Ezekiyel 12:2 - Bible azumeina

² Ang gor sana, ang nga ni kaka aduk andjaf ma bei hum vuna ma nga ki ira á gola ko ba nga mi we d’uo na, ma nga ki humba á humba ko ba nga mi hum mbuo na, kayam mam nandjaf ma bei hum vuna ba na!

Ezekiyel 12:2 Kruisverwysings

Marik 4:12

D’igi mbaktumba hAlonid’a ti de na ala: Á gola azi nga gola, wani azi nga wad’ud’a d’i; á humba azi nga huma, wani azi nga humut ad’ut tala azi hut gen Alona, Alona mi vat hurum mbei yam tcho mazid’a d’a d’i.

Jeremi 5:21

Agi suma lilid’a, agi suma bei wad’ud’a, agi humugiya. Agi nga ki ira, wani agi nga wagi d’i; agi nga ki humba, wani agi nga humugi d’uo mi.

Sawal la giled’a 78:40

Ni yazi ga ba, azi kak djangûna ki sed’em abagei hur fulâ ge? Ni yazi ga ba, azi b’lagam hurum abagei hur ful ma gangrasâ ge?

Efes-sâ 4:18

Djib’er mazid’a ti mbut nduvunda, azi wal lei dei kari d’a Alona mi hat mi sumid’a, yam vit mazid’a, yam hur mazi ma b’ala mi.

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

2 Korente-na 3:14

Wani Israel-lâ a b’al huruzi kiki. Gak ini ata yima a nga ndum kur mbaktumba hi vun ma djin ma adjeunina, baru d’a ka ira nga zlupa yam djib’er mazid’a, kayam ni Christ hol ba, mi hô baru d’a ka ir ndata woyo.

Jean 12:40

Alona mi duguzi iraziya, mi b’alazi huruzi mi, kayam azi we ki irazi d’i, azi wad’ud’a kuruzi d’uo mi tala azi mbut huruzi mi sud’uziya d’a.

Jeremi 5:23

Wani sum ndazina a ni suma yam mba ad’enga, ni suma bei hum vuna. Azi nga hulong tchuk tazi á i yi mazina.

Isai 65:2

An nga ni mat abon burâ ki burâ mandjaf suma bei hum vuna, ni suma a nga tit hur lovot mazi d’a tchod’a yam djib’er mazid’ina.

Isai 30:9

Kayam sum ndazina a ni suma bei hum vuna, a ni gro suma ka zlad’a, a ni gro suma a nga hum gata hi an Ma didinid’a d’uo na mi.

Isai 30:1

Ma didina mi dala: Ni zla d’a hohoud’a yam agi gro suma bei hum vuna ba na. Kayam agi nga lagi sunda yam nga hur ma tcholï nga atan nduo na, agi nga djinigi vunagi yam zla d’a bei an kua ba d’a á tok tchod’a yam ndrat tchod’a.

Wana ni Zla d’a Djivi d’a Luc mi b’irita 8:10

Mi dazi ala: Alona mi hagi ned’a á wäd’u zla d’a mudurid’a yam leud’a hAlonid’a, wani yam suma dingâ, an dazizi ni ki d’ogolâ, á gola azi gola, wani azi nga we d’i, á humba azi huma, wani azi nga humut ad’ut ti.

Ezekiyel 2:3

Ma didina mi dan ala: Ang gor sana, an nga ni sunung gen Israel-lâ andjaf ma bei hum vuna ma kak djangûna ki sed’en d’igi abuyozi ngolo na na. Azi nga le tchod’a gak ini.

Ezekiyel 44:6

Ang de mi Israel suma bei hum vunina ala: Salad’a Ma didina mi dala: Agi Israel-lâ, an ndak wa ki sun magi d’a ndjendje d’a agi lata.

Ezekiyel 24:3

Ang de zla d’a d’ogol la wanda mandjaf ma bei hum vunina, ang dazi ala: Salad’a Ma didina nga mi dagiya: Agi tinigi deina akua, agi vogi mbina kurumu,

Ezekiyel 17:12

Ang de mandjaf ma bei hum vuna ba na ala: Agi wagi nga ad’u zla ndata d’uo zu? Ang dazi ala: Gola! Amul ma Babilon-na mi i wa Jerusalem, mi ve wa amulâ ki mam suma nglona, mi i wa ki sed’ezi avo Babilon.

Ezekiyel 3:9

An mba ni mbud’ung yang ad’enga d’igi ahina diyamanda na, ad’enga kal ahina d’a ad’enga mi. Ar ang lazi mandarazi d’i, ar vunadigang pat avorozi d’uo mi, kayam azi nandjaf ma bei hum vuna ba na.

Gat ta a hat á mbàd’id’a 31:27

Kayam an we agi ni suma so vuna, agi ni suma yam mba ad’enga. Le agi nga sogi vun Ma didina kid’a an nga ki iran adigagi tua d’a ni, bugol mat mana, agi mba lagi tchod’a kal luo zu?

Gat ta a hat á mbàd’id’a 29:4

Wani gak ini Ma didina mi hagi nga muzuk ma wäd’u ahle ndazina d’oze ira á wed’a d’oze humba á humba d’i.

Gat ta a hat á mbàd’id’a 9:24

Dedeid’a an wagi d’a, agi ni suma bei hum vun Ma didina ba na.

Gat ta a hat á mbàd’id’a 9:7

Moise mi de kua ala: Agi djib’eregiya, agi maragi yam zal la agi zalagi hur Ma didina Alo magina abagei hur fulâ adjeud’a d’i. Tinï ad’ud’a kur bur ma agi buzugugï woi Ezipte-na dei gak mba magid’a ini ata yima wanid’a, agi ni suma so vun Ma didina.

Jeremi 4:17

Ma didina mi de kua ala: Gola! A ngui wa Jerusalem d’uhl d’igi suma a ngom asinenina na, kayam ndat ti humun nga vunan ndi.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Isai 43:8

Ar a buzugï ki suma a nga ki ira, wani a nga we d’uo na, ki suma a nga ki humba, wani a nga hum va d’uo na.

Ezekiyel 12:1

Ma didina mi dan ala:

Ezekiyel 12:25

Kayam an ni Ma didina, an nga ni de. Zla d’a an data mba d’i ndak vun sun mata bei lilinga ba. Agi andjaf ma bei hum vuna ba na, kur atchogoi magid’a an mba ni de zlad’a, an mba ni ndagat vunat mi. Ni an Salad’a Ma didina ba, ni de zla ndata.

Gat ta a hat á mbàd’id’a 29:3

Agi wagi ahle suma kuk suma nglona kahle suma simata kahle suma atchap suma nglona ki iragi mi.

2 Amuleina 17:14

Wani sum ndazina a nga hum vun ndi, a le yam mba ad’enga d’igi abuyozi ngolo suma a he nga gagazid’a yam Ma didina Alo mazina d’uo na na.

2 Amuleina 17:15

Azi ar gata hAlonid’a ki vun ma djin ma mam djinim kabuyozi ngolona ki ge hum mba mi gazi humazi kad’engid’a woyo. Azi i bugol ahle suma hawa ya’â, azi tazi a mbut tazi vama hawa ya’â mi. Azi tit bugol andjaf suma nguyuzi suma Ma didina mi dazi ala a tit blogozi d’uo na.

Isai 44:18

Sum ndazina a nga ki d’alâ á wad’ud’a d’i, a duguzi irazi woi tala a we d’a d’i, a b’alazi huruzi tala a wad’ud’a d’uo d’a mi.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.