Wana ni mbaktumba hi Aze-d’a 1:6 - Bible azumeina

⁶ Agi nga zumugi ngola, wani agi nga dud’ugi akid’eid’a; agi nga tagiya, wani agi nga hobogi d’i; agi nga tchagiya, wani nga vagi laud’a d’i; agi nga tchugugi baruna atagiya, wani tagi nga d’i ve d’ut ti. Sama le sunda nga mi ve bege mamba, wani nga d’i ndagam mbi.

Wana ni mbaktumba hi Aze-d’a 1:6 Kruisverwysings

2 Samuel 21:1

Kur atchogoid’a hi David-ta, baktara ti nde, ti le bizad’a hindi. Wani David mi tchen Ma didina. Ma didina mi hulong dum ala: Ni yam Saul ki mam suma a tchi suma woina, kayam mi tchi suma Gabawon-na woyo.

1 Amuleina 17:12

Ti dum ala: An gunung tan avok Ma didina Alo mang ma bei matna, avu nga d’i, afuta ar nga kur deina hina ngiyeû ki mbulâ nga kur gugura hina nde mi. An mba ni kus tchagalaka kä wani, an i ni tib’ek ahle suma ar nde ndazina mi an ki gorona. Le ami tami wa ni, ami djubumi ni mat mamina.

Nehemi 5:2

Suma hiuna adigazi a dala: Ami ki gromi suma andjofâ ki suma aropma, ami ablaud’a, ami minimi awuna, kayam ami tami sud’umi ki tamiya.

Wana ni mbaktumba hi Job-pa 20:22

Kur ndjondjoî mamba mam mba mi fe ndaka; aneka hi suma a nga kur ndakina mba d’i tok kamu.

Wana ni mbaktumba hi Job-pa 20:28

Ahle suma avo hatama a mba kal leyo, a mba dap pei kur bur ma Alona mba mi mba kayî mamina.

Sawal la giled’a 107:34

mi mbut ambas sa tub’ad’a ambas sa himbirâ, kayam asa’ata hi suma kurutnid’a.

Zla d’a d’ogolâ 11:24

Sama nga mi he bei djib’era ba na, ahligiyem nga zul avogovok ngola, wani sama abom nga mi he woi d’uo na, mi mbut ni tam houd’a.

Isai 5:10

A mba zum palum guguzlud’a hindi, wani vud’ut mba d’i em lidirâ dok vahl hluo ko; a mba zar gemena kä kilona kis, wani mba mi dut ni kilona dogo wü d’a.

Jeremi 12:13

Agi zaragi gemena, wani agi dud’ugi naweid’a; agi hagi tagi ndaka, wani agi nga fagi va kua d’i. Zulona mba mi lagi yam dut magi ndata, abo ayî ma bibiliuna hi an Ma didinina.

Jeremi 14:4

Andagad’a ti wak ngongok, kayam alona nga mi se yam ambasa d’i. Suma zuma a mbut zulona, a tchok yazi kä abo zulona.

Jeremi 44:18

Wani dedei d’a ami arami bei ngal dubang ma his djivid’ina ki süm guguzlud’a mamul la akulod’id’a, ami kid’agami ahlena pet, a dabami woi avun ayî ma durâ ki baktarad’a mi.

Wana ni mbaktumba hi Oze-d’a 4:10

Azi mba te, wani azi mba hop pi, azi mba le gaulangâ, wani azi mba zul li, kayam azi noyôn an Ma didina woi á le gaulangâ.

Wana ni mbaktumba hi Oze-d’a 8:7

Kayam agi zaragi ni simetna, agi mba dud’ugi ni babarâ! Agi mba fagi yam awu d’i, agi mba fagi afuta kua d’uo mi. Le mi le irâ pî, andjaf suma dingâ a mba dud’umî aziya.

Sunda hi suma hi Levi-nid’a 26:20

Ad’eng magid’a mba d’i dap pei ni hawana, andaga magid’a mba d’i wul awuna d’uo d’a, agu magina mba mi vut awilid’a d’uo mi.

Sunda hi suma hi Levi-nid’a 26:26

Ata yima an mba ni d’el avungô maginina, aropma dogo a mba gavungôna kur für ma tuna, a mba ngagizi ni ngä; agi mba tumu, wani mba mi hobogi d’i.

Wana ni mbaktumba hi Aze-d’a 1:10

Ni kayam ndata ba, akulod’a nga d’i gagi mbad’ïd’a d’i, andagad’a nga d’i wulugi ahlena d’uo mi.

Wana ni mbaktumba hi Aze-d’a 1:5

Ki tchetchemba, Ma didin ma ad’engêm kal petna mi de kua ala: Agi djib’eregi yam tit magid’a.

Wana ni mbaktumba hi Aze-d’a 1:7

Ma didin ma ad’engêm kal petna mi de kua ala: Agi djib’eregi yam tit magid’a.

Wana ni mbaktumba hi Aze-d’a 1:9

Agi nga tinigi hurugi yam ahlena ngola, wani agi nga fagizi akid’eid’a; agi nga mbagi kahlena avo ngola, wani an nga ni fozi woyo. Ni kayam me ge? Ni kayamba gong manda nga b’laka kä woid’a, wani agi nge nge pî nga mi b’at tam á min aziyamu.

Wana ni mbaktumba hi Aze-d’a 2:16

ata yima sana mi tin hurum ala mi i ata awu mama mi yo ni dok mbà na, mi yo ni dogo go, ata yima sana mi tin hurum ala mi i ata süm guguzlu mamba ti selî dok vazlu na, ti selî dok mbà go mi.

Wana ni mbaktumba hi Aze-d’a 2:17

Ma didina mi de kua ala: An sogi awu magina woyo, an kizagagi awu magina woi ki mogoina, an tchagi awu magina woi mogod’a, an b’lak sun nda lara ge pet ta agi lat kabogid’a woyo. Hina pet pî, agi gid’iyêgï nga geven ndi.

Zakari 5:4

Ma didin ma ad’engêm kal petna mi dala: An mba ni sunï vun ma ge máma, mba mi kal avo hi ma kul ma lara d’oze avo hi sama lara ma nga mi gun tam ir gurzula ki simiyêna, mba mi kak avo hatam mba mi ngalam ahligiyem mbei kagu ma murgulina kahinad’a woi pet.

Zakari 8:10

Kavok ndata, sa nga mi wurak sama sun ndi, sa nga mi ve beged’a yam sunda hi d’uwarîd’a d’uo mi. Sa nga mi ndabu mi hulongî avo d’uo abo suma djangûna, kayam an ar suma pet a dur taziya.

Malatchi 2:2

Le agi humugi d’uo, le agi tinigi nga hurugi á suburun simiyên nduo ni, an mba ni gagi vuna, an mba ni b’lagagi djivi magid’a woyo. Gagazi, an mba ni b’lagat teyo, kayam agi vagi nga zla manda kurugi d’i.

Gat ta a hat á mbàd’id’a 28:17

Mba mi ge vuna mawu magi ma kur gagalagad’ina, mba mi ge vuna mafut magid’a ata yima a nga lavungôna kuana,