Ester 9:29 - Bible azumeina

²⁹ Amula Ester Abisayil goromba ki Mardose ma Juif-fâ a b’ir mbaktum mba yazi á mbàd’a ki vun mazi ma hed’a yam mbaktum mba a b’irit yam bur ma Purim-mid’a tala ti ka’î zla d’a irata d’a.

Ester 9:29 Kruisverwysings

Ester 2:15

Kid’a Ester Abisayil ma Mardose abum wiyema gorom mba Mardose mi mbud’ut gorombid’a burut ndak á i avok amulîd’a, ti hal nga vama ding ngi; nahle suma Hege ma ngom aropma hamulîna mi hattchina hol. Ester ti le suma a nga golotna pet tazi djivid’a.

Ester 3:15

Suma sunda a buzuk a i ki vun ma hed’a hamulîna atogo zak, suma dingâ a tchi wal zla ndata kur azì ma Sus-sâ mi. Ata yima amulâ ki Haman a kak kä á tched’ina, suma kur azì ma ngol ma Sus-sâ djib’erezi b’lak ngola.

Ester 8:10

A b’irit ni ki simiyê amulâ Asuwerus, a tin tampong mama kat mi, a sunut ni kakulumei suma a djang heîna hamulîna.

Ester 9:20

Mardose mi b’ir ahle suma a le ndazina kur mbaktumba, mi sun mbaktum ndata mi Juif-fâ pet suma a nga kur leud’a hamulâ Asuwerus suma gogona ki suma dedeina mi.

Ester 9:21

Mi dazi ala: Agi lagi vun tilâ bizad’a ki bizad’a, kur bur ma dogo yam fid’ina gak bur ma dogo yam vahlâ hi til ma Adar-rîna.

Ester 9:28

A nga ngom bur ma vun til máma, kur atchogoi d’a lara ge pet, kur azina hi sama lara ge, kur azì ma ngol ma lara ge pet mi. Bur ma Purim-ma ni burâ hi Juif-fâ ma bei ara ba na, mi arî vama ge humba kazi kandjavazi gak didin.