Ester 7:10 - Bible azumeina

¹⁰ A gap Haman akulo ata agu ma mi minim yam Mardose-na. Ata yi máma amulâ hurum b’lengâ.

Ester 7:10 Kruisverwysings

Ad’u Tinda 40:22

wani mi gap ma ngolâ hi suma a lum avungônina akulo d’igi Josef mi dazi na mi.

Ester 2:1

Bugol ahle ndazina, kid’a amulâ Asuwerus hurum b’leng dad’a, mi djib’er yam Vasti kahle suma ti lazina ki gat ta mam tinit yam zla matid’a.

Ester 5:14

Ata yi máma amamba Zeres ki buniyôma pet a dum ala: Ang min aguna fiyagam mba akulod’a metred’a dok mbà yam vahl. Ndjivin yorogo ang djop amulâ kayambala ang gap Mardose akulo kua d’a. Hina wani, ang mba i ata yima te ma luna kamulâ ki furîd’a. Zla ndata le Haman tam djivid’a, mi min aguna mi.

Ester 7:7

Amulâ mi tchol akulo avun te ma luna kayîna, mi i kur asine mam ma amula. Haman ar tchola gen Ester á tchenet hur ma vata yam tchi mamba, kayam mam wala amulâ nga wa hurum kam á tchid’a da’.

Ester 7:8

Kid’a amulâ mi tcholï kur asine mam ma amula mi mba kur gong nga tenid’a, mi we Haman mi pe nga yam kä ata azang ma Ester nga denga kama. Ata yi máma amulâ mi dala: Ni me na ge? Mi min mi le ni vama tcho kamula Ester avoron ka hî avo hatan ndju? Kid’a amulâ mi mal vunam á de zla ndata hina d’a, ata yi máma hina wat a ve Haman, a d’ud’um iram mbei ki barud’a.

Ester 8:7

Amulâ Asuwerus mi de mi Ester azi ki Mardose ma Juif-fâ ala: Gola! An he wa azina hi Haman-na mi Ester, mam tamba a gabam wa akulo ata aguna, kayamba mi kak djangûna ki Juif-fîd’a.

Ester 9:14

Amulâ mi he vuna ala ar a le hina. A tchi wal zla ndata kur azì ma Sus-sâ, a gap Haman grom suma dogo ndazina akulo mi.

Ester 9:25

Wani ata yima Ester ti tchol avok amulîna, amulâ mi he vuna kur mbaktumba ala: Ar tcho d’a Haman mi ngat kurum á lat mi Juif-fîd’a ti hulong kamu, a gabam akulo ata aguna, mam ki groma mi.

Wana ni mbaktumba hi Job-pa 18:8

Kayam asem nga mi im kur abei d’a nga gunda kä d’a, nga mi i á ve kabei ndata.

Wana ni mbaktumba hi Job-pa 20:8

Mam mba mi pir d’igi adï d’a ded’a na, a mba fum bugol luo d’a, a mba digim d’igi vama nde tam irang andjegena na.

Sawal la giled’a 37:15

Wani mbigeu mazi d’a fiyaka mba d’i tchogozi ni azi tazid’a, yeû mazid’a mba d’i kus sei mi.

Sawal la giled’a 7:16

Mi djugot zula kä yiyik, wani mi nde kur zul la mam tam mi djugud’ot kabomba.

Sawal la giled’a 94:23

Mam mba mi hulongôzi tcho mazid’a kaziya, mam mba mi b’lagazi woi yam zla mazi d’a asa’at ta azi lata. Ma didina Alo meina mba mi dabazi woi ki irazi fafat.

Zla d’a d’ogolâ 11:27

Sama nga mi hal djivid’ina, mba mi fe ni djivid’a, wani sama nga mi hal tchod’ina, mba mi fe ni tchod’a mi.

Zla d’a d’ogolâ 11:8

Sama d’ingêrâ mba mi prut tei kur ndaka, wani sama asa’atna mi vrak blangâmu.

Zla d’a d’ogolâ 26:27

Sama mi djugot zula kä avok ndramina, mam tam mba mi nde kuru; sama nga mi ligat ahinad’ina, mba d’i hulongî sulogota kä kamu.

Jeremi 34:17

Ni kayam ndata ba, Ma didina mi de kua ala: Agi humun nga vunan á tchi wala ala ar nge nge pî mi ge wiyema d’oze mi ge ndrama akulo d’a d’i. Gola! An Ma didina an nga ni tchi wala kagi á tchugugi ayî ma durâ ki tugud’ei d’a tcho d’a tchi matna ki baktarad’a akulo kagiya. An mba ni mbud’ugi vama atchapma ir suma a nga kur leu d’a yam andagad’ina pet.

Ezekiyel 5:13

An mba ni ndak vun ayî mana, an mba ni zal hurun kagi gak ni sä atchugulun ki sed’egiya. Hina agi mba wagi ala ni an Ma didina ba, ni dagi zlad’a kur hur man ma zala, gak ni ngobogi ki wana.

Daniel 6:24

Bugola, amulâ mi he vuna ala a mbeï ki suma a tchuk zlad’a yam Daniel-lâ, a tchuguzi kur zula hazlonid’a kamiyôzina ki grozina. Azlona mi kizagazi asogozi bei a tcha kä ad’u zula ba.

Daniel 6:25

Bugol ahle ndazina, amulâ Dariyus mi b’ir mbaktumba mandjaf suma pet, mi suma ad’u vun ma ded’a tetengâ pet, mi suma a nga kaka yam andagad’ina pet ala: Ar agi kagagi ki halasa ngola!

Zakari 6:8

Malaikana mi yanu, mi dan ala: Suma a i irazi abo ma yam ambas sa abo ma norîd’a, a i tin nayî mana yam suma kur ambas sa abo ma norîd’a.

Suma ka sariyad’a 15:7

Samson mi dazi ala: Kayamba agi lagi hina d’a, an mba ni ar bei sä atchugulun ki sed’egi d’i.