Wana ni mbaktumba hi Oze-d’a 11:10 - Bible azumeina

¹⁰ Agi mba tid’igi bugol an Ma didina. An mba ni tchi d’igi azlona na. Gagazi, an mba ni tchi d’igi azlona na, grona a mba tcholï abo ma fladegena ki zlaka, a mba.

Wana ni mbaktumba hi Oze-d’a 11:10 Kruisverwysings

Wana ni mbaktumba hi Job-pa 37:1

Kayam ndata, mugulan nga mi zlaga, mi ar go á nde woi ata yamu.

Sawal la giled’a 119:120

Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.

Sawal la giled’a 2:11

Agi lagi sunda mi Ma didina ki mandarâ, agi lagi furîd’a, agi zlagagi avorom mi.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Isai 2:5

Agi suma hi Jakob-ma, agi mbeyegïya. Ei tid’i kur b’od’a hi Ma didinid’a.

Isai 31:4

Gola! Ma didina mi dan ala: D’igi azlona d’oze azlo ma azongâ nga mi ngop ades suma pola yam vama mi vuma, nga mi le mandarâ abo siwel mazid’a á arazi lovota d’uo na, an Ma didin ma ad’engên kal petna mba ni le hina fata ni tchuk asen kä yam ahina d’a Siyon-nda á dur ayîna kuad’a.

Isai 42:13

Ma didina nga mi djï d’igi grang ma durâ na, zlezleû mamba nga d’i zud’um d’igi ma dur ayîna na, nga mi yi tau d’a durâ, nga mi er ad’um akulo, nga mi kus yam mam suma djangûna mi.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Isai 64:2

Kid’a ang lahle suma mandar suma ami djubuzi nga yami tu d’uo nid’a, ang tchugï aseng kä, ahuniyôna a giget avorongû.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Jeremi 2:2

Ang i de mi suma Jerusalem-ma ala: Ma didina mi dala: Humun gan yam o mak ka ndak nga ki sed’et ki weyek ata yima ndak tit blogon kid’a an kaka, ata yima ndak tit blogon kur ful ma gangras ma bei sa mi zumum ba na.

Jeremi 25:30

Wani ang djogozi vuna yam ahle ndazina pet, ang dazi ala: Ma didina nga mi toï breîd’a akulo; suma a nga humum delem ata yam ma kak ma yed’etna, mi nga breî ata yam ma kaka, nga mi de zlad’a ki delem akulo d’igi suma a nga miret guguzlud’ina na á ngop suma a nga kaka yam andagad’ina pet.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Jeremi 33:9

Azì ma ngol ma wana mba mi mbut ni vama tan lan djivid’a kama, vama giled’a, vama subura kan an aduk andjaf suma pet suma yam andagad’ina. Fata a hum zla d’a djivi d’a lara ge d’a an mba ni lazizid’a, a mba djib’er ngola, a mba le mandarâ yam djivi d’a lara ge d’a, yam i mazi d’a avogovoka mi.

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Jeremi 50:4

Ma didina mi dala: Kur bur máma, ata yi máma, Israel-lâ ki suma Juda-na a mba mba asem taziya, a mba tit ki tchina iraziya, a mba halan an Ma didina Alo mazina.

Jeremi 7:6

le agi nga kid’eyêgi ir angeina d’oze ma hokuyod’a d’oze atcha d’a modonod’a d’uo, le agi nga tchagi ma bei zlad’a kama ata yima wana d’uo, le agi zlabagi nga tagi kalo ma dingâ d’uo yam hohou d’a nga d’i lagid’a ni,

Jeremi 7:9

Ni me na ge? Agi nga kulugiya, agi nga tchagi matna, agi nga lagi mizeuna, agi nga gunugi tagi ir gurzula, agi nga hagi dubang ma his djivid’ina mi Bäl, agi nga zlabagi kalo ma ding ma agi wum nga d’uo na.

Ezekiyel 26:16

Amulei suma avun alum ma ngolîna pet a mba tchuk asezi kä woi yam zlumiyô mazi suma amula, a mba fok baru mazi d’a nglod’a woyo, a mba ar baru mazi ma d’udjod’a woi mi, a mba tchu’î mandarâ atazi d’igi baruna na, a mba ka’î kä andaga. Ata yima lara pî a mba zlaga, a mba mbut hohoud’a kang mi.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Joel 3:16

Ma didina nga mi oî kur Siyon, nga mi breî ki delem akulo kur Jerusalem. Akulod’a kandagad’a a nga zlaga. Wani Ma didina nga mi ngom sum máma, mam mi yima ngeid’a hi Israel-lîna.

Amos 1:2

Amos mi dala: Ma didina nga mi to breîd’a kur Siyon, delem nga d’i nde woi avo Jerusalem. Yima te hatna hi suma polina mi lugod’a, hat ma yam ahina d’a Karmel-lina mi so woi mi.

Amos 3:4

Azlona bei mi ve va ba ni, mi to breîd’a aduk agud’a zu? Gor azlona bei mi ve va ba ni, mi er ad’um tchina ata yam ma domina zu?

Amos 3:8

Azlona le mi breyâ ni, ni nge ba, mi le mandarâ d’uo ge? Salad’a Ma didina le mi de ni, ni nge ba, mi djogom vunam mbei d’uo ge?

Mise 4:5

D’igi andjaf suma pet nge nge pî nga mi ge yam kä ad’u alo mama na, ami pî nga gami yami kä ad’u Ma didina Alo mamina burâ ki burâ gak didin.

Habakuk 3:16

An hum hina, wani vunadigan ndi pad’a. Kid’a an hum siwel ndatid’a, vunan nde zlaka, tan ndi tchuk susub’ok, asen mi nde zlaka kikib’i mi. An ni kak tchugot á djup bur ma ndak ma ang Alona mba ka sariyad’a yam suma a mba mba á lami tchod’ina.

Zakari 10:10

An mba ni buzuguzï woi yam ambas sa Ezipte-d’a, an mba ni togozï woi Asiri, an mba ni mbazi yam ambas sa Galät-ta ki d’a Liban-nda, yina mba mi ndagazi d’i.

Zakari 10:12

An mba ni hazi ad’enga, a mba tit ni ki simiyênu. Ni an Ma didina ba, ni de na.

Zakari 8:7

An Ma didin ma ad’engên kal petna nga ni dagiya: an mba ni sut man suma a izi magomba abo ma yorogona kabo ma fladegenina.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Sunda hi suma a sunuzinid’a 24:25

Wani kid’a Paul mi dum zla d’a yam tit ta d’ingêrid’a, yam ve ta d’a yam hliu tad’id’a, yam sariya d’a nga d’i mbad’a mi d’a, Felix mi le mandarâ ngola. Mi hulong dum ala: Ki tchetchemba, ang iya; fata an fe wa lovota ni, an mba ni yangî tua.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

2 Pierre 2:10

Kal pet mba mi ka sariyad’a yam suma a nga tit bugol djib’er ra ndjendjed’a hi sa mazi ma adjeuna suma a nga gol ad’enga hAlonid’a isâ. Ni suma a hat hat ta tcho d’a an dagi katina, ni suma bei le mandarâ, ni suma tum didi’â. Azi nga ge yazi kä avok ahle suma ari suma subur suma akulona d’i, wani a nga nguluziya.

Vama ndum mbeina 10:3

Nga mi tchi d’igi azlona mi oî na. Bugol tchi mama, alo ma breî d’a kid’iziyad’a mi breî ngola.