Ester 4:3 - Bible azumeina

³ Kur ambas sa lara d’a vun ma hed’a hamulîna ki gat mamba a i kuad’a, Juif-fâ a nga tchi tchi ma hohoud’a kur aziyaziya, a nga d’el tazi bei te te ma luna, a nga tchiya, a nga yor taziya; ablaud’a adigazi a tchuk baru d’a dodora ataziya, a nga bur kä aduk butna mi.

Ester 4:3 Kruisverwysings

Ester 1:1

Wana ni zlad’a le kur atchogoid’a hamulâ Asuwerus-sa: Asuwerus máma mi te leud’a tinï ad’ud’a yam andaga d’a Inde-d’a dei gak mba yam andaga d’a Etiyopi-d’a. Ambas sa mam te kata pet ni kis kam dok mbà yam kid’iziya.

Ester 3:12

Kur bur ma dogo yam hindina hi til ma avo’îna, a yï suma b’ir mbaktum suma kur leu mambina. A b’ir mbaktumba ni ki vun ma hed’a hi Haman-na mi suma nglona hamulîna ki suma te yam suma kur ambas sa lara ge, mi suma nglo suma kal tegles suma lara ge, kur ambas sa lara ge pet. A b’irit mi nge nge pî ki b’ir mamba ki vun mam ma ded’a. A b’irit ni ki simiyê amulâ Asuwerus, a tum tampong mama kua mi.

Ester 4:16

Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu!

Ester 4:2

Mi mbaza avun agre’â hamulîna, mi tchola, kayam ni yima sa nga mi kal kua ki dodora atam mbuo na.

Ester 4:4

Yuguneina hi Ester-râ ki mat suma ngom aropma a mba de zla Mardose mamula Ester. Ata yi máma djib’er mata b’lak ngola, ti sun baruna ala Mardose mi tchugum atamu, mi fok ma dodora woyo. Wani mam min ndi.

Ester 9:31

Ester azi ki Mardose a tinizi bur ma Purim máma kur bur ma a ngam yam azi Juif-fâ, yam andjavaziya, yam d’el ta mazid’a bei te tenid’a, yam tchi mazina mi.

Wana ni mbaktumba hi Job-pa 2:8

Job mi i kak kä aduk butna, mi hlazlunga á grik ki tamu.

Isai 22:12

Salad’a Ma didin ma ad’engêm kal petna mi yagi kur bur máma ná tchina, ná yor tad’a, ná welegi yagi woyo, ná tchugugi baru d’a dodora atagi mi.

Isai 22:4

Kayam ndata, an dagi ala: Agi hlagi iragi woi kanu, agi golon ndi, aran an tchi tchi ma hat hurâ, agi kawagi tagi á b’lengên hurun yam b’laka hi sum manid’a d’i.

Isai 58:5

Ni d’el tad’a sana mi mbut tam hohoud’a hina d’a ba, an minit tchu? D’oze mi hom yam kä d’igi tchereuna na, mi tchuk baru d’a dodora atamu, mi bur kä aduk butna. Ni hina ba, agi mba yat ala ni d’el ta d’a bei te tena d’a bur tu an Ma didina tan lan djivid’a heî kata zu?

Ezekiyel 27:30

A mba tchi ki delezi akulo kangû, a mba tchi tchi ma hohoud’a, a mba ko andagad’a kaziya, a mba bulul kä aduk butna mi.

Daniel 9:3

An d’el tan bei te tena, an tchuk baru d’a ndjondjorod’a atanu, an tchuk butna kanu, an mbut iran gen Salad’a Alona á tchenem ki labiyad’a.

Jonas 3:6

Kid’a amul ma Ninif-fâ mi hum zla ndatid’a, mi tchol lei yam zlam mam mba amula, mi fok baru mam mba amula woyo, mi tchuk baru d’a dodora atamu, mi kak kä aduk butna.

Matiye 13:42

A mba tchuguzi kur gring ma akud’a. Sä kua sum ndazina a mba tchiya, a mba mut siyazi mi.

Matiye 22:13

Ata yi máma, amulâ mi de mazungeî mama ala: Agi djinigizi asem kabomu, agi gumza abu woi kur nduvunda; ni yima suma a mba tchi a mba mut siyazi kua ngolina.

Matiye 25:30

Agi gagi azong ma tcho máma woi abu kur nduvunda. Ni yima suma a mba tchi a mba mut siyazi kua ngolina.

Josue 7:6

Josue ki suma nglo suma Israel-lâ, a haû baru ma atazina woyo, a tchuk andagad’a kaziya, a grif kä andaga ki irazi avok zandu’â hi Ma didinina, a ar bur kä ata yi máma gak fladege.

1 Samuel 11:4

Suma sunda a i avo Gibeya, avo hi Saul, azi väd’u zla ndata mi suma; suma kur azina pet a wet tchina.