Wana ni mbaktumba hi Oze-d’a 10:8 - Bible azumeina

⁸ Yima nding ma teteng ma a tinim iram vam ma Bet-Aven ma Israel-lâ a le tchod’a kuana, a mba b’lagam mbeyo. Kekerezeuna kaweid’a a mba deî ata yi mazi ma ngal ahle suma ngat buzu ma tetengâ. A mba de mahuniyôna ala: Agi ngeyemiya, a mba de mi yima nding ma tetengâ ala: Ang dris kä kamiya.

Wana ni mbaktumba hi Oze-d’a 10:8 Kruisverwysings

Ad’u Tinda 3:8

Wani sa máma kamamba a hum del Ma didina Alona nga mi tit hur asinena fladege, a ngei tazi avorom aduk agu ma nga hur asinenina.

1 Amuleina 13:2

Mi de zlad’a hi Ma didinid’a mi yima ngal ahle suma ngat buzuna ala: Ang yima ngal ahle suma ngat buzuna, ang yima ngal ahle suma ngat buzuna, ang hum zla d’a de d’a Ma didina mi data. Mi dala: Gor mandjufâ mba mi vut aduk suma hi David-na, a mba yum ala Josiyas. Mam mba mi ngal suma ngat buzu suma a tinizi ata yima nding mámina woyo! A mba ngal asok suma kang mi!

1 Amuleina 13:34

Ahle ndazina a i andjafâ hi Jerobowam-ma kur tcho d’a led’a pepet. Kayam ndata, Alona mi b’lak andjaf máma woi yam andagad’a ki iram fafat.

1 Amuleina 14:16

Mba mi arazi woyo, kayam Jerobowam mi zud’uzi á le tchod’a.

2 Amuleina 23:15

Josiyas mi b’lak yima ngal ahle suma ngat buzuna ki yima nding ma Jerobowam Nebat goroma mi minim avo Betel á zut ki Israel-lâ á le tchod’ina woyo, mi ngal yima nding máma woyo, mi mbud’um butna, mi ngal agu ma murguli ma a pum mi Asera-na woi mi.

2 Sunda Hamuleinid’a 31:1

Kid’a abozi mi dap le vun tilîd’a, Israel-lâ pet suma a nga ata yi mámina, a i kur azì ma Juda-na, a i to ahina d’a nga tchola gongzonga woi pet, a to gonga halo d’a a yat ala Asera-d’a woi pet, a pleî yima nding ma a tuwal fileina kuana woi pet ki yi mam ma ngal ahle suma ngat buzuna pet. A le hina kur andaga d’a Juda-d’a pet, kur andaga d’a Benjamin-nda ki d’a Efraim-mba ki d’a Manase-d’a. Bugola, nge nge pî, mi i avo hatam kur aziyamu.

Isai 2:19

Suma a mba tchuk kur zul ahuniyôna, a tos tazi aduk andaga d’a gugud’upa kä dei á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’ina mandarîd’a!

Isai 2:21

A mba tchuk angra ahuniyôna, a mba tchuk kur zul ahuniyôna á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’a mandarîd’a!

Isai 32:13

Kekerezeuna kaweid’a a nga deî yam andagad’a hi sum manid’a, a nga deî kur azì ma lara ma suma a nga le furîd’a kuana, kur azì ma ngol ma suma a nga le vuna kuana mi.

Isai 34:13

Azlupa mba d’i wul kur azì mat ma ngolâ. Kekerezeuna kaweid’a a mba deî kur azì mat ma ad’eng ma ngunguna, mba d’i mbut ni yima kaka hi hânina, mba d’i mbut ni yima kaka harigetina mi.

Wana ni mbaktumba hi Oze-d’a 10:2

Azi mbut suma hur ma mbàmbàna, a mba zi tcho mazid’a kaziya. Ma didina mba mi b’lagazi yi mazi ma ngal ahle suma ngat buzu ma tetengâ kä woyo, mba mi b’lagazi ahle mazi suma azi tinizi á ge humbina woi mi.

Wana ni mbaktumba hi Oze-d’a 10:5

Suma Samari-na a mba le mandarâ abo gor amuhl ma yor ma Bet-Aven-na. Suma a mba yor tazi kamu, suma ngat buzuna a mba tchi kam kayam subur mamba dap pei da’.

Wana ni mbaktumba hi Oze-d’a 10:9

Ma didina mi dala: Agi Israel-lâ, agi lagi tchod’a avo Gibeya adjeu dei, gak ini agi nga igi avogovok kur tchod’a. Na ni ayîna mi nde nga yam suma tchona avo Gibeya d’uo zu?

Wana ni mbaktumba hi Oze-d’a 2:6

An mba ni we hohowa grotna d’i, kayam azi ni gro suma gaulangâ,

Wana ni mbaktumba hi Oze-d’a 4:13

A ngat ahle suma ngat buzuna akulo yam ahinad’a yat ta ked’iwurenga, a ngal dubang ma his djivid’ina akulo yam yima ndingâ, ad’u agu sena, ad’u agu pepliyena, ad’u agu tereben suma anguzuna b’uguma mi. Ni kayam ndata ba, grogi suma aropma a nga le gaulangâ, grogina amiyôzina a nga le mizeuna mi.

Wana ni mbaktumba hi Oze-d’a 4:15

Agi Israel-lâ, le agi hagi tagi á le mizeuna pî, ar suma Juda-na zlad’a vazi d’i, ar agi igi Gilgal li, ar agi igi Bet-Aven ndi, ar agi gunugi tagi ala: Ma didina ni ma bei matna d’uo mi!

Wana ni mbaktumba hi Oze-d’a 5:8

Agi bugi adifa avo Gibeya, agi bugi adif fa ngola avo Rama, agi eregi ad’ugi akulo avo Bet-Aven. Agi suma Benjamin-na, agi gologi blogogiya!

Wana ni mbaktumba hi Oze-d’a 8:5

Ma didina mi dala: Agi suma Samari-na, agi togi amuhl magi ma yora woyo, kayam agi zalan hurun ngola. Ni mindja ba, agi mba kagagi suma bei zlad’a kagina ge?

Wana ni mbaktumba hi Oze-d’a 9:6

Fata agi mba ringîgi abo b’lak ka mba d’i mba yam ambasid’a, Ezipte-na a mba yogiya, azì ma Memfis-sâ mba mi mbut ni yima a tozogi kuana. Kekerezeuna mba mi se yam kawei magi ma hap ma djivi ma kal teglesâ, aweid’a mba d’i se kur zlub’u magid’a mi.

Amos 1:5

An mba ni kus kawei ma murguli ma avun azì ma ngol ma Damas-sîna woyo, an mba ni dap suma a nga kaka kä kur hor ra Bikat-Aven-nda ki ma nga mi tamula yam suma hi Bet-Eden-na woi mi. Suma Siri-na a mba yozi magomba izi Kir. An Ma didina ni de na.

Amos 3:14

Kur bur ma an mba ni mba á ngop Israel-lâ yam tcho mazid’ina, an mba ni to yima ngal ahle suma ngat buzu ma Betel ma tetengâ kä woyo, kengêm ma djidjid’engâ mba mi dris kä woi andaga mi.

Amos 7:9

An mba ni b’lak yima ndingâ handjafâ hi Isa’â woyo, an mba ni b’lak gongîyo suma kud’ora hi Israel-lîna woyo, an mba ni ngop suma hi Jerobowam-ma kayî ma durâ mi.

Amos 8:14

Suma a nga gun tazi kalo ma ka zla ma Samari suma a nga dala: Dan! Ar alo mangâ va mi lum mbuo, d’oze, Ar alo ma Berseba-na va mi lum mbuo mi na, a mba puk kä, a mba tchol akulo bugol luo d’a.

Mise 1:13

Agi suma Lakis-sâ, agi djinigi pus ma dur ayîna ad’u akulumei magina, kayam agi lagi tchod’a d’igi Israel-lâ na, agi zud’ugi suma Jerusalem-ma á so vuna mi.

Mise 1:5

Ahle ndazina a mba hina pet ni yam so vuna handjafâ hi Jakob-mina, ni yam tchod’a hi Israel-lîd’a. Ni me ba, mi zut andjafâ hi Jakob-ma á so vuna ge? Ni suma Samari-na d’uo zu? Ni me ba, mi zut suma hi Juda-na á tuwal fileina ge? Ni suma Jerusalem-ma d’uo zu?

Nahum 3:11

Ang azì ma ngol ma Ninif-fâ, ang mba gurut d’igi suma a gurut ki sümina na, ang mba ngeya, ang mba ngei tang abo mang suma djangûna mi.

Wana ni Zla d’a Djivi d’a Luc mi b’irita 23:30

Kur bur máma suma a mba de mahuniyôna ala: Agi tchugugï kä kamiya. A mba de mi yima ndingâ ala: Ang ngeyemiya!

Gat ta a hat á mbàd’id’a 9:21

An hle gor amuhl ma lor mala ni sun nda tcho d’a agi lat kabogid’a na, an ngalam mbei kakud’a, an lud’um mbei gak ni mbud’um butna, ni tchugum mbei aduk mbiyo ma nga mi djangî kä yam ahinad’ina.

Vama ndum mbeina 6:16

A nga de mahuniyô suma nglona ki suma gureina ala: Agi tchugugi tagi kami ngeyemi woi avok mam Ma nga kaka yam zlam mba amulina, avok ayîna hi Gor timinina mi.

Vama ndum mbeina 9:6

Kur til ma vahl máma, suma a mba hal matna, wani azi mba fum mbi, azi mba min ala matna mi tchaziya, wani mam mba mi ring ngei avoroziya.