Ester 8:15 - Bible azumeina

¹⁵ Mardose mi nde woi kur azì ma amula ki baru d’a ndal la botlozid’a ki d’a hapa atamu, baru d’a ngol la luluî d’a hleud’a atam kavaval la ngol la lora nga kulupa kam mi. Suma kur azì ma ngol ma Sus-sâ a nga le furîd’a.

Ester 8:15 Kruisverwysings

Ad’u Tinda 41:42

Faron mi pat ngangam ma amul ma aboma, mi nigim abo Josef, mi tchugum baru d’a djif fa luluîd’a atamu, mi tchugum vayîr ma lora kelem mi.

Ester 1:6

Mi djin baru ma hapma ki ma botlozina ndala bibiling ki ziyo ma hleuna akulo ata b’alang ma kawei ma hapma, ata ahina d’a ad’eng nga a yat ala marbre d’a a minit d’igi graka na d’a. Azang ma te te ma luna kam ma a lum ki lorina ki ma a lum ki kawei ma hapmina a nga tinda kä hur atrang nga a minit kahina d’a ad’eng nga djivit kal tegles sa d’udjod’a tetenga.

Ester 10:2

Zla d’a ngad’a yam sib’ik mamba ki sun mam mba mi lata ki tin nda mi tin Mardose ngolid’a pet, a b’irizi nga kä kur mbaktum mba de zlad’a yam sunda hamulei suma Mede-na kamulei suma Perse-nid’a mi.

Ester 3:15

Suma sunda a buzuk a i ki vun ma hed’a hamulîna atogo zak, suma dingâ a tchi wal zla ndata kur azì ma Sus-sâ mi. Ata yima amulâ ki Haman a kak kä á tched’ina, suma kur azì ma ngol ma Sus-sâ djib’erezi b’lak ngola.

Ester 5:1

Kid’a bur ma hindina ndaka, Ester ti tchuk baru mat ma amula atad’u, ti kal krovo avok amulâ kur azì mam ma amula avun gong mamba. Amulâ mi nga kaka kur aziyam ma amula yam zlam mam mba ngagad’a yam avun agrek ma kala.

Ester 5:11

Haman nga mi dazi zlad’a yam ndjondjoî mam mba kal papad’a, yam ablaud’a hi gromid’a, yam ahle suma amulâ mi tinim ki ngolina, yam tin nda mi tinim yam amulei mama kazungeî mama peta mi.

Ester 6:11

Haman mi yoï baruna, mi veï akuluma, mi tin Mardose kamu, nga mi tit ki sed’em hur azì ma ngolâ, nga mi er ad’um avorom akulo ala: Amulâ mi le ki sama mam min á hum ngolina ni nä.

Ester 6:8

A yo ni baru ma amul ma amulâ mi tchugum atama, a vakulum ma amulâ ful kama, a hle avaval la amul la amulâ mi kulubut kamba.

Ester 8:14

Suma sunda a ful yam akulumei suma a djang heîna hamulîna, a i ki vun ma hed’a hamulîna atogo zazak, a tchum walam mbei kur azì ma ngol ma Sus-sâ mi.

Zla d’a d’ogolâ 11:10

Ata yima suma d’ingêrâ a nga ki furîd’ina, suma hur azì ma ngolîna a le furîd’a mi; ata yima suma asa’atna a bona, suma hur azina a nga aî mi.

Zla d’a d’ogolâ 28:12

Ata yima suma d’ingêrâ a kusâ, suma a fe djivid’a pet, wani ata yima suma asa’atna a kusâ, nge nge pî, mi halî yima ngeid’a.

Zla d’a d’ogolâ 29:2

Ata yima suma d’ingêrâ a zulâ, suma a kak ki furîd’a; ata yima sama asa’atna mi te yambina, suma a zamî taziya.

Matiye 11:8

Wani agi i gologi ni me ge? Sama tchuk baru d’a djif fa luluîd’ina zu? Wani suma a nga tchuk baru d’a djif fa luluîd’ina ni suma a nga avo hamuleina.

Matiye 6:29

Wani an nga ni dagiya, Salomon kur subur mamba pet pî, mi tchuk nga baru ma djif ma d’igi b’o mata na na d’i.

Wana ni Zla d’a Djivi d’a Luc mi b’irita 16:19

Adjeu sama ndjondjoîna mi nga. Nga mi tchuk baru d’a hleud’a ki baru d’a hap pa guzut kal teglesa atamu. Burâ ki burâ mi nga kaka ki furîd’a ki tena.