Wana ni mbaktumba hi Oze-d’a 11:4 - Bible azumeina

⁴ An tanazï ki ziyo ma we hohoud’a, ni ki kindjing ma od’a ba, ni mbazïya, ni an ba ni hlazi dju’â woi keleziya, ni an ba ni hazi tena mi.

Wana ni mbaktumba hi Oze-d’a 11:4 Kruisverwysings

2 Samuel 7:14

An tanda mba ni ka’î abumu, mam tamba mba mi ka’î gorona. Le mi le tchod’a ni, an mba ni gad’am ki totogod’a hi sumid’a, an mba ni tom d’igi suma a to grozina na.

Sawal la giled’a 105:40

Yam tchen mazid’a, mi hazi tcheged’a, mi hobozi kavu ma ndeï akulona mi.

Buzuk ka Abud’a 16:32

Moise mi dala: Wana ni vama Ma didina mi he vuna kama mi dala: Agi ngomogi manna kilona mbà yam andjavagi ma agi mba vud’um bugolâ, kayam azi we avungô ma an hagizi abagei hur fulâ ata yima an buzugugï woi kur ambas sa Ezipte-d’ina.

Sawal la kal teglesa 1:4

Ang van abonu, ang tananu, ei ringîya. Angî amul mana, ang kalan klavi hatangû, ei lei hur ma hapma ngola ki furîd’a. Ar ei suburi o mang nga kal süm guguzlud’id’a. Yuguneina a le kang nata yad’u!

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Wana ni mbaktumba hi Oze-d’a 2:8

Kayam ndata, an nga ni tchak aweid’a woi kat kur lovot mata á d’elet lovota, an nga ni ngui gulumuna woi kat tala ti fe lovot mata bugol luo d’a.

Sunda hi suma hi Levi-nid’a 26:13

An ni Ma didina Alo magi ma buzugugï woi kur ambas sa Ezipte-d’ina tala agi kagagi magumei mazina d’uo d’a. An kus djuk ma kelegina woyo, an aragi agi tid’igi yagi akulo herengîleng.

Jean 12:32

Fata a gaban akulod’a, an mba ni tanï suma pet gevenu.

2 Korente-na 5:14

Kayam od’a hi Christ-sa ti te kamiya. Gagazi, ami wami tetet ala sana tu mi mit wa yam suma pet. Kayam ndata, suma pet a bo wa zlapa ki mam mi.

Gat ta a hat á mbàd’id’a 32:12

Gagazi, ni Ma didina tu ba, mi tin sum mama; alo ma ding nga ki sed’em mbi.

Gat ta a hat á mbàd’id’a 32:14

A te mbul ambir amuhla kambir aho’â zlapa ki mbul tumiyôna ki mbul gamlâ ma Basan-na ki ma hi mbekmberinina. A tawu ma djivi ma kalâ, a tche süm guguzlu d’a gurud’unga.