Ester 9:21 - Bible azumeina

²¹ Mi dazi ala: Agi lagi vun tilâ bizad’a ki bizad’a, kur bur ma dogo yam fid’ina gak bur ma dogo yam vahlâ hi til ma Adar-rîna.

Ester 9:21 Kruisverwysings

Esdras 6:15

A dap gong nga minda ni kur bur ma hindina hi til ma a yum ala Adar-râ, kur biza d’a karagaya d’a amulâ Dariyus nga mi tamulid’a.

Ester 3:7

Kur til ma avok ma a yum ala Nisan-na, kur biza d’a dogo yam mbà d’a Asuwerus nga mi tamulid’a, a nde le pur-râ, nala, togina, avok Haman burâ ki burâ, gak mba mi nde kur til ma dogo yam mbà ma a yum ala Adar-râ.

Ester 9:17

A lahle ndazina ni kur bur ma dogo yam hindina, a tuk tazi kur bur ma dogo yam fid’ina, a le te ma furîd’a burâ sop.

Ester 9:18

Wani Juif suma a nga avo Sus-sâ, a tok tazi á tchi mazi suma djangûna kur bur ma dogo yam hindina gak bur ma dogo yam fid’ina, a tuk tazi kur bur ma dogo yam vahlâ, a le te ma luna, a le furîd’a burâ sop mi.

Ester 9:20

Mardose mi b’ir ahle suma a le ndazina kur mbaktumba, mi sun mbaktum ndata mi Juif-fâ pet suma a nga kur leud’a hamulâ Asuwerus suma gogona ki suma dedeina mi.

Ester 9:22

Kayam bur máma ni bur ma agi sagi atchugulugi ki magi suma djangûnina. Ni til ma hur ma wura magina mi mbut hur ma hapmina, yor ta magid’a ti mbut furîd’ina mi, ni bur ma agi lagi te ma luna á lagi furîd’ina. Nge nge pî adigagi mi sun ahlena mi ndrama, mi he he d’a hawad’a mi suma houd’a mi.

Ester 9:27

Juif-fâ a tin vun til ma bei ara ba na kaziya, yam andjavaziya, yam suma a zlap ki sed’ezina, á ngom bur ma mbà ma hi vun til mámina bizad’a ki bizad’a, ata bur ma a ngama d’igi Mardose mi b’irizizi kur mbaktumba na.

Ester 9:29

Amula Ester Abisayil goromba ki Mardose ma Juif-fâ a b’ir mbaktum mba yazi á mbàd’a ki vun mazi ma hed’a yam mbaktum mba a b’irit yam bur ma Purim-mid’a tala ti ka’î zla d’a irata d’a.