Ester 8:3 - Bible azumeina

³ Ester ti hulong de zlad’a mamulâ, ti ge tat kä avoromu, nga d’i tchi ki simina irat ala mi wat hohowot mi d’el murud’umba hi Haman ma Aga’îd’a ki nga hur mam ma mi ngam yam Juif-fâ á tchid’ina mi.

Ester 8:3 Kruisverwysings

2 Amuleina 4:27

Kid’a ti mba gen Elise yam ahinad’id’a, ti ge tat kä avoromu, ti vum asemu. Wani Gehazi mi min zud’ut teyo. Elise mi dum ala: Ang arat hina djang, kayam me ti nga ki hur ma hata ngola. An ni vita yam zla ndata, kayam Ma didina mi tagandji nga d’i.

Ester 3:1

Bugol ahle ndazina, amulâ Asuwerus mi tin Haman Hamedata ma Aga’â goroma ngola yam mam suma nglo suma kal tegles suma a nga le sunda zlapa ki sed’ema.

Ester 7:4

Kayam ami ki sum mana a guzumi ni woi á b’lagami á tchami woyo, á lud’ud’umi woi mi. Le a guzumi woi ná mbud’umi magumeina go ni, an mba ni de zla d’i. Wani ma djangû mamina mba mi fe lovota á wuragang yam b’lak mamid’a d’i.

Ester 8:2

Ata yi máma amulâ mi pat ngangam ma abom ma mi hlum abo Haman-na, mi hum mi Mardose. Ata yi máma na wat Ester ti tin Mardose yam azina hi Haman-na.

Ester 8:4

Amulâ mi mat totogo mam mba lora mi Ester. Ester ti tchol akulo, ti tchol avoromu.

Isai 38:2

Ata yi máma Ezekiyas mi mbut tcha iram sä gumun gonga, mi tchen Ma didina ala:

Wana ni mbaktumba hi Oze-d’a 12:4

Jakob mi veï dodogasem wiyema ni kur asum dei. Ata yima mi djeng sanina, mi ndjiget kAlona.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

1 Samuel 25:24

Ti ge tat kä asemu, ti dum ala: Salana, tchod’a ni manda. Ang aran an wei manga ni dang zlad’a, ang hum zlad’a hi an wei mangid’a.