi Oze-d’a 11:2

Wani Israel-lâ a wal tazi woi ki an Ma ni yazina, a hahle suma ngat buzuna mi Bäl, a ngal dubang ma his djivid’ina mi fileina mi.

Wana ni mbaktumba hi Oze-d’a 2:10

Ti wan nga d’ala ni an Alona ba, ni hat gemena, ni hat süm guguzlud’a ki mbulâ, ni an ba ni hat ndjondjoîd’a, nala bege d’a hapa ki lora suma ndat ti hazi malo ma a yum ala Bäl-lâ ni anu d’i.

Wana ni mbaktumba hi Oze-d’a 2:8

Kayam ndata, an nga ni tchak aweid’a woi kat kur lovot mata á d’elet lovota, an nga ni ngui gulumuna woi kat tala ti fe lovot mata bugol luo d’a.

Wana ni mbaktumba hi Oze-d’a 8:4

A nga tin amuleina bei vun man ma hed’a, a nga tin suma nglo suma avok sumina bei an we ba, a nga yo kawei ma hapma ki lor mazid’a á yor fileina. Ni kayam ndata ba, azi mba b’lak tazi woyo.

Ndumba 10:22

Ades ma dur ayî ma mi tok ad’u drapod’a hi Efraim-mbina, mi tchol id’a. Ma ngol ma avok suma hi Efraim-mina ni Elisama Amihut goroma.

Ndumba 13:16

Wana ni simiyê suma Moise mi sunuzi á d’u ambasina. Mi tin Ose ma Nun goromina simina ala Josue.

Ndumba 13:8

Ma ad’u andjafâ hi Efraim-mina ni Ose Nun goroma;

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Romê-na 5:12

Tchod’a ti mba kur duniyad’a ni yam sama tuna, nala, Adam. Tcho mamba ti mba ki matna, gak matna ndja abom mbei yam suma pet, kayam suma pet a le tchod’a.

2 Korente-na 5:14

Kayam od’a hi Christ-sa ti te kamiya. Gagazi, ami wami tetet ala sana tu mi mit wa yam suma pet. Kayam ndata, suma pet a bo wa zlapa ki mam mi.

Josue 3:7

Ma didina mi de mi Josue ala: Ini an nga ni tin ad’ud’a á tagang ngol manga woi avok Israel-lâ pet, kayam azi wala an nga ki sed’eng d’igi an nga ki Moise adjeu na mi.

Suma ka sariyad’a 12:1

Suma hi Efraim-ma a tok tazi a i Safon, a de mi Jefte ala: Ni kayam me ba, ang i á dur suma Amon-na, ang yami á imi ki sed’eng nguo ge? Ami min á ngalang ngei kaziyang pet!

Suma ka sariyad’a 8:1

Suma hi Efraim-ma a de mi Zedeyon ala: Ang lami ni me hina ge? Ni kayam me ba, ang i ata suma Madiyan-na durâ, ang dami d’uo ge? A yal ki sed’em ngola.

1 Samuel 15:17

Samuel mi dum ala: Adjeu d’a ang gol tangî va d’uo d’a ang mbut nga amulâ yam andjafâ hi Israel-lîna d’uo zu? Ni Ma didina ba, mi tining amulâ yam Israel-lâ d’uo zu?