Ester 5:9 - Bible azumeina

⁹ Kid’a Haman mi nde woi ata yima te ma luna kur bur mámid’a, mi nga mi le furîd’a ki hur ma hapma. Wani ata yima mi we Mardose mi nga kaka kä avun azina hamulîna bei mi tchol akulo, bei mi hut tam mbei avorom ba mi d’a, hurum zal kam ngola.

Ester 5:9 Kruisverwysings

1 Amuleina 21:4

Ahap mi hulong avo hatamu, tam tchuk lus, hurum zal mi, kayam Nabot mi dum ala: An ndak á hang asine ma guguzlu ma abuyomi ngolo a hamizi djonina d’i. Ahap mi kal klavi mi bur kä yam azang mama, mi mbuttcha iram gumun gongâ, mi min te tena d’i.

1 Amuleina 21:6

Mi dat ala: An de mi Nabot ma Jisreyel-lâ ala mi han asine mam ma guguzlud’a, an hum beged’a kamu, d’oze le mi mina ni, an hum asine ma dingâ. Wani mi dan ala: An hangzi d’i!

Ester 2:19

Ata yima a tok yugunei ndazina yazi á mbàd’ina, Mardose mi nga kaka kä avun agre’â hamulîna.

Ester 3:2

Suma a nga le sunda avo hamulîna pet, a nga grif kä avok Haman á kud’uromu, kayam amulâ mi he vuna kam hina. Wani Mardose nga mi grif kä avorom mboze mi kud’urom mbuo mi.

Ester 3:5

Ata yima Haman mi wala Mardose nga mi grif kä avorom á kud’urom mbuo na, mi mbut ayîna.

Ester 5:13

Hina pet pî, ata yima an nga ni we Mardose ma Juif-fâ mi nga kaka kä avun azina hamulîna, an golozi ni va iran ndi.

Wana ni mbaktumba hi Job-pa 20:5

suma asa’atna a hle sawal la bangâna ni gid’enga hina ngiyeû go, furîd’a hi sama nga mi kud’or Alona d’uo na ni gid’enga hina getib’engû d’a d’uo zu?

Wana ni mbaktumba hi Job-pa 31:31

Suma avo hatana a de nga ala: Ni nge ba, mam hobom nga ki hliu mama d’uo ge d’uo zu?

Sawal la giled’a 15:4

Ni sama nga mi noî sama Alona mi golom isâ woina, wani mi suburî suma a nga le mandara Alonina. Vama mam gun tam kama, le mba ni vama tchona kam pî, nga mi tin vunam kam mbi.

Sawal la giled’a 27:3

Le b’ranga ndjar á dur ki sed’en pî, an mba ni le mandar ri; le azi tchol á dur ayîna ki sed’en pî, vunadigan mba d’i tumun nduo mi.

Daniel 3:13

Ata yi máma Nebukanezar hurum zala, mi mbut ayîna dadalau, mi he vuna ala a mbamï Sadrak, Mesak ki Aben-Nego. A mbazi avorom mi.

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Matiye 2:16

Ata yima Herot mi wala suma ned’a a lobomî loba na, hurum zal ngola. Mi tchuk sunda á tchi gro andjof suma Betelehem-ma ki suma kur ambas sa nguyuta pet suma bizazi mbàmbàna ki suma bizazi ndak nga mbàmbà d’uo na woyo, ndak yam bur ma suma ned’a a dum yam tchitchiud’ina.

Wana ni Zla d’a Djivi d’a Luc mi b’irita 6:25

Ni zla d’a hohoud’a kagi agi suma hobogi ki tchetchembina, kayam meid’a mba d’i tchagiya. Ni zla d’a hohoud’a kagi agi suma nga sanagi ki tchetchembina, kayam agi mba yorogi tagi ki tchina.

Jean 16:20

Gagazi, an nga ni dagiya, agi mba tchigi tchi ma hohoud’a, wani suma kur duniyad’ina a mba le furîd’a. Agi mba kagagi ki hur ma wurana, wani hur ma wura magina mba mi mbut hur ma hapma.

Sunda hi suma a sunuzinid’a 7:54

Kid’a suma b’ak zlad’a a hum zla ndatid’a, huruzi zal ngola, a mut siyazi atamu.

Jacques 4:9

Agi mbud’ugi tagi hohoud’a, agi tchigiya, agi yorogi tagiya, agi mbud’ugi san magid’a tchina, ar agi mbud’ugi furî magid’a yor tad’a mi.