Wana ni mbaktumba hi Oze-d’a 10:15 - Bible azumeina

¹⁵ An Ma didina nga ni dagiya: Agi suma Betel-lâ, an mba ni le ki sed’egi ni hina dedege yam asa’at magi d’a ngol la kala, a mba tchamul ma Israel-lâ tchi tua ba yina fo.

Wana ni mbaktumba hi Oze-d’a 10:15 Kruisverwysings

Isai 16:14

Wani ki tchetchemba mi dala: Kur bur ma dabid’a hi biza d’a hindid’a, subur ra kal teglesa hi Mowap-pa, a mba golot is, mat suma ablau suma mimiyâ’â a mba arî akid’ei d’a hina yegre. Suma a mba ar kurutna a mba ndak ir va d’uo mi.

Wana ni mbaktumba hi Oze-d’a 10:14

Kayam ndata, siwel la ayîna mba d’i tchol aduk sum magina, azì magi ma ad’eng ma ngunguna pet mba mi b’lak keyo, mba mi b’lak kei ni d’igi Salman mi b’lak Bet-Arbel kur bur ma ayî ma mi ndjirep asud’a ki grotna woina na.

Wana ni mbaktumba hi Oze-d’a 10:3

Ki tchetchemba, a nga dala: Ei nga kamul li, kayam ei nga lei mandara Ma didina d’i. Na ni amulâ mba mi le ni nana kei ge?

Wana ni mbaktumba hi Oze-d’a 10:5

Suma Samari-na a mba le mandarâ abo gor amuhl ma yor ma Bet-Aven-na. Suma a mba yor tazi kamu, suma ngat buzuna a mba tchi kam kayam subur mamba dap pei da’.

Wana ni mbaktumba hi Oze-d’a 10:7

Samari kamul matna a mba kal lei d’igi agu ma gorâ mi dol akulo yam mbina na.

Wana ni mbaktumba hi Oze-d’a 11:1

Ata yima Israel mi gogora tua na, an le kamu, an yi gorona woi kur Ezipte.

Romê-na 7:13

Na ni vama djivina mi mbut vama tchana zu? Nga na d’i! Wani ni tchod’a ba, ti tchan ndeyo. Wani ata yima tchod’a ti le sunda yam vun ma hed’a hi gatina, ti tak kei ala tcho d’a tata ni vama tchona. Hina, yam vun ma hed’a ba, tchod’a ti mbut tcho d’a ngol la kala.