Wana ni mbaktumba hi Aze-d’a 1:4 - Bible azumeina

⁴ Na ni ata yima gong manda nga b’laka kä woina natchogoi d’a djivid’a kagi agi á kagagi kur aziyagi ma djivina zu?

Wana ni mbaktumba hi Aze-d’a 1:4 Kruisverwysings

2 Samuel 7:2

Bur tu David mi de mi Natan ma djok vun Alona ala: Gola! An nga kaka kur azì ma a minim kagu sedrenina, wani zandu’â hAlonina mi nga tinda kur zlub’ud’a.

2 Amuleina 5:26

Wani Elise mi dum ala: Ang we nga d’ala an we sa máma kur muzu’â ata yima mi tchuk asem mbei kä kur pus mama á ngavangâ d’uo zu? Wani nga ni yima ang ve baru ma djivid’a ki beged’a á gus asine ma olif-fâ ki ma guguzlud’a d’oze tumiyôna kamuzleina d’oze azungeîna ki yuguneinina d’i.

Sawal la giled’a 102:14

Ang mba tchol akulo á we hohowa Siyon, kayam ni bur ma wat hohowotna. Gagazi, bur matna ndak wa da’!

Sawal la giled’a 74:7

Azi do yi mang ma a tinim iram vama akud’a, azi to gulumun mangâ woyo, a miret yima a yang simiyêng kuana kä kaseziya.

Ma tchi wala 3:3

yima tchi matna mi nga, yima tchil sana mi nga mi; yima a to azina kä woina mi nga, yima min azinina mi nga mi;

Jeremi 22:14

Ni zla d’a hohoud’a yam sama nga mi dala: An mba ni min gong nga ngol la bubud’a, an mba ni kat hurut nglod’a teteng, an mba ni tinit fenetred’a, an mba ni b’al agu sedrena huyogot akulo, an mba ni gulud’ut ki pentir ma hleuna na.

Jeremi 26:18

Mika ma Moreset-na mi djok vuna kur atchogoid’a hi Ezekiyas amul ma Juda-nid’a, mi de mi suma Juda-na pet ala: Ma didin ma ad’engêm kal petna mi dala: A mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Jeremi 26:6

an mba ni b’lak gong ndata woi d’igi an b’lak Silo na, an mba ni mbut azì ma ngol máma vama ge vuna mandjaf suma yam andagad’ina pet mi.

Jeremi 33:10

Ma didina mi de kua ala: Agi suma Juda-na, agi nga dugud’ogi ded’a ala ambas magid’a ti b’lak wa woyo, sa d’oze d’uwar mi nga kua d’i. Gagazi, azì ma nglo ma Juda-na ki ir palum mba Jerusalem-mba a mbut wa hur fulâ ini, sa nga kua d’oze d’uwar mi nga kua d’uo mi. Wani a mba hum

Jeremi 33:12

Ma didin ma ad’engêm kal petna mi de kua ala: Azì ma b’lak kei ki tchetchemba ma sa d’oze d’uwar mi nga kua d’uo na kazì mam ma nglona pet, a mba min kangâna yam suma pola, a mba tuk d’uwar mazina tam kua.

Jeremi 52:13

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Hor ma tchina 2:7

Salad’a mi gol yi mam ma ngal ahle suma ngat buzuna is, mi noî yi mam ma a tinim iram vama woyo, mi he gulumun ma amula hi Siyon-na abo ma djangûna. Suma djangûna a nga siwel kur gong mamba d’igi suma a siwel adjeu kur bur ma vun tilâ na.

Hor ma tchina 4:1

Alë! Ni nana ba, lora nga d’i wile d’uo ge? Ni nana ba, lor ra bei zozota ba d’a nga d’i ngal wiwilik kuo ge? Ahina d’a a min ki gong nga a tinit irat vata, ti b’rau wa woi ir palumba teteng mi.

Ezekiyel 24:21

Ang de mi Israel-lâ ala: Salad’a Ma didina mi dala: An mba ni mbut yi man ma an tinim iram vam mala nad’eng nga agi nga suburugi tagi kat ta hurugi vat heî d’a tagi lagi djivid’a kat heîd’a ndjendjed’a. Grogi suma andjofâ ki grogi suma arop suma agi arazi woi avo Jerusalem-ma, a mba tchazi ki mbigeu d’a fiyaka.

Sunda hi suma hi Levi-nid’a 19:25

Kur biza d’a vahla, agi tazi vud’uziya, agi tchagazi mi, kayam an ni Ma didina Alo magina.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Wana ni mbaktumba hi Aze-d’a 1:3

Kayam ndata, Ma didina mi dazi zlad’a avun mam ma djok vuna Aze ala:

Wana ni mbaktumba hi Aze-d’a 1:5

Ki tchetchemba, Ma didin ma ad’engêm kal petna mi de kua ala: Agi djib’eregi yam tit magid’a.

Wana ni mbaktumba hi Aze-d’a 1:9

Agi nga tinigi hurugi yam ahlena ngola, wani agi nga fagizi akid’eid’a; agi nga mbagi kahlena avo ngola, wani an nga ni fozi woyo. Ni kayam me ge? Ni kayamba gong manda nga b’laka kä woid’a, wani agi nge nge pî nga mi b’at tam á min aziyamu.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Filip-ma 2:21

Kayam suma hiuna a nga djib’erî yam ahle mazina, wani nga ni yam ahlena hi Jesus Christ-sâ d’i.