Ester 6:12 - Bible azumeina

¹² Bugola, Mardose mi hulong avun azina hamulîna, Haman mi i avo hatam atogo zak ki zulona ki barud’a zlupa kam mi.

Ester 6:12 Kruisverwysings

2 Samuel 15:30

David mi hle lovot ta yam ahina d’a Olif-fa, mi zlup barud’a kamu, nga mi tchiya, nga mi tit bei atuguruna asemu. Suma pet suma a nga ki sed’ema a zlup barud’a kaziya, a nga tchi mi.

2 Samuel 17:23

Ata yima Ahitofel mi we d’ala a ve nga d’al mama d’uo d’a, mi nga yam koro mama, mi i avo hatamu, mi de vunam mi sum mama, mi tchuk ziyona kelem mi tchi tamu. A tozom kur zula habumba.

1 Amuleina 20:43

Amul ma Israel-lâ mi hulong avo hatam kur Samari, tam tchuk lus, hurum zal mi.

1 Amuleina 21:4

Ahap mi hulong avo hatamu, tam tchuk lus, hurum zal mi, kayam Nabot mi dum ala: An ndak á hang asine ma guguzlu ma abuyomi ngolo a hamizi djonina d’i. Ahap mi kal klavi mi bur kä yam azang mama, mi mbuttcha iram gumun gongâ, mi min te tena d’i.

1 Amuleina 21:6

Mi dat ala: An de mi Nabot ma Jisreyel-lâ ala mi han asine mam ma guguzlud’a, an hum beged’a kamu, d’oze le mi mina ni, an hum asine ma dingâ. Wani mi dan ala: An hangzi d’i!

2 Sunda Hamuleinid’a 26:20

Ma ngol ma ngat buzuna Azariya zlapa ki suma ngat buzu suma dingâ pet, a mbut irazi a golomu, a we libina mi buzuk kei avoromu. Azi zud’um mbei abu atogo zak; mam tamba pî, mi b’at tam á nde woi abua, kayam Ma didina mi tumumu.

Ester 2:19

Ata yima a tok yugunei ndazina yazi á mbàd’ina, Mardose mi nga kaka kä avun agre’â hamulîna.

Ester 6:11

Haman mi yoï baruna, mi veï akuluma, mi tin Mardose kamu, nga mi tit ki sed’em hur azì ma ngolâ, nga mi er ad’um avorom akulo ala: Amulâ mi le ki sama mam min á hum ngolina ni nä.

Ester 7:8

Kid’a amulâ mi tcholï kur asine mam ma amula mi mba kur gong nga tenid’a, mi we Haman mi pe nga yam kä ata azang ma Ester nga denga kama. Ata yi máma amulâ mi dala: Ni me na ge? Mi min mi le ni vama tcho kamula Ester avoron ka hî avo hatan ndju? Kid’a amulâ mi mal vunam á de zla ndata hina d’a, ata yi máma hina wat a ve Haman, a d’ud’um iram mbei ki barud’a.

Wana ni mbaktumba hi Job-pa 20:5

suma asa’atna a hle sawal la bangâna ni gid’enga hina ngiyeû go, furîd’a hi sama nga mi kud’or Alona d’uo na ni gid’enga hina getib’engû d’a d’uo zu?

Wana ni mbaktumba hi Job-pa 9:24

Mi handagad’a abo suma asa’atna, mi duk ir suma ka sariyad’a woyo! Le ni mam mbuo ni, ni nge ge?

1 Samuel 3:15

Samuel mi ar burâ kä gak yina fo, mi mal vun gong nga kud’ora hi Ma didinid’a woyo, mi nga mi le mandarâ á de zla d’a Ma didina mi dumzid’a mi Eli.