Ester 5:1 - Bible azumeina

¹ Kid’a bur ma hindina ndaka, Ester ti tchuk baru mat ma amula atad’u, ti kal krovo avok amulâ kur azì mam ma amula avun gong mamba. Amulâ mi nga kaka kur aziyam ma amula yam zlam mam mba ngagad’a yam avun agrek ma kala.

Ester 5:1 Kruisverwysings

Ester 1:11

Mi dazi ala a mbei kamula Vasti avorom kavaval la amula kat á tak djif matna woi avok suma ki suma nglo suma a kal yam ndrozina nde na, kayam ti djif heî.

Ester 2:5

Ma Juif-fâ nga kur azì ma ngol ma Sus-sâ, a yum ala Mardose. Mam mi Jayir goroma, Jayir ni Simei goroma, ni ma Kis gorom ngolonina; azi nad’u andjafâ hi Benjamin-na.

Ester 4:11

Azungeîna hamulîna pet ki suma kur ambas mambina pet a wala gata nga yam nge nge pî, mandjufâ d’oze atchad’a, ma kal krovo avok amulâ bei yum ba na, a tchumî woyo. Gat ndata ni yam suma pet; ma aram bei tchid’ina ni ma amulâ mad’am yam totogo mam mba lorina hol. Wani an le kä ni tilâ sop bei yan krovo avok amulâ ba.

Ester 4:16

Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu!

Ester 4:17

Mardose mi ge tam mi i á lahlena pet suma Ester ti hum vuna kazina.

Ester 6:4

Ata yi máma amulâ mi dazi ala: Ni nge ba, mi nga hur azina ge? Wani Haman mi mbeï nga hur azina abu teu á djop amulâ yam Mardose á gabam akulo ata agu ma mam minim kama.

Ester 8:15

Mardose mi nde woi kur azì ma amula ki baru d’a ndal la botlozid’a ki d’a hapa atamu, baru d’a ngol la luluî d’a hleud’a atam kavaval la ngol la lora nga kulupa kam mi. Suma kur azì ma ngol ma Sus-sâ a nga le furîd’a.

Matiye 10:16

Jesus mi dazi kua ala: Gola! An sunugi ni d’igi tumiyôna na aduk ngûna. Agi kagagi ki ned’a d’igi guguyona na, agi kagagi kukud’uk d’igi gugud’a na mi.

Matiye 11:8

Wani agi i gologi ni me ge? Sama tchuk baru d’a djif fa luluîd’ina zu? Wani suma a nga tchuk baru d’a djif fa luluîd’ina ni suma a nga avo hamuleina.

Matiye 27:64

Kayam ndata, ang he vuna á ngom asud’a ped’et gak burâ hindi, kayam mam suma hata a mba kulum mad’am kul ba, a de mi suma ala: Mi tchol wa akulo aduk suma matna d’a d’i. Le hina d’uo ni, zla d’a ka d’a bugola mba d’i kal la avoka.

Wana ni Zla d’a Djivi d’a Luc mi b’irita 22:30

kayam agi tagi agi tchagi ki sed’en kur leu manda. Agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.