Hebre-na 7:1 - Bible azumeina

¹ Kayam Melkisedek máma namul ma Salem-ma, ni ma ngat buzuna mAlo ma kal teglesâ. Kid’a Abraham nga mi hulong avo bugol kus sa mi kus yam amuleinid’a, Melkisedek mi ngavam mi b’e vunam kamu.

Hebre-na 7:1 Kruisverwysings

Sawal la giled’a 57:2

Ang wan hohowonu, Alo mana, ang wan hohowonu, kayam an hal yima ngeid’a natang d’igi ahleka grotna a ngei tazi ad’u giging asuzi na, gak djop vuna mi kal leyo.

Sawal la giled’a 76:2

Alo mamina mi tak tam mbei navo Juda, simiyêm ni ma kal papana aduk Israel-lâ.

Sawal la giled’a 78:35

Azi nga djib’er ala Alona nahina mazi d’a ngei tazid’a; Alo ma sä akulo ma kal teglesâ ni grang mazina mi.

Sawal la giled’a 78:56

Wani azi kuk Alo ma sä akulo ma kal teglesâ, a kak djangûna ki sed’emu, azi ngom nga vun mam ma hed’a d’uo mi.

Daniel 4:2

Tan lan djivid’a á gagi humagi yam ahle suma yoyouna kahle suma atchap suma Alo ma kal teglesâ mi lazi ki sed’ena.

Daniel 5:18

Amulâ, Alo ma kal teglesâ mi tin abung Nebukanezar amul ma ngolâ, mi hum ngola ki hud’a ki subura mi.

Daniel 5:21

A digim mbei aduk suma, djib’er mamba ti mbut d’igi djib’era hahle suma abageinid’a na. Mi kak aduk koro ma abageina, mi tasuna d’igi amuzleina na, mbad’ï d’a akulod’a ti gumu, gak mi wala Alo ma kal teglesâ nga mi te yam leu d’a yam andagad’id’a pet, nga mi tin sama mam hurum minima amula.

Mise 6:6

Agi nga dagi ala: Ei i avok Ma didina ni ki me ge? Ei grivi kä avok Salad’a Alo ma sä akulo ma kal teglesâ ni ki me ge? Ei humî gor amuhl ma bizam tuna vama ngat buzu ma ngala zu?

Marik 5:7

mi er ad’um tchina akulo ala: Vama mi ndolong ki sed’en ni me ge? Jesus Alo ma sä akulo ma kal teglesâ Goroma, an nga ni tcheneng ki simiyê Alona, ang lan ndaka d’i.

Sunda hi suma a sunuzinid’a 16:17

Ti nga d’i tit ad’umi ki Paul, ti er ad’ut akulo ala: Suma wana nazungeîna hAlo ma sä akulo ma kal teglesîna. Azi nga ni tchagi ni wal lovot ta igi kur sutid’a.

Hebre-na 6:20

Ni yima Jesus mi kal kua avok kei á ndjunina, kayam mi mbut Ma ngol ma ngat buzuna gak didin d’igi Melkisedek na.

Hebre-na 7:2

Abraham mi pad’am vun ahlena tutu pet, nala, dogo mam hum tu, dogo mam hum tu. Melkisedek, ad’u simiyêm nala Amul ma d’ingêrâ; kal pet mam namul ma Salem-ma, nala Amul ma b’leng nga halasa.

Hebre-na 7:3

Mam mi ma abum nga d’i, asum nga d’i, ad’u andjavam nga d’i, bur mam ma vuta nga d’i, nga mi mit tuo mi na. Mi hle tamî d’igi Alona Goroma na, mam mi Ma ngat buzuna gak didin.

Hebre-na 7:6

Wani Melkisedek ma ala nandjavazi d’uo na, mi ve vun ahle suma dodogona abo Abraham ma Alona hlum vunama, mi b’e vunam kam mi.