Ester 3:15 - Bible azumeina

¹⁵ Suma sunda a buzuk a i ki vun ma hed’a hamulîna atogo zak, suma dingâ a tchi wal zla ndata kur azì ma Sus-sâ mi. Ata yima amulâ ki Haman a kak kä á tched’ina, suma kur azì ma ngol ma Sus-sâ djib’erezi b’lak ngola.

Ester 3:15 Kruisverwysings

Ad’u Tinda 37:25

Ata yima azi kak kä á te tenina, azi hle irazi akulo, a we suma Ismael-lâ a tcholï Galät ki djambal mazid’a, azi yoi mbul ma his ma afufuîna ki dubang agu bauma kagu mirâ á izi Ezipte.

1 Amuleina 14:27

Wani amulâ Robowam mi yor mboriyo suma kawei ma hleuna, mi vragazi balumu, mi hazi abo azigar suma nglo suma a ngom vun agre’â hamulîna.

Ester 1:10

Kur bur ma kid’iziyana amulâ tam mbi lum djivid’a yam süm guguzlu d’a mi tchata, mi yi azungeî mam suma kid’iziya suma a ngom aropmina, nala, Mehuman, Bista, Harbona, Bikta, Abakta, Zetar ki Karkas mi.

Ester 4:16

Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu!

Ester 8:15

Mardose mi nde woi kur azì ma amula ki baru d’a ndal la botlozid’a ki d’a hapa atamu, baru d’a ngol la luluî d’a hleud’a atam kavaval la ngol la lora nga kulupa kam mi. Suma kur azì ma ngol ma Sus-sâ a nga le furîd’a.

Sawal la giled’a 37:7

Ang kak irang sik avok Ma didina, ang ve tang djubumu; ar hurung zal ata sama nga mi fahlena kur lovot mambina d’i, ar hurung zal ata sama nga mi ndak vun djib’er mam mba tchod’ina d’uo mi.

Zla d’a d’ogolâ 1:16

Asezi mafefeta á le tchod’a, a nga b’at tazi á tchi suma woi mi.

Zla d’a d’ogolâ 29:2

Ata yima suma d’ingêrâ a zulâ, suma a kak ki furîd’a; ata yima sama asa’atna mi te yambina, suma a zamî taziya.

Zla d’a d’ogolâ 31:4

Lemuel, nga djivid’a tala amuleina a tche süm guguzlud’a d’a d’i, d’oze suma nglona a tche süm ma ayîna d’a d’uo mi.

Zla d’a d’ogolâ 4:16

Kayam le a le nga tchod’a d’uo ni, a nga bur sen ndi; le a b’lak nga sa d’uo ni, sen nga mi vazi d’uo mi.

Wana ni mbaktumba hi Oze-d’a 7:5

Kur bur ma vun tilâ hamul mazinina, suma nglo suma avok suma a nga mbut tugud’eid’a abo süm guguzlud’a, amulâ nga mi ve suma las suma abozi akulo mi.

Amos 6:6

Agi nga tchagi süm guguzlud’a ki kop ma nglona, agi nga lagi mbul ma d’igil ma hirwilingâ atagiya, wani agi nga had’agi hurugi yam b’lak ka ti mba yam andjafâ hi Josef-fîd’a d’i!

Jean 16:20

Gagazi, an nga ni dagiya, agi mba tchigi tchi ma hohoud’a, wani suma kur duniyad’ina a mba le furîd’a. Agi mba kagagi ki hur ma wurana, wani hur ma wura magina mba mi mbut hur ma hapma.

Vama ndum mbeina 11:10

Suma yam andagad’ina a mba le furîd’a yam matna hi suma mbà ndazinina. A mba le furîd’a, a mba sun he d’a hawad’a aduk tazi kayam suma djok vun Alo suma mbà ndazina a le suma yam andagad’ina ndaka heî.