Ester 3:12 - Bible azumeina

¹² Kur bur ma dogo yam hindina hi til ma avo’îna, a yï suma b’ir mbaktum suma kur leu mambina. A b’ir mbaktumba ni ki vun ma hed’a hi Haman-na mi suma nglona hamulîna ki suma te yam suma kur ambas sa lara ge, mi suma nglo suma kal tegles suma lara ge, kur ambas sa lara ge pet. A b’irit mi nge nge pî ki b’ir mamba ki vun mam ma ded’a. A b’irit ni ki simiyê amulâ Asuwerus, a tum tampong mama kua mi.

Ester 3:12 Kruisverwysings

1 Amuleina 21:8

Wani ndat ti b’ir mbaktumba ki simiyê Ahap, ti tin tampong mama kua, ti sunut mi suma nglona ki suma nglo suma avok suma hur azì ma Nabot mi nga kaka kuana.

Esdras 8:36

A he vun ma hed’a hamulîna mi mam suma nglona ki suma te yam suma sä abo alum ma Efrat-na abom ma fladegenina. Sum ndazina a ndjun Israel suma a nga min gong nga kud’ora hAlonid’ina mi.

Ester 1:22

Mi sun mbaktumba kur leu mamba pet, kur ambas sa lara ge pî ki b’ir mata, mi suma lara pî ki vun mazina, ala: Ar mandjuf ma lara pî mi te yam aziyamu, ar mi de zlad’a ni ki vun mam ma a vud’um ki na.

Ester 3:11

Amulâ mi de mi Haman ala: An arang beged’a ki sum ndazina pet nabongû; ang le vama hurung minima.

Ester 8:2

Ata yi máma amulâ mi pat ngangam ma abom ma mi hlum abo Haman-na, mi hum mi Mardose. Ata yi máma na wat Ester ti tin Mardose yam azina hi Haman-na.

Ester 9:27

Juif-fâ a tin vun til ma bei ara ba na kaziya, yam andjavaziya, yam suma a zlap ki sed’ezina, á ngom bur ma mbà ma hi vun til mámina bizad’a ki bizad’a, ata bur ma a ngama d’igi Mardose mi b’irizizi kur mbaktumba na.

Daniel 3:10

Amulâ, ang he vuna ala ata yima sama lara mi hum tchina hadifina, hi taulâd’ina, hadingîna, hi daliyâd’ina, hi gangad’ina ki tchina hahle suma bu suma hle sawala tetengâ, mbeî mi grif kä andagad’a á kud’or filei ma yor ma lor ma ang amulâ tinim akulona,

Daniel 6:12

Bugola, a i gen amulâ kua, a dum zlad’a yam gat ta amula, a dum ala: Amulâ, ang tin abong kur gata ala kur bur ma dok hindina sama lara ma mi tchen va ata alona d’oze ata sama dingâ bei mi tcheneng ang amulâ ba na, a gum kur zula hazlonid’a d’uo zu? Amulâ mi hulong mi dazi ala: Gagazi, d’igi gata hi suma Mede-nid’a ki d’a hi suma Perse-nid’a de na, sama ndak á mbud’ut kä na nga d’i!

Daniel 6:15

Wani suma djangûna hi Daniel-lâ a hulong gen amulâ ki siwela gandjau, a dum ala: Amulâ, ang wala gata hi suma Mede-nid’a ki d’a hi suma Perse-nid’a ti min ala gat ta lara ta amulâ mi tinit mi tin abom kuad’a, ti ka’î gat ta bei mbud’ut kä ba d’a.

Daniel 6:25

Bugol ahle ndazina, amulâ Dariyus mi b’ir mbaktumba mandjaf suma pet, mi suma ad’u vun ma ded’a tetengâ pet, mi suma a nga kaka yam andagad’ina pet ala: Ar agi kagagi ki halasa ngola!

Daniel 6:8

Ki tchetchemba, amulâ, ar ang tin gat ndata, ar ang tin abong kua tala ti ka’î gat ta bei sa mi ndak á mbud’ut kä ba d’a d’igi gata hi suma Mede-nid’a ki d’a hi suma Perse-na na d’a.