Wana ni mbaktumba hi Aze-d’a 2:4 - Bible azumeina

⁴ Ki tchetchemba, Ma didina mi dala: Zorobabel, ang ve tangû; ma ngol ma ngat buzuna Josue Josadak goroma, ang ve tangû; agi suma yam ambasina pet, agi vagi tagiya, agi lagi sunda, kayam an nga ki sed’egiya.

Wana ni mbaktumba hi Aze-d’a 2:4 Kruisverwysings

2 Samuel 5:10

David simiyêm nga mi yï avogovogo; Ma didina Alo ma ad’engêm kal petna mi nga ki sed’emu.

1 Sunda Hamuleinid’a 22:13

Le ang ngom gat mamba ki vun ma he ma mi hum mi Israel-lâ avun Moise-sâ ni, mam mba mi lang djivid’a. Ang so tangû, ang ve tang ad’enga, ang le mandar ri, ar vunadigang ngi pat tuo mi.

1 Sunda Hamuleinid’a 28:20

David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.

Esdras 10:18

Aduk suma ngat buzuna grozi suma a vik andjaf arop suma dingîna ni Josue ma Josadak goromina groma ki b’oziyoma Mäseya, Eliyezer, Jarip ki Gedaliya.

Esdras 5:2

Ata yi máma Zorobabel Salatiyel goroma ki Josue Josadak goroma a tchol á min gong nga kud’ora hAlonid’a avo Jerusalem; suma djok vuna a nga zlapa ki sed’ezi mi.

Buzuk ka Abud’a 3:12

Alona mi dum ala: An mba ni kak ki sed’engû. Wana ni vama simat ma ang mba wala ni an ba ni sunungû na: Fata ang buzugï sum mana woi avo Ezipte-d’a, agi mba kud’uron yam ahina d’a wanda.

Wana ni mbaktumba hi Aze-d’a 1:13

Aze ma Ma didina mi sunuma, mi de mi suma d’igi Ma didina mi sunumï na ala: Ma didina mi dala: An nga ki sed’egiya.

Zakari 8:9

Ma didin ma ad’engêm kal petna mi dala: Agi vagi tagi ad’enga! Ki tchetchemba, agi humugi zlad’a hi vun man ma hle ma suma djok vuna a dum zlam mbei adjeu ata yima a gäd’u gong man nda kud’ora kä á mindina.

Marik 16:20

Hina, mam suma hata a buzuk i ata yina pet, a tchi wal Zla d’a Djivid’a. Salad’a nga mi le sunda ki sed’eziya, nga mi tak zla ndata woi ala ni zla d’a gagazid’a kahle suma atchap suma azi nga lazina mi.]

Sunda hi suma a sunuzinid’a 7:9

Abuyoi ngolo ndazina a le yungôra yam Josef. A guzum mbei abo suma, a i ki sed’em Ezipte-na. Wani Alona mi nga ki sed’emu,

1 Korente-na 16:13

Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.

Efes-sâ 6:10

Vama arâ, agi siragi ngingring zlapa tu ki Salad’a, kur sib’ika had’eng mambid’a mi.

Gat ta a hat á mbàd’id’a 31:23

Bugola, Ma didina mi he vuna mi Josue Nun goroma, mi dum ala: Ang ve tang ad’enga, ang so tangû! Ni ang ba, mba kal Israel-lâ kur ambas sa an hlazi vunan kat á hazizid’a, an tanda mba ni tit ki sed’engû.

2 Timote 2:1

Kayam ndata, ang gorona Timote, ar ang sira kur suma d’a zlabei tu ki Jesus Christ-sa.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

Josue 1:6

Ang ve tang ad’enga, ang so tangû, kayam ni ang ba, mba i ki sum ndazina yam ambas sa an gun tan kat mabuyozi ngolo á hazizid’a.

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Suma ka sariyad’a 2:18

Ata yima Ma didina mi tinizi suma avorozina, Ma didina mi nga zlapa ki ma avorozi máma, nga mi pad’azi woi abo mazi suma djangûna, kid’a ma avorozi máma mi nga ki iramba. Kayam Ma didina mi wazi hohowozi yam zam ta d’a azi nga zamat abo suma a nga lazi ndaka suma a nga djobozi vunazina.

1 Samuel 16:18

Aduk azungeî mama sana tu mi hulong dum ala: An we sana tu, ni Jesse ma Betelehem-ma goroma, ni sama we bu adingâ djivid’ina, ni sama ad’eng ma gangrangâ, ni sama durâ, ni ma de zla d’a djivid’ina, ni ma djifâ mi; kal pet, Ma didina mi nga ki sed’emu.