Ester 7:9 - Bible azumeina

⁹ Ma dingâ tu aduk azungeîna a yum ala Harbona mi de mamulâ ala: Gola! Haman mi min nga aguna fiyagam mba akulod’a metred’a dok mbà yam vahl yam Mardose ma mi de zla manga djivid’ina. Amulâ mi dazi ala: A tchugum ziyona kelem akulo ata agu máma!

Ester 7:9 Kruisverwysings

2 Amuleina 9:32

Jehu mi bong iram akulo ata fenetred’a, mi dala: Ni nge mi min i ad’un nge? Ni nge ge? Suma mbà d’oze hindi suma nga gol azina hamulîna a nga hiled’ï ir fenetred’a.

Ester 1:10

Kur bur ma kid’iziyana amulâ tam mbi lum djivid’a yam süm guguzlu d’a mi tchata, mi yi azungeî mam suma kid’iziya suma a ngom aropmina, nala, Mehuman, Bista, Harbona, Bikta, Abakta, Zetar ki Karkas mi.

Ester 5:14

Ata yi máma amamba Zeres ki buniyôma pet a dum ala: Ang min aguna fiyagam mba akulod’a metred’a dok mbà yam vahl. Ndjivin yorogo ang djop amulâ kayambala ang gap Mardose akulo kua d’a. Hina wani, ang mba i ata yima te ma luna kamulâ ki furîd’a. Zla ndata le Haman tam djivid’a, mi min aguna mi.

Ester 6:14

Ata yima azi nga dum zlad’a tua na, azungeîna hamulîna a mba á i ki sed’em atogo zak ata yima te ma lü ma Ester ti luma.

Ester 6:2

A fe b’ira kä ala ni Mardose ba, mi de woi yam Biktan ki Teres azungeîna hamulâ suma a nga ngom vun aziyam suma a ndjak vunazi á tchum mbeina.

Ester 8:7

Amulâ Asuwerus mi de mi Ester azi ki Mardose ma Juif-fâ ala: Gola! An he wa azina hi Haman-na mi Ester, mam tamba a gabam wa akulo ata aguna, kayamba mi kak djangûna ki Juif-fîd’a.

Ester 9:14

Amulâ mi he vuna ala ar a le hina. A tchi wal zla ndata kur azì ma Sus-sâ, a gap Haman grom suma dogo ndazina akulo mi.

Ester 9:25

Wani ata yima Ester ti tchol avok amulîna, amulâ mi he vuna kur mbaktumba ala: Ar tcho d’a Haman mi ngat kurum á lat mi Juif-fîd’a ti hulong kamu, a gabam akulo ata aguna, mam ki groma mi.

Sawal la giled’a 141:10

Ar suma asa’atna a ve kabei mazid’a. Ata yi máma ar an sut tei mi.

Sawal la giled’a 35:8

Ar b’laka ti mba kazi dumuzi, ar azi ve kabei d’a azi tazi gunut kä d’a, ar azi puk kä kur zul la azi djugud’ota, a ba woyo.

Sawal la giled’a 73:19

Gola! Atogo hina zak a b’lak keyo, a dap pei abo mandar ma ngolâ.

Daniel 6:24

Bugola, amulâ mi he vuna ala a mbeï ki suma a tchuk zlad’a yam Daniel-lâ, a tchuguzi kur zula hazlonid’a kamiyôzina ki grozina. Azlona mi kizagazi asogozi bei a tcha kä ad’u zula ba.

Daniel 6:7

Suma nglo suma te yamba kur leud’ina, suma ngom ahlena, satrap-ma, suma de d’alâ ki suma te yamba a ndjak vunazi ala djivid’a ang amulâ ang tchi wala yam gat ta amula, ang de woi kat ala: Ni gat ta ad’enga kur bur ma dok hindina. Le sama lara ma mi tchen va ata alona d’oze ata sama dingâ bei mi tcheneng ang amulâ ni, a mba ge sa máma kur zula hazlonid’a.

1 Samuel 17:51

David mi ring mi mba, mi tchol kä yam Goliyat, mi pat mbigeu d’a fiyaka hi Goliyat-ta kur aziyad’u, mi tchumu, mi ngad’am yam mbeyo. Ata yima Filistê-na a we grang mazina a tchuma, a wet ringâ.