Wana ni mbaktumba hi Oze-d’a 1:6 - Bible azumeina

⁶ Gomer ti hulong ve wirâ, ti vut gor atchad’a. Ma didina mi de mi Oze ala: Ang yat ala Lo-Ruhama (nala, Bei we hohoud’a), kayam an mba ni we hohowa Israel-lâ á vat hurun ndei kazi gagak kuo d’a.

Wana ni mbaktumba hi Oze-d’a 1:6 Kruisverwysings

2 Amuleina 17:20

Kayam ndata, Ma didina mi noî andjaf Israel-lâ woi ki zla tazi pet, mi mbud’uzi zulona mi hazi abo suma á hurumuzi ahle mazina, gak mi digizi woi dei ki sed’emu.

2 Amuleina 17:6

Kur biza d’a zlengâ d’a Ose nga mi tamulid’a, amul ma Asiri-na mi hlazì ma ngol ma Samari-na, mi yo Israel suma kurâ mi izi magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Wana ni mbaktumba hi Oze-d’a 1:8

Kid’a Gomer ti ar Lo-Ruhama bei hapona dad’a, ti ve wirâ kua, ti vut gor mandjufâ.

Wana ni mbaktumba hi Oze-d’a 2:23

An Ma didina nga ni dagu: Kur bur máma an mba ni arî Alo ma hulong humba, an mba ni hulong humba makulod’a. Akulod’a mba d’i hulong humba mandagad’a,

Wana ni mbaktumba hi Oze-d’a 2:4

Ma didina mi de kua ala: Agi kagi sariyad’a yam asugiya, agi tchugugizi zlad’a kad’u, kayam ndat nga namanda d’i, an nga ni ndjuvut tuo mi. Ar ti ar gaulang matna woyo, ar ti ar mizeu mat ma led’a woi mi.

Amos 7:8

Ma didina mi djobon ala: Amos, ang we ni me ge? An hulong ni dum ala: An we ni plom ma d’op gongâ. Mi hulong dan ala: Gola! An nga ni tin plom ma d’op gongâ aduk man suma Israel-lâ, an mba ni vat hurun ndei yam gun mazid’a d’uo d’a.

Amos 9:8

Gola! An Salad’a Ma didina iran nga tinda yam leu d’a le tchod’a, an mba ni b’lagat tei yam andagad’a. Hina pet pî, an mba ni dap andjafâ hi Jakob-ma woi pet ti.

1 Pierre 2:10

Adjeu agi ni suma hAlonina d’i, wani ki tchetchemba, agi ni sum mama. Adjeu mi wagi nga hohowogi d’i, wani ki tchetchemba, mi wagi wa hohowogiya.