Ester 4:8 - Bible azumeina

⁸ Mi hum mbaktum mba a b’irit ki vun ma hed’a hamulâ ki gat mam mba a tchat walat tei kur azì ma ngol ma Sus-sâ ala: A tchi Juif-fâ woyo d’a. Mi dum kua ala: Ang i tak mbaktum ndata mi Ester. Mi vum ad’u zlad’a, mi dum kua ala: Ang i dat ala ti i gen amulâ, ti tchenem yam sum matna, mi wazi hohowoziya.

Ester 4:8 Kruisverwysings

Ester 2:20

Ester ti tak nga andjavat toze sum matna woi d’uo gak d’igi Mardose mi hat vuna na. Ester nga d’i ge yat kä ad’u vun ma hed’a hi Mardose-na d’igi ata yima ndat nga abom dei na na.

Ester 4:9

Hatak mi i de Ester zlad’a hi Mardose-d’a.

Ester 8:6

Ni nana ba, an mba ni we ndak ka mba d’i mba yam sum manid’a ge? Ni nana ba, an mba ni we tchi d’a a mba tchan andjavanda ki iran nge?

Wana ni mbaktumba hi Job-pa 9:15

Le an mbut ni ma d’ingêrâ pî, an ndak á hulongôm zla d’a ded’a d’i. An mba ni tchen ni man ma ka sariyad’a ba, mi wan hohowonu.

Sawal la giled’a 122:6

Agi tchenegi yam halas sa Jerusalem-mba ala: Ar suma huruzi va’â a le furîd’a ki halasa,

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.

Ma tchi wala 10:4

Le sama te yamba hurum zal kangû ni, ang ar yi mang ma sunda woi d’i, kayam kak ka mudjuka nga d’i ve vun hur ma zal ma tchona kä.

Sunda hi suma a sunuzinid’a 12:20

Herot hurum zal yam suma Tir-râ ki suma Sidon-na. Azi tok taziya, a i gevem ki hur ma tuna. A i fe Blastus amulâ vunam ma ad’u kä na. A tchenem ala mi zlabazi darigïd’a kamulâ, kayam ambas mazid’a ti fe tena ni kur ambasa hamulîd’a.

1 Timote 6:13

An hang vuna avok Alo ma he arid’a mahlena petna, avok Jesus Christ ma le glangâs ma djivina avok Pôs Pilat-na,

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.