Filip-ma 1:1 - Bible azumeina

¹ Ni an Paul ki Timote, azungeîna hi Jesus Christ-sâ. Ami nga b’irimi mbaktum mba wanda mi agi suma hAlona pet suma a he gagazid’a yam Jesus Christ suma avo Filip-ma, zlapa ki suma gol Toka ki suma a le sunda mi Tokina mi.

Filip-ma 1:1 Kruisverwysings

Marik 13:34

Bur máma mba mi ka’î d’igi sama mi i akoid’a yam andaga d’a dinga na. Mi ar aziyam abo azungeî mama á gola, mi he nge nge pî sun mamba á led’a, mi gat sama ngom vun azina ala mi kak ki ndjola.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Sunda hi suma a sunuzinid’a 1:20

Kayam a b’ir kur mbaktumba hi Sawal la Giled’a ala: Ar yam ma kaka mi mbut djona, ar sa mi kak kua d’i. A b’ir kua ala: Ar sama dingâ mi vrak kur sun mamba.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Sunda hi suma a sunuzinid’a 9:13

Wani Ananiyas mi hulong dum ala: Salad’a, an hum zla sa máma avun suma ngola ala nga mi le murud’umba ablaud’a ki sum mang suma Jerusalem-ma.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Romê-na 1:7

An nga ni b’ir mbaktum mba wanda mi agi Romê-na pet suma Alona mi le kagi heî mi yagi á kak sum mama mi na. Ar Alona Abuya ki Salad’a Jesus Christ a vagi sumad’a ki b’leng nga halasa.

1 Korente-na 16:10

Le Timote mi iza hatagiya ni, ar agi vum atagi djiviya, kayam mam nga mi le sunda hi Salad’id’a d’igi an na.

2 Korente-na 1:1

Ni an Paul ma a sunuma hi Jesus Christ-sâ yam minda hAlonid’ina, zlapa ki wiyeina Timote. Ami nga b’irimi mbaktum mba wanda mi agi Toka hAlona d’a nga kur Korente-d’a ki suma hAlona suma avo Akai-na ki zlazi pet mi.

Galat-na 1:10

Na ni ki tchetchemba, an hal lovota á le suma tazi djivid’a d’oze á le Alona tam djivid’a zu? Na ni an hal lovota á le suma tazi djivid’a zu? Le an nga ni le suma tazi djivid’a tua ni, an nazongâ hi Christ-sâ d’i.

Galat-na 3:26

Ni kayam he gagazid’a ba, agi pet mbud’ugi Alona groma zlapa tu ki Jesus Christ.

Galat-na 3:28

Ki tchetchemba, wala nga aduk Juif-fâ kandjaf suma dingâ d’i, nga aduk magumeina ki gro vuta d’i, nga aduk andjofâ karopma d’uo mi. Agi pet ni zlapa tu ki Jesus Christ.

Efes-sâ 1:1

Ni an Paul ma a sunuma hi Jesus Christ-sâ kur minda hAlonid’a. An nga ni b’ir mbaktum mba wanda mi agi suma hAlona suma avo Efes suma d’engzeng suma zlapa tu ki Jesus Christ-sâ.

Efes-sâ 1:15

Kid’a an hum zla he gagazi magi d’a yam Salad’a Jesus-d’a ki o magi d’a yam suma hAlonid’a peta,

Efes-sâ 6:24

Ar Alona mi ve suma pet suma a nga le yam Saleina Jesus Christ ki od’a bei dabid’a ba d’ina sumad’a.

Filip-ma 2:19

Yam zlad’a hi Salad’a Jesus-d’a, an tin hurun ala an sunugi sä Timote ka tchetchem, kayam mi b’lengên hurun yam zla magid’a.

Filip-ma 2:5

Ar agi kagagi ki djib’era hi Jesus Christ-sa kurugiya:

Filip-ma 3:12

An nga ni dala: Vama an nga ni digima, an vum wa da d’oze an ndak wa memed’u na d’i. Wani an nga ni ring á ve va máma, kayam Jesus Christ mi van wa mi.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Filip-ma 3:8

An gol ahle ndazina pet ni d’igi vama hawana na, wani vama djivi ma kal tegles ma an halama ná we Jesus Christ Salana, mam ma an ar ahlena woi pet kama. An gol ahle ndazina pet ni d’igi siligitna na á fe Christ,

1 Tasaloni’â 1:1

Ni an Paul ki Silas ki Timote, ami nga b’irimi mbaktum mba wanda mi agi Tok ka avo Tasalonik-ka suma hAlona Abui ki Salad’a Jesus Christ-sâ. Ar Alona mi vagi sumad’a ki b’leng nga halasa.

1 Tasaloni’â 2:2

Agi wagi ala avok ka bei ami mbami sä hatagi Tasalonik-ka, ami fami ndaka ki lasa yam andaga d’a Filip-pa. Wani suma a hal á d’elemi pî, Alona mi hami ve tad’a á tchagi wal Zla d’a Djivi d’a tcholï atamba.

2 Tasaloni’â 1:1

Ni an Paul ki Silas ki Timote, ami nga b’irimi mbaktum mba wanda mi agi Tok ka avo Tasalonik-ka suma hAlona Abui ki Salad’a Jesus Christ-sâ.

2 Tasaloni’â 1:10

Kur bur máma suma hAlonina a mba suburumu, suma he gagazid’ina pet a mba humu. Agi nga adigazi mi, kayam agi hagi gagazid’a yam glangâs ma ami lagizina.

1 Timote 1:2

An nga ni b’ir mbaktum mba wanda mi ang Timote, goron ma d’engzeng ma kur he gagazid’ina. Ar Alona Abui ki Saleina Jesus Christ a vang sumad’a, ar a wang hohowong ki b’leng nga halasa mi.

1 Timote 3:8

Hina mi, suma a le sunda mi Tokina a ka’î suma d’engzengâ, suma bei mbàmbàd’a, suma bei gurut ki süma, suma le bei d’od’oka á fe mbiyo ma mbut ira.

Wana ni mbaktum mba Paul mi b’irit mi Tit-ta 1:1

Ni an Paul, azongâ hAlonina, ni ma a sunuma hi Jesus Christ-sâ. Mi tinin á mba ki suma he gagazid’a suma Alona manazina á we zla d’a gagazid’a, á had’azi yam he gagazi meid’a mi,

Wana ni mbaktum mba Paul mi b’irit mi Tit-ta 1:7

Mbeî ma gol Toka ni ma bei zlad’a kama, kayam mam mi sama ngom ahlena hAlonina. Ni ma bei subur tama, ni ma bei mbut ayîna atogo na, ni ma bei gurut ki süma, ni ma bei to sana, ni ma bei le d’od’oka á fe mbiyo ma mbut ira ba na.

Filemon 1:1

Ni an Paul ma dangeina yam Jesus Christ-sâ ki wiyeina Timote, ami nga b’irimi mbaktum mba wanda mi ang Filemon, ndrami ma sun ma hurumi vang heîna ki Toka avo hatanga

Hebre-na 13:23

An gagi humagi ala a ge wa wiyeina Timote akulo. Le mi mba ka tchetchemu ni, ami mba zlabami ki sed’em á iza hatagi á d’ugiya.

Jacques 1:1

Ni an Jacques, azongâ hAlonina, ma hi Salad’a Jesus Christ-sâ mi. An nga ni gagi agi andjaf suma hAlona suma dogo yam mbà suma a b’rau woi kur duniyad’a petna depa.

1 Pierre 2:25

Kayam adjeu agi ni d’igi tumiyô suma a vit teina na, wani ki tchetchemba, agi hulongôgi wa gen Ma pol ma ngomogina.

2 Pierre 1:1

Ni an Simon Pierre, azong ma a sunuma hi Jesus Christ-sâ. An nga ni b’ir mbaktum mba wanda mi agi suma a fagi he gagazi d’a guzut kal tegles d’igi ami na na, yam d’ingêra hi Jesus Christ Alo mei ma sud’ina.

Jude 1:1

Ni an Jude ma sunda hi Jesus Christ ma Jacques wiyemina. An nga ni b’ir mbaktumba mi agi suma Alona Abui mi yagi suma nga mi le kagi heî suma nga mi ngomogi zlapa ki Jesus Christ-sâ.

Vama ndum mbeina 1:1

Mbaktum mba wanda ti ta’î ahle suma Jesus Christ mi ndazi woina. Nahle suma Alona mi humzi mi tagazi woi mazungeî mam suma sunda vama ar go á mbad’ina. Nahle suma Christ mi sun malaika mama á tagazi woi mazong mama Jean-na.

Vama ndum mbeina 1:20

Ang we zla d’a mudurid’a hi tchitchiu d’a kid’iziya d’a ang wat abon ma ndjufâ kagu ma tin lalam mba lora kama kid’iziyad’a. Tchitchiu d’a kid’iziya ti ni malaika suma kid’iziya suma yam Tok ka kid’iziyad’ina; agu ma tin lalamba kam ma kid’iziyana mi ni Tok ka kid’iziyad’a mi.

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.

Vama ndum mbeina 2:12

Ang b’ir mbaktumba mi malaika ma nga yam Tok ka Pergam-mbina. Wana nahle suma Ma nga ki mbigeu d’a fiyak ka te d’a siyat mbàd’a mi dazina:

Vama ndum mbeina 2:8

Ang b’ir mbaktumba mi malaika ma nga yam Tok ka Ismirin-ndina. Wana nahle suma Ma avo’â, Ma danan ma mi mit mi mbut arid’ina ni dazina:

Vama ndum mbeina 22:9

Wani mi dan ala: Ang gol tang djiviya. An ni ndrang ma sunda d’igi ang na, d’igi b’oziyong suma djok vun Alona azi ki suma pet suma a ge yazi kä ad’u zla d’a kur mbaktum ndatid’a na. Ang kud’orî Alona hol.