Wana ni mbaktumba hi Aze-d’a 1:12 - Bible azumeina

¹² Zorobabel Salatiyel goroma, ma ngol ma ngat buzuna Josue Josadak goroma kablau suma pet, a ge yazi kä ad’u dela hi Ma didina Alo mazinid’a yam zlad’a hi ma djok vun Alona Aze-d’a d’igi Ma didina Alo mazina mi sunumï na mi. Suma a le mandarâ avok Ma didina.

Wana ni mbaktumba hi Aze-d’a 1:12 Kruisverwysings

Ad’u Tinda 22:12

Malaikana mi hulong dum kua ala: Ang tin abong ata gorongâ d’i, ang lum va d’uo mi. Ki tchetchemba, an wala ang nga le mandara Alona, kayam ang d’elen nga gorong ma tu gid’engâ bei hed’a d’i.

Esdras 10:18

Aduk suma ngat buzuna grozi suma a vik andjaf arop suma dingîna ni Josue ma Josadak goromina groma ki b’oziyoma Mäseya, Eliyezer, Jarip ki Gedaliya.

Esdras 5:2

Ata yi máma Zorobabel Salatiyel goroma ki Josue Josadak goroma a tchol á min gong nga kud’ora hAlonid’a avo Jerusalem; suma djok vuna a nga zlapa ki sed’ezi mi.

Sawal la giled’a 112:1

Agi gilegi Ma didina! Sama nga mi le mandara Alonina, mi le furîd’a; sama tam nga d’i lum djivid’a yam vun mam ma hed’ina, mi le furîd’a mi.

Zla d’a d’ogolâ 1:7

Le mandara Ma didina nad’u tinda hi wad’ud’id’a. Suma lilid’a a nga gol ned’a ki hata is.

Ma tchi wala 12:13

Zlad’a hi suma ned’id’a ni d’igi kawei ma vunam feta ma a hat kamuzleinina na, ni d’igi ponde ma a b’alam kä ad’enga ngingina na. Zla ndata ni zla d’a ti ndeï avun Ma pol ma tunid’a.

Isai 1:19

Le agi gagi yagi kä agi humun vunanu ni, agi mba tagi vut ahle suma djivi suma yam ambasina.

Isai 50:10

Ni nge adigagi ba, mi le mandar Ma didina, mi hum del azong mama ge? Sama lara ma nga mi tit kur nduvunda ma mi kid’ak b’od’ina, ar mi tin hurum yam simiyê Ma didina, ar mi deng tam ata Alo mama mi.

Wana ni mbaktumba hi Aze-d’a 1:1

Kur bur ma avo’â hi til ma karagayana kur biza d’a mbà d’a Dariyus nga mi tamulid’a, Ma didina mi de mi mam ma djok vuna Aze ala mi i de mi Zorobabel ma Salatiyel gorom ma nga mi te yam Juda-na ki ma ngol ma ngat buzuna Josue Josadak goroma ala:

Wana ni mbaktumba hi Aze-d’a 1:14

Ma didina mi mal djib’era hi Zorobabel Salatiyel gorom ma nga mi te yamba avo Juda-na ki djib’era hi ma ngol ma ngat buzuna Josue Josadak goroma ki djib’era hi suma a arâ pet. Ni kur bur ma dok mbà yam fid’ina hi til ma karagayana kur biza d’a mbà d’a Dariyus nga mi tamulid’a, azi mba, a nga le sunda kur gong nga kud’ora hi Ma didin ma ad’engêm kal petna, Alo mazinid’a.

Wana ni mbaktumba hi Aze-d’a 2:2

Ang i de mi Zorobabel Salatiyel gorom ma nga mi te yamba avo Juda-na ki ma ngol ma ngat buzuna Josue Josadak goroma kablau suma ala:

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Gat ta a hat á mbàd’id’a 31:12

Ang tok suma pet andjofâ karopma ki kemba kangoyogei suma a mba kak adigagina á humud’u, á hat á le mandara Ma didina Alo magina, á ngom zla d’a pet ta kur gat ndatid’a, á tit kat mi.

Gat ta a hat á mbàd’id’a 31:13

Grogi suma a wat nga d’uo na a mba humud’u, a mba hat á le mandara Ma didina Alo magina, ata yima lara ge pet ma agi nga ki iragi kur ambas sa agi nga djagagi alum ma Jurdê-na á hlat wanda.

Kolos-sâ 1:6

Zla ndata ti mba hatagi d’igi ti b’rau yam andagad’a pet na, nga d’i vud’a, nga d’i zul avogovogo, d’igi nga d’i ladigagi na mi. Ata yima agi humugizina, agi wagi ala ni suma d’a gagazid’a hAlonid’a,

Hebre-na 12:28

Kayam ndata, ei suma kalei kur leu d’a bei gigeta na d’a, ar ei lei mersi mAlona kayam ndata. Ar ei kud’orei Alona ki kud’or ra lum tam djivid’id’a ki mandarâ ki zlaka,