Ester 9:18 - Bible azumeina

¹⁸ Wani Juif suma a nga avo Sus-sâ, a tok tazi á tchi mazi suma djangûna kur bur ma dogo yam hindina gak bur ma dogo yam fid’ina, a tuk tazi kur bur ma dogo yam vahlâ, a le te ma luna, a le furîd’a burâ sop mi.

Ester 9:18 Kruisverwysings

Ester 8:11

Amulâ mi he vuna kur mbaktum ndata mi Juif suma a nga kaka kur azì ma ngol ma lara ge petna ala a tok tazi ata yima tuna, a dur yam taziya, a dap suma d’oze a b’lak suma d’oze a tchi suma kur ambas sa lara ge pet suma a mba yo ahle suma sïna abozi á duruzina zlapa ki grozina kamiyôzina, a hurumuzi ahligiyezi mi.

Ester 9:1

Bur ma dogo yam hindina hi til ma dogo yam mbà ma a yum ala Adar-rîna mi ndaga. Ni bur mala a de woi yam vun ma hed’a hamulâ na, ni bur ma suma djangûna hi Juif-fîna a tin huruzi ala a te kaziya na, wani zla ndata ti hulongî kazi azi go. Kur bur máma Juif-fâ a kus kaziya.

Ester 9:11

Kur bur máma tamba ablau suma a tchazi kur azì ma ngol ma Sus-sâ, a mba dazi zlazi mamulâ.

Ester 9:13

Ester ti dum ala: Amulâ, le ang mina ni, ang he vuna mi Juif suma avo Sus-sâ a tchi suma ndjivin d’igi a tchazi ini na, a gap Haman grom suma dogo suma a tchazina akulo ata aguna mi.

Ester 9:15

Juif suma avo Sus-sâ a tok tazi kur bur ma dogo yam fid’ina hi til ma Adar mámina, a tchi suma kua kikis hindi, wani a hurumuzi nga ahligiyezi d’i.

Ester 9:2

Kur azì ma ngol ma lara ma amulâ Asuwerus mi te kama, Juif-fâ a tok tazi kur azì ma azi nga kaka kuana, a nde suma a ndjak vunazi kazi á tchid’ina durâ. Sama tchol avorozi nga d’i, kayam mandarazi vazi pet.

Ester 9:21

Mi dazi ala: Agi lagi vun tilâ bizad’a ki bizad’a, kur bur ma dogo yam fid’ina gak bur ma dogo yam vahlâ hi til ma Adar-rîna.