Ester 8:17 - Bible azumeina

¹⁷ Kur ambas sa lara, kur azì ma ngol ma lara ma vun ma hed’a hamulîna ki gat mamba i kuana, Juif-fâ a le furîd’a, a le te ma ngolâ, a lü vun tilâ mi. Suma dingâ ablaud’a a mbut tazi Juif-fâ kayam mandarâ hi Juif-fîna mi vaziya.

Ester 8:17 Kruisverwysings

Ad’u Tinda 35:5

Azi tchol iya; mandarâ hAlonina mi ve suma kur azì ma nguyuzina; sama i bugol Jakob ki groma nga d’i.

Nehemi 8:10

Esdras mi dazi ala: Agi mud’ugi hliu ma mbulâ, agi tchagi süm ma ab’lengâ, agi i sunugi hliuna mi suma a nga ki va d’uo na, kayam bur ma inina ni bur ma a tinim iram vam yam Salad’ina. Agi yorogi tagi d’i, kayam furîd’a hi Ma didinid’a mba d’i mbut nad’eng magid’a.

Ester 9:17

A lahle ndazina ni kur bur ma dogo yam hindina, a tuk tazi kur bur ma dogo yam fid’ina, a le te ma furîd’a burâ sop.

Ester 9:19

Kayam ndata, Juif suma a nga kaka kel kur azì ma bei gulumuna kama, a nga le te ma luna, a nga le furîd’a, a nga he tazi ahlena hawa kur bur ma dogo yam fid’ina hi til ma Adar-râ bizad’a ki bizad’a.

Ester 9:2

Kur azì ma ngol ma lara ma amulâ Asuwerus mi te kama, Juif-fâ a tok tazi kur azì ma azi nga kaka kuana, a nde suma a ndjak vunazi kazi á tchid’ina durâ. Sama tchol avorozi nga d’i, kayam mandarazi vazi pet.

Ester 9:22

Kayam bur máma ni bur ma agi sagi atchugulugi ki magi suma djangûnina. Ni til ma hur ma wura magina mi mbut hur ma hapmina, yor ta magid’a ti mbut furîd’ina mi, ni bur ma agi lagi te ma luna á lagi furîd’ina. Nge nge pî adigagi mi sun ahlena mi ndrama, mi he he d’a hawad’a mi suma houd’a mi.

Ester 9:27

Juif-fâ a tin vun til ma bei ara ba na kaziya, yam andjavaziya, yam suma a zlap ki sed’ezina, á ngom bur ma mbà ma hi vun til mámina bizad’a ki bizad’a, ata bur ma a ngama d’igi Mardose mi b’irizizi kur mbaktumba na.

Ester 9:3

Suma nglo suma yam andagad’ina ki suma nglona hamulîna ki suma te yamba ki suma a nga le sunda avo hamulîna, a ndjun ad’u Juif-fâ, kayam mandara Mardose mi vaziya.

Sawal la giled’a 105:38

Ezipte-na a le furîd’a yam buzuk mazid’a, kayam mandar ma azi lum yam Israel-lîna mi vaziya.

Sawal la giled’a 18:43

An mba ni lud’ud’uziya, azi mba mbut d’igi guguma na, simetna mba mi sirizi woyo; an mba ni mired’ezi kä d’igi suma a miret lubu ma kur lovotina kä na.

Buzuk ka Abud’a 15:16

Vunadigazi mba d’i pat fek, mandarâ mba mi lazi ngola. Yam ad’eng mang nga ang tagat teid’a, azi mba ngel lei d’igi ahinad’a na gak sum mangâ a mba kal tua, gak suma ang prud’uzi woina a kal tua mi.

Gat ta a hat á mbàd’id’a 11:25

Sama mba mi tchol avorogina mi nga d’i. Kur ambas sa lara d’a agi mba igi kuad’a, Ma didina Alo magina mba mi mbut suma mandarâ, a mba zlak avorogi d’igi mam tam de na mi.

Gat ta a hat á mbàd’id’a 2:25

Ini an nga ni mbut suma yam andagad’ina mandarâ avorogiya; a mba zlak avorogi mi. Ata yima a mba humugi simiyêgi ma nde yinina, a mba zlak avorogiya, a mba tcha tata mi.

Josue 2:11

Ata yima ami humumi zla ndatina, ad’engêmi nga d’uo d’a. Nge nge pî hurum ka mbina avorogiya, kayam Ma didina Alo magina nAlo ma sä kur akulod’ina ni Ma yam andagad’a ka hina mi.

Josue 2:9

ti dazi ala: An wala Ma didina mi hagiya wa ambas sa wanda abogiya; mandaragi mi vamiya wa batei. Suma kur ambas sa wandina pet a tchuk wa susub’ok abogiya.

1 Samuel 25:8

Ang djop azungeî mangâ; azi mba dangû. Ar ang vazungeî mana atang ki djivid’a, kayam ami mbami ni kur bur ma djivina. An nga ni tchenengû, ang hazungeî mangâ ki gorongâ David vama nga abongâ.