Ester 4:14 - Bible azumeina

¹⁴ Ndak le de va d’uo ni, ndjunda ki suta a mba tcholï ata yima dingâ yam Juif-fâ, wani ndak ki suma avo habu’â a mba tchagi woyo. Wani ni nge mi we ge, dam ni yam zla d’a hina d’a ba, ndak mba ini avo hamulâ kla ni ge!

Ester 4:14 Kruisverwysings

Ad’u Tinda 22:14

Abraham mi yi yi máma ala Ma didina nga mi he. Kayam ndata gak ini suma a nga dala: Ni yam ahinad’a hi Ma didinid’a ba, mam mba mi he.

2 Amuleina 13:5

Ata yi máma Ma didina mi sunï sama sud’uzi woi abo suma Siri-na, kayam azi kak kur aziyazi d’igi avoka na.

2 Amuleina 19:3

Azi dum ala: Ezekiyas mi dami ala ami dang ala: Ini ni bur ma yor tad’a, ni bur ma ngopa, ni bur ma zulona mi. Ki tchetchemba, ei ni d’igi atcha d’a ti nde vuta wani ti ndak nga á vut gorotna woi d’uo d’a na.

Esdras 9:9

Kayam ami ni magumeina, wani ang Alo mamina arami nga woi kur magomba d’i, ang wami wa hohowomi avok amulei suma Perse-na. Kayam ndata, azi arami lovota á min gong mang nga kud’ora, á minimi yima b’lak keina akulo, á fami yima kaka avo Jerusalem yam ambas sa Juda-d’a mi.

Nehemi 6:11

An hulong ni dum ala: Sama d’igi an na ni ring zu? Sama d’igi an na na ni ndak á kal kur gong nga kud’ora hAlonid’a á sut tandju? An nga ni kal li!

Ester 2:15

Kid’a Ester Abisayil ma Mardose abum wiyema gorom mba Mardose mi mbud’ut gorombid’a burut ndak á i avok amulîd’a, ti hal nga vama ding ngi; nahle suma Hege ma ngom aropma hamulîna mi hattchina hol. Ester ti le suma a nga golotna pet tazi djivid’a.

Ester 2:17

Amulâ hurum ve Ester kal arop suma dingâ pet, mi le kat kal gro arop suma dingâ pet mi. Ata yi máma mi kulubut avaval la amula kad’u, mi vragat amula balum Vasti.

Ester 2:7

Mam mi ma wul Hadasa-na nala Ester; ndat nabum wiyema goromba, ndat ni hokuyod’a, ti djif heî mi. Kid’a abut azi kasut a bod’a, Mardose mi mbud’ut goromba.

Ester 4:13

mi hulong dat ala: Ndak djib’er ala ndak tu ba mba sut tei aduk Juif-fâ kayambala ndak nga avo hamulâ d’a d’i.

Ester 4:15

Ester ti hulong de mi Mardose ala:

Wana ni mbaktumba hi Job-pa 9:18

Mi nga mi aran an nga ni muzuk hina nde d’i, nga mi oyôn ni ki hur ma hat ma tchona.

Ma tchi wala 3:7

yima haû woina mi nga, yima dupa mi nga mi; yima bei de zlad’a mi nga, yima de zlad’a mi nga mi;

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Jeremi 30:11

Ma didina mi de kua ala: An nga ki sed’egi á sud’ugiya, an mba ni dap andjaf ma lara ma an ndjoyôgi woi adigama woi pet, wani agiya, an mba ni dabagi woi d’i. An mba ni aragi hawa bei ngopa d’i, wani an mba ni ngobogi ni ki lovod’od’u.

Jeremi 46:28

Ma didina mi de kua ala: Agi suma hi Jakob-ma azungeî mana, agi lagi mandar ri, kayam an nga ki sed’egiya. An mba ni dap andjaf ma lara ma an ndjoyôgi woi adigama woi pet, wani agiya, an mba ni dabagi woi d’i. An mba ni aragi hawa bei ngopa d’i, wani an mba ni ngobogi ni ki lovod’od’u.

Sunda hi suma hi Levi-nid’a 26:42

Ata yi máma an mba ni djib’er yam vun man ma djin ma an djinim kabuyozi ngolona, nala, ki Jakob ki Isak ki Abraham. An mba ni djib’er yam vun ma hle ma an hlum yam ambas mazid’ina mi.

Matiye 16:18

An nga ni dangû, angî Pierre, an mba ni min Tok manda yam ahina ndata. Vun agre’â hi yima azuleinina mba mi lat va d’i.

Matiye 24:22

Wani ladjï Alona mi dadak burâ go d’uo ni, sana mba mi fe suta d’i. Wani ni kayam suma mi manazina ba, mi dadagï ki burâ wana.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

Suma ka sariyad’a 15:6

Suma Filistê-na a djop ala: Sama lahle ndazina ni nge ge? A hulong dazi ala: Ni Samson ma Timna akunomina, kayam mi vamamba, mi hat tei mi banam ma kokodjona. Suma Filistê-na a i ngalat tei kabut djak.

1 Samuel 12:22

Ma didina mba mi aragi woi d’i, kayam simiyêm ma nde yinina; kayam ni mam tamba ba, mi min mbud’ugi sum mama.

1 Samuel 17:29

David mi hulong dum ala: An le ni tcho me ge? An djop ni djoba hawa d’uo zu?