Hebre-na 9:3 - Bible azumeina

³ Bugol baru d’a ka ir mbàd’a, zlub’u d’a dinga nga. Hurut ma krovona, a yum ala Yima Alona mi tinim iram vam ma kal teglesâ.

Hebre-na 9:3 Kruisverwysings

Matiye 27:51

Gola! Baru d’a ka ir ra kur gong nga kud’ora hAlonid’a ti haû woi aduk mbà tcholï akulo dei gak ti tchuk kä, andagad’a ti yira, ahuniyôna a wak kei mi.

Buzuk ka Abud’a 40:21

Mi mba ki zanduk máma kur zlub’ud’a, mi yo baru d’a ka ira, mi gat akulo á wal ki ir zanduk máma woi d’igi Ma didina mi hum vuna na.

Buzuk ka Abud’a 40:3

Ang tin zanduk mana kuru, ang walam iram mbei ki baru d’a ka ira.

Hebre-na 9:8

Hina Muzuk ma bei tchod’a ba na, mi tak kei ala ata yima zlub’u d’a avoka nga tua na, lovot ta á kal ata yima Alona mi tinim iram vam ma kal teglesîd’a nga d’i.

1 Amuleina 8:6

Bugola, suma ngat buzuna a i ki zanduk ma vun ma djinda hi Ma didinina mi nga kuana ata yima a tinim iram vam ma kal teglesâ krovo kur gonga kä ad’u giging tcherebêna.

Hebre-na 6:19

Tin hur mei máma nga mi vei kä d’igi kawei ma valumba kä na na. Hur mei ma tin ma gagazi mama mi nga tchola ngingring nga mi kal lei bugol baru d’a ka ira kur gong nga kud’ora hAlona d’a akulod’a gak mi nde woi krovo kur yima a tinim iram vama.

Isai 25:7

Yam ahina ndata mba mi b’lak baru d’a yor ta d’a andjaf suma a zlubut kazid’a woi pet, mba mi b’lak borogo ma hat hur ma andjaf suma pet a zlubum kazina woi mi.

2 Sunda Hamuleinid’a 3:14

Mi tchil baru d’a ka ira luluî d’a botlozid’a ki d’a hleu d’a sisila ki d’a hleud’a kekenga mi. Ni ndat ba, a tin anguza tcherebêna kua.

Ndumba 4:5

Fata agi yogi á id’id’a, Aron azi ki groma a but baru d’a ka ira woyo, a zlubut yam zandu’â hAlonina.

1 Amuleina 6:16

Mi ndja agu sedrena huyok gong nga a minit sä a zut kur gong nga ngolid’a, agu máma fiyagam mba akulod’a ti ni metred’a dogo, mi minit hurut ma krovo ma a yum ala Yima a tinim iram vam ma kal teglesâ na.

Ezekiyel 41:4

Mi nga hur gong ndata. Fiyagat ni metred’a dogo, bubuwat ni metred’a dogo mi. Bugola, mi dan ala: Yi máma a yum ala Yima a tinim iram vam ma kal teglesâ.

Hebre-na 9:7

Wani ni ma ngol ma ngat buzuna hol ba, mi kal kur zlub’u d’a mbàd’a yam tu kur bizad’a. Mi kalî ki buzu ma mam ngad’am yam tcho mambina, yam tchod’a hi suma d’a a lat kur vitid’a mi.