Ester 9:19 - Bible azumeina

¹⁹ Kayam ndata, Juif suma a nga kaka kel kur azì ma bei gulumuna kama, a nga le te ma luna, a nga le furîd’a, a nga he tazi ahlena hawa kur bur ma dogo yam fid’ina hi til ma Adar-râ bizad’a ki bizad’a.

Ester 9:19 Kruisverwysings

Ester 8:17

Kur ambas sa lara, kur azì ma ngol ma lara ma vun ma hed’a hamulîna ki gat mamba i kuana, Juif-fâ a le furîd’a, a le te ma ngolâ, a lü vun tilâ mi. Suma dingâ ablaud’a a mbut tazi Juif-fâ kayam mandarâ hi Juif-fîna mi vaziya.

Ester 9:20

Mardose mi b’ir ahle suma a le ndazina kur mbaktumba, mi sun mbaktum ndata mi Juif-fâ pet suma a nga kur leud’a hamulâ Asuwerus suma gogona ki suma dedeina mi.

Ester 9:22

Kayam bur máma ni bur ma agi sagi atchugulugi ki magi suma djangûnina. Ni til ma hur ma wura magina mi mbut hur ma hapmina, yor ta magid’a ti mbut furîd’ina mi, ni bur ma agi lagi te ma luna á lagi furîd’ina. Nge nge pî adigagi mi sun ahlena mi ndrama, mi he he d’a hawad’a mi suma houd’a mi.

Zakari 2:4

mi dum ala: Ang ring de mazong ma mi nga ki ziyona abom máma ala: Jerusalem mba d’i ka’î azì ma ngol ma bei gulumuna kam ba na, kayam d’uwarâ ki suma a mba kak kuruma a mba zul ablaud’a.

Wana ni Zla d’a Djivi d’a Luc mi b’irita 11:41

Ar agi hagi he d’a hawad’a ahlena ni ki hurugi pet mi suma hohoud’a. Hina wani, ahlena pet a mba mbut yed’et kagiya.

Gat ta a hat á mbàd’id’a 15:7

Le ma houd’a mi nga aduk b’oziyogina ki sed’egi kur ambas sa Ma didina Alo magina nga mi hagizid’a ni, agi b’alagi hurugi kiki djinigi abogi ad’enga á hum va d’uo d’a d’i.

Gat ta a hat á mbàd’id’a 16:11

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana.

Gat ta a hat á mbàd’id’a 16:14

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi-na kangeina ki ma hokuyod’a katcha d’a modonod’a suma a mba kak avo hatagina, agi lagi furîd’a kur vun til máma.

Gat ta a hat á mbàd’id’a 3:5

Azì ma nglo máma pet nazì ma ad’engâ, gulumun mama mi fuyogeid’a, vun agrek mama mi ni ki bapma mi. Azì mam ma gurei ma bei gulumunina nablaud’a mi.

Vama ndum mbeina 11:10

Suma yam andagad’ina a mba le furîd’a yam matna hi suma mbà ndazinina. A mba le furîd’a, a mba sun he d’a hawad’a aduk tazi kayam suma djok vun Alo suma mbà ndazina a le suma yam andagad’ina ndaka heî.

1 Samuel 25:8

Ang djop azungeî mangâ; azi mba dangû. Ar ang vazungeî mana atang ki djivid’a, kayam ami mbami ni kur bur ma djivina. An nga ni tchenengû, ang hazungeî mangâ ki gorongâ David vama nga abongâ.