Ester 4:16 - Bible azumeina

¹⁶ Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu!

Ester 4:16 Kruisverwysings

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

Ad’u Tinda 43:14

Ar Alo ma ad’engêm kal petna mi le sunda, ar sa máma mi wagi hohowogiya, mi ar Benjamin azi ki Simeon a hulongî ki sed’egiya. Le an ka’î bei grona pî ni, an kak digan wüd’a.

2 Samuel 10:12

Ang ve tang ad’enga, ei soi tei ad’enga yam sum meina, yam azì mei ma nglona hAlo meinina. Ar Ma didina mi le vama hurum vuma!

2 Amuleina 7:4

Le ei kalei avo hur azina ni, ei mba boya, kayam vama te nga d’i. Le ei kagei ka hî d’ei, ei mba boi d’ei! Ki tchetchemba, ar ei i kur kang ma Siri-na geveziya! Le a arei bei tchid’a ni, hotei! Le azi tchï d’ei, ni mat ma kolâ tu!

2 Sunda Hamuleinid’a 20:3

Josafat mi mbut mandarâ, mi nga hurum á djop Ma didina, mi he vuna mi suma Juda-na pet ala a d’el tazi bei te tena.

Esdras 8:21

Ata yima ami nga avun alum ma Ahava mámina, an he vuna ala ami d’elemi tami bei te tena, ami gami yami kä avok Alo meina, ami tchenem mi ndjunumi ki gromina kahle mamina pet kur tit mamid’a mi.

Ester 4:15

Ester ti hulong de mi Mardose ala:

Ester 4:17

Mardose mi ge tam mi i á lahlena pet suma Ester ti hum vuna kazina.

Ester 4:3

Kur ambas sa lara d’a vun ma hed’a hamulîna ki gat mamba a i kuad’a, Juif-fâ a nga tchi tchi ma hohoud’a kur aziyaziya, a nga d’el tazi bei te te ma luna, a nga tchiya, a nga yor taziya; ablaud’a adigazi a tchuk baru d’a dodora ataziya, a nga bur kä aduk butna mi.

Ester 5:1

Kid’a bur ma hindina ndaka, Ester ti tchuk baru mat ma amula atad’u, ti kal krovo avok amulâ kur azì mam ma amula avun gong mamba. Amulâ mi nga kaka kur aziyam ma amula yam zlam mam mba ngagad’a yam avun agrek ma kala.

Ester 9:31

Ester azi ki Mardose a tinizi bur ma Purim máma kur bur ma a ngam yam azi Juif-fâ, yam andjavaziya, yam d’el ta mazid’a bei te tenid’a, yam tchi mazina mi.

Isai 22:12

Salad’a Ma didin ma ad’engêm kal petna mi yagi kur bur máma ná tchina, ná yor tad’a, ná welegi yagi woyo, ná tchugugi baru d’a dodora atagi mi.

Jeremi 36:9

Kur biza d’a vahl hla Jojakim Josiyas goroma amul ma Juda-na nga mi tamulid’a, kur til ma zlengîna a tchi wala yam bur ma d’el tad’a bei te tena avok Ma didina yam suma Jerusalem-ma ki suma a mbeï kur azì ma nglo ma Juda-na avo Jerusalem-ma pet mi.

Daniel 2:18

mi tchenezi á tchen Alo ma sä akulona yam suma mamba tala mi wazi hohowozi mi tagazi adï d’a gumun ndata, kayam a tchazi woi zlapa ki suma ne suma ding suma kur Babilon-na d’uo d’a.

Matiye 12:40

D’igi Jonas mi le burâ kur kuluf ma ngolâ falei hindi andjege hindi na, an Gor Sana mba ni le burâ hindi faleya, hindi andjege kä aduk andagad’a hina mi.

Wana ni Zla d’a Djivi d’a Luc mi b’irita 9:24

Kayam nge nge pî ma nga mi min á sut tama, mba mi ba tam mbeyo. Wani nge nge pî ma ba tam mbei kana, mba mi sut tam mi.

Jean 19:22

Pilat mi hulong dazi ala: Vama an b’irâ, ni b’ir da’.

Sunda hi suma a sunuzinid’a 10:7

Kid’a malaika ma dum zlad’ina mi id’a, Kornei mi yi azungeî suma avo hatama mbà zlapa ki azigar ma nga mi le mandar Alona ma aduk suma a nga lum sunda teteuna.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 21:13

Ata yi máma, Paul mi hulong dami ala: Ni kayam me ba, agi tchigi á pad’an vunadigan na ge? Kayam an min tan ná djinda hol li, wani á mit sä Jerusalem yam simiyê Salad’a Jesus.

Sunda hi suma a sunuzinid’a 27:33

Kid’a yina mi ar go á fod’id’a, Paul mi dazi ala: Agi pet tagi tena, ini ni bur ma dogo yam fid’i ma agi nga djubugi vama mba mi mba kagina. Agi tagi nga va d’i.

Sunda hi suma a sunuzinid’a 9:9

Mi le burâ hindi bei wed’a, bei te va, bei tche mbina mi.

Romê-na 16:4

Azi he tazi woi kanu, wani nga ni an hol ba, nga ni lazi mersi d’i, wani Tok ka aduk andjaf suma dingîd’a pet nga d’i lazi mersi mi.

Filip-ma 2:30

kayam mam ar go á matna yam sunda hi Christ-sa. Mi gol tamî va d’i á mban ahle suma ndjun suma agi tagid’a ndak á mbandji d’uo na.

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!

1 Samuel 19:5

Mi he tam mbeyo, mi tchi ma Filistê-na. Ma didina mi le ki sed’em mi sut Israel-lâ pet sut ta ngola. Ang tang we ki irangû, ang le furîd’a. Ni kayam me ba, ang le tchod’a á tchi ma bei zlad’a kama David bei lovod’ot ke?