Ester 3:6 - Bible azumeina

⁶ Ata yi máma mi nga hurum á tchi Mardose, wan pî, ndagam nga d’i, kayam a dum ala: Mardose ni ma Juif-fâ. Ni kayam ndata ba, mi nga hurum á dap Mardose b’oziyom Juif suma a nga yam ambasa hamulâ Asuwerus-sina woi pet.

Ester 3:6 Kruisverwysings

Esdras 4:6

Kur atchogoi d’a Asuwerus mi tin ad’ud’a á tamulid’a, suma djangûna hi Juif-fîna a b’ir mbaktumba á tchuk zlad’a yam suma a nga kaka avo Juda ki Jerusalem-ma.

Ester 9:25

Wani ata yima Ester ti tchol avok amulîna, amulâ mi he vuna kur mbaktumba ala: Ar tcho d’a Haman mi ngat kurum á lat mi Juif-fîd’a ti hulong kamu, a gabam akulo ata aguna, mam ki groma mi.

Sawal la giled’a 83:4

A nga min tazi gumun á dur sum mangâ, a ndjak vunazi á dur suma ang nga ngomozina.

Sawal la giled’a 83:5

Azi nga de tazi ala: Ei dabazi andjavazi woi yam andagad’a; ar sa mi yi simiyê Israel-lâ bugol luo d’a.

Jeremi 33:24

Ang nga hum zla d’a sum ndazina a nga data ko zu? A nga dala: Ma didina mi ar wa Israel ki Juda andjaf ma mbà ma mam manama woyo. Ni kayam ndata ba, a gol sum mana is, a golozi ni d’igi andjafâ d’uo na iraziya.

Vama ndum mbeina 12:12

Kayam ndata, ndak akulod’a, ndak le furîd’a ki suma a nga kuru’â mi. Wani ni zla d’a hohoud’a yam ndak andagad’a kalum ma ngolâ, kayam Diable mi tchugï asem kä atagiya. Mi mbut ayîna, kayam mi wala yam ar nga ngol li.